仆街 尼爾如果唔係神作 咩game先係

一早google 完啦
個個定義唔同又抽象

今朝返工仲聽緊隻sound track, 回味下d劇情同結都仲覺得幾感動,
遊戲性又唔係咁講到咁差喎, 咁多支線發展同唔同地形個地圖設計我覺得恰度好處

買左珍藏版最貴個隻，乜都有
無後悔過

講操作複雜性你可以自己Google下招式表。Nier既操作複雜性連大部份無雙都不如。
攻擊中派生黎黎去去都係一樣，完全無分別。
正常Combo接長按同正常出無分別。弱攻同強攻無論係第幾段派生都一樣。
小型劍同大型劍強弱調轉派生又係同一招。
射擊同近戰又難配合黎連技。射擊自動瞄時出近攻又會斷射擊瞄。
要做到同時用除非你一邊近戰一邊搞鏡頭手動瞄啦。
你睇返DMC點樣做射擊同近戰攻擊連技
射擊可以令人物／怪滯空，有爆破吹飛，部份人物可以攻擊同時射擊
唔同射擊，特殊技能前置時間短可以拼入近戰連擊
(而且共用一個瞄準系統唔使玩家手動瞄)

拿返之前出既Fate Extella黎講，唔同弱攻擊下派生強攻擊會有唔同招式
每個人物弱攻同強攻操作方式完全唔同。(成隻Game講緊有13個角色)
而你Nier只有四種武器，三個人物大部份動作，攻擊模式共用（少數唔同），打起黎感覺一樣

而且連擊連得好無撚用，升lv加傷害先係最實際。一般動作遊戲，例如DMC講緊角色升級係解鎖更多動作招式黎比玩家運用更多唔同既連技打出傷害，唔少無雙一樣有呢個設計，例如上面既Fate Extella係解鎖派生同增加攻擊Combo。

你Nier升武器同角色有冇呢件事? 無。

其實唔講咁多係因為講黎都無謂，你自己有玩開無雙，有玩過動作類遊戲既，
一玩落Nier就會感受到個手感同連技係唔多合格。一路玩落去變化又少，
其他無雙/動作類遊戲講緊你未玩熟一隻角色已經會有機會比你掂下其他角色/武器/特殊連技。

即係遊戲性=操作性 ？
一早知操作唔夠
但關遊戲性事？
點解唔直接話操作性差

簡單黎講: 角色操作打法只係影響遊戲性既其中一種要素。但唔代表整個遊戲性。

其他仲有好多野會影響遊戲性包括關卡設計, 成長曲線, 敵人設計等等好多好多野。

而nier唔係只係操作性差。咁梗係唔只係用操作性呢個字

不如你簡單去google乜野叫遊戲性先啦。唔好衝出黎柒

咁你剩係講操作性
咁就代表晒遊戲性差？
都話google左啦
個個定義唔同又抽象
又投入感又又滿足感

不如你比條link我
一個話連音樂畫面投入感都計
一個又話唔計
一個又話玩家可以做什麼

其實我覺得真係好簡單。
首先你問下自己Nier係一隻咩Game？幫你答埋ARPG。

Wiki有個簡單的定義：https://zh.wikipedia.org/wiki/%E5%8B%95%E4%BD%9C%E8%A7%92%E8%89%B2%E6%89%AE%E6%BC%94%E9%81%8A%E6%88%B2
裹面講左有三個要素：使角色成長繼續冒險的RPG要素、對於戰鬥場景的動作性處理（非選項式戰術，考慮到操作時差等的處理）、解決隱藏謎題或機關的冒險遊戲要素。

好啦，咁要點樣講Nier有冇遊戲性？自然就從佢既分類提出既主要元素去出發。
咁你點解會覺得一隻ARPG既動作元素係唔計落呢隻ARPG既遊戲性呢？

仲有我上面係講左操作同埋角色成長，唔係剩係得操作性。
另外如果你覺得操作性係動作遊戲唔重要既話。
不如你問下自己如果動作遊戲無左角色操作呢個要素仲算唔算係動作遊戲?

幾時話唔重要
剩係想講重點講”遊戲性”差
我知遊戲性包好多野
呢隻game點都唔會叫遊戲性差
你講果堆野基本同意
以低成本小眾 arpg黎講算合格啦

我覺得已經有人講左個好好既例子。
假設你飛晒所有遊戲劇情。無視個畫面同熄左個BGM同語音去玩
（效果音包括係遊戲性入面，因為玩家可以靠音效黎判斷敵人／確定蓄力完成等等，所以會計）
然後玩落覺得點。

我自己就覺得玩唔落去。BTW你既然話遊戲性唔差。又成日叫人比例子。
咁講得出Nier好玩係邊未? 唔好同我講劇情畫面音樂做得好喎。

問題係依家講緊遊戲性唔係講緊整體
例如我問你某女星個樣靚唔靚，你都唔會答我佢身材好好個波好大啦吓話。
好似一條女J唔J得落都係，一條女個樣好靚，但原來係超級大肥婆黎既
咁你都J唔落啦。

咁講好多game都玩唔到落去
除左競技 益智 音game
如果係咁我witcher bb ds 人中 p5都玩唔到落去
最近得mhw可以冇靚畫面劇情bgm都玩到

“遊戲性”同好玩唔一定有關係
好唔好玩好主觀
遊戲性可量化
劇情畫面音樂點會表達唔到”好玩”
我個人而言nier算好玩

即係你睇書或者睇戲會覺得本書或者套戲「好好玩」

過山車「好好玩」

「好玩」有兩個意思
一係玩家對成隻遊戲既整體評分
二係玩家覺得遊戲性好

拿我從來都係講緊2
唔係講緊1，有人要出黎講遊戲性好好，
但將遊戲性個意思拉到變左1咁。

Gameplay is the specific way in which players interact with a game, and in particular with video games. Gameplay is the pattern defined through the game rules, connection between player and the game, challenges and overcoming them, plot and player's connection with it. Video game gameplay is distinct from graphics and audio elements.
wiki解釋

有冇睇到個大前提係interact?
你睇cut scene既時候同隻game有interaction嫁？
畫面當然要有，唔通你黑左個畫面會見到敵人係邊？

我講緊唔計畫面係畫質，建模精細度。唔係講緊Player肉眼見到既Hitbox呢類遊戲性要素。

條友就係話喂畫面音樂都計，又有人講劇情都計，但從來無視interaction個Part

好嘅劇情,音樂可以引起玩家共鳴,帶動情緒,
但係同遊戲性無關

玩家實際遊玩嘅部分係跑圖,升呢,戰鬥
Automata作為ARPG, ACT同RPG部份都太簡單
個體驗唔太完整,佢似包住RPG皮嘅AVG

敵人經常重覆,見到鑽油台真係屌出聲
戰鬥都係拿拿聲打完去推劇情,作業感偏重
令玩家想玩落去嘅係劇情發展

玩家對戰鬥部份有要求,係因為佢掛住ARPG個名,仲要係白金開發
但偏偏動作性同角色成長部份較弱

我心目中既神作 但客觀睇佢前中期都平淡 只算得上好有誠意既佳作
場景同音樂真係好好 最中意水城既音景同機械人村