6種麻雀玩法 你哋最中意玩邊種？

麻雀真係個個國家都有唔同玩法，各有特色，我自己就每一種都中意 (除咗廣東牌，因為番種太多好難記), 我依照自己有限嘅認知簡介下

香港麻雀
應該係香港人最熟悉，由於三番起糊而且番數係幾何級數上，就算細牌都冇肉食，所以係咁多種牌入面最多大牌嘅一種，所以亦係變化比較少嘅一種牌，優點係易學，缺點係可能玩法太單調，但另一特點係強調防守，因為輸親都大牌出銃好危險，加上又有9章落地包7番/全求人自摸全包，加上有人會玩出銃雙計，更加大風險，流局率偏高，不過係唯一冇鐵8棟打到尾亦都增加咗刺激感

廣東麻雀
最複雜嘅一種牌，番種究極多，所以亦係唯一一樣我唔玩嘅，因為實在太難記，技術特點我唔清楚，但玩厭香港牌又唔想玩其他嘅可以學廣東牌，因為雀館同跑馬仔係兩大熱門，另一大特點係多數打半銃，所以出銃都唔太驚，其他人都要攬炒

台灣麻將
唯一打16隻嘅牌，特點係有食唔食罪大惡極，因為用底/台計，例如300/100, 而且大牌番數都唔高，所以食糊重要過做牌好多，但台灣牌最大特色一定係連莊，實在太刺激好玩。另一個大特色就係自摸，因為自摸雞糊係隨時大過出銃大牌，所以出統唔食搏自摸都過癮，但因為有過水，加上個個爭食，所以風險都好大

日本麻雀
強調防守，防守程度應該係各種牌最高，特點應該係自摸同出銃輸嘅錢一樣，所以出銃嘅代價係最大，所以成日睇日本牌比賽會發現佢哋打牌選項好怪，一路打一路守，以退為進。另一特點係懸賞牌+強調門清+聽牌，好運嘅話中到裡懸賞牌食嘅分數都係幾何級上。流局率極高，而且一番起糊，dora同槓/花牌嘅番數係當額外，所以有dora食雞糊都係會唔食得，總結嚟講係技術含量高但方差極大嘅玩法，所以好矛盾

跑馬仔
打法同台灣牌有幾分似，但佢直頭唔考慮番數 (我哋玩7番以上先會計番錢)，只求食糊同槓牌收錢，獎馬係最刺激嘅一環，所以一定一定要自摸，唔係嘅話收錢仲少過開槓，當然獎馬會疊加，所以策略性截冧莊自摸都合理，但由於冇過水，自摸成本低過台灣牌，所以個個都會衝自摸，加上如果刻子多，更加要搏槓優先，食出銃冇意思

美國麻雀
娛樂性為主，特色當然係換牌 (有睇嚦咕嚦咕應該都記得) 所以開局副牌都超靚，加上莊家有權再換一次，所以天糊都唔出奇，番種由於大家都一知半解，網上又冇番種表，所以一般只強調換牌嗰下，然後搭香港/台灣牌番種玩，娛樂性十足，但因為我係傷心小棧狂迷，所以美國麻雀對我吸引力都幾大

附加：

國標
大陸競技規則，由於係新興而且係加工番種，所以吸引力低，大陸人玩跑馬仔都唔會玩國標，其實都係廣東牌簡化版，so far見唔到好有特色嘅特點，所以唔列入六大，但仲有其他可以再補充，出住6樣先，唔知大家中意玩邊種？

由細開始中意睇人打麻雀 所以就識左打香港牌
打落之後覺得係唔大變化 唔係混一色就對對糊（有時d對手仲會唔打花/門清） 尤其大家都守牌真係會悶

之後識左打跑馬仔 覺得有時打下都幾過癮
最近學埋日本牌 睇youtube個d比賽睇佢地d出牌真係幾新奇 同之前打牌嘅概念幾唔同 而且變化真係多 覺得好好玩
不過係計番幾煩

當年為咗睇saki
學打日本牌
好鍾意佢可以知道邊d係安全牌
同埋有寶牌裡寶牌好刺激
細牌都可以變到大牌

淨係識香港同跑馬仔

日本

我係睇美波嘅saki所以去左學日本牌

我同你嘅流程差唔多，都係睇比賽，但唔知邊度online 玩日本牌，所以就冇乜玩

番種其實日本牌算易啦 (廣東牌先cls)，反而有好多奇怪規則，eg起手9隻13么牌/4人一輪打同一隻/4人一齊聽牌→都要重洗

不過其實好多時真係睇唔明，最唔明一點係之前見到有條友渣779萬 同埋其他牌，開局頭幾隻，佢無厘頭拆隻7萬，我真係睇到R晒頭…先啱啱開局點解要咁打？

香港

香港牌叫最似日本牌啦，但前期都要沖啦中後期先開始防守，日本牌直頭要由頭守到尾，仲要立直先有隻dora可以叫下, 防守更加而針對，仲有屌唔記得寫埋落簡介，佢哋最誇張係有振聽，打過嘅牌唔可以食糊，所以上牌/碰牌條友仲要按方向指住放牌嗰條友 總總因素搞到太多流局所以有時會玩到幾悶

btw講錯係唔可以ron (食出銃) 仲要係同一條船都唔得 eg打咗九索你聽69索連六索都唔食得…

日本計分會計幾多番幾多符個d 我係覺得個到幾複雜
你講睇唔明個到i know that feel 不過以我所知好似係佢地習慣有一對眼之後就會拆其他對子做平糊 （唔確實係咪 ）

跑馬太垃圾我唔當佢係麻雀

日麻講摸運多過港麻
日麻加好多野令日麻複雜化（符番、順位碼、dora）
所以令好多鐘意思考多d既人玩

港麻上下家意識應該係數一數二高既種類
生死章都係常用技巧

題外一問 樓主係咪出左來做緊野？

係 因為一般型 最易做到暗聽平糊 就唔洗焗立直

美國麻雀

一直都以為劉青雲係9up 莊家有權要求換牌

點解無人打港台
一開頭覺得香港好玩，但係打耐真係悶，轉打港台
香港牌比我既樂趣得反點樣出奇不意食人三番
日麻又係得意，不過我多數打天鳳

日麻最大問題係立直著數好多
例如立直一盃口 兩役，但係無立直就一役
立直仲有得揭裏懸賞，好多時就跳滿

唔係話天鳳唔好
但我鍾意雀龍門多d
可惜佢後期走火入魔要比錢打就冇再玩了

符同番我都仲未好get到係咩
我仲讀緊書

我直接打台牌，港台同廣東牌一樣，d番種記唔晒

如果你係大專生
有無興趣搞大專麻雀比賽？

冇啦 唔想出名
不過食下花生都ok

所以焗鳩你做門清，門清真係日本牌核心價值

玩開跑馬仔