暗瘡撚-A酸進度（純分享）

通常要幾多日到香港？
有時真係唔想睇醫生
等就等好耐
見就兩句出返去

3-4日

thx，陣間買 就係得返三日藥

唔該哂巴打

好似加返d副作用話比人聽好d喎
你睇過醫生知道side effect
但其他人味必知

大肚婆唔食得
少部份人會有機會會有自殺傾向
傷肝 個肝有事又唔食得
唔可以同tetracycline 一齊食

係咪即係要睇醫生先買?
我好似好耐之前睇過食過 係咪即係應該食得?

A酸可唔可以清埋墨
我見你嘴邊粒墨都無左

隻藥就一定係醫生處方架啦
但醫生就每次拎藥就食你診金咁囉
所以...(你懂的）
但食之前你要知副作用先
想生仔都唔食得
唔好人食你又食咁囉
似終呢d唔可以當糖食

係 原先諗住純分享 已經唔記得左 sorry
另外建議大家點都睇左醫生先
計算份量 適合與否 都唔係我地掌握到既
副作用仲會有 爆發期 持續大概兩個月
因人而異 又或者因份量而異
如果食既份量大 爆發期應該較嚴重
所以睇醫生既話可以要求埋抗生素減輕情況
亦會出現出身都乾既情況
程度都係劑量大 乾得勁 以我30mg為例
會好似乾到冬天咁 嘴特別乾
所以一定要日日帶潤唇膏
大概係兩星期開始塊面就會油都唔出
覺得情況嚴重 頂唔梗既 以前買落
用淨既保濕mask就用到
但記住盡量減少用護膚品既次數
都係用普通洗面奶 爽膚 保濕就夠
另外食藥期間一定要用防灑
我就用緊avene 30度 240蚊左右 萬寧買到
一定要用防灑 唔係皮膚好易變紅同印會沉澱變黑
因為食既人 吸收紫外光既程度會比普通人高
最後就係 爬多d文 唔好見人話副作用好大
會死 生唔到仔 傷肝傷到仆街 就完全唔接觸呢樣野
只要劑量正確 生仔前一年完成療程
食之前做個肝檢驗 定時2個月做一次直至完療程
做好保濕同防曬同準時食
保濕講緊全身 醫生話乾到仆街你都唔保濕
有機會引發濕疹 到時就慘撚過暗瘡
但呢個情況唔多 除非你劑量好高 例如一日食60mg
最後 食既劑量絕對唔可以大過你既重量
例如我 66kg 唔可以食大過60
當然啦60已經好大 正常人唔係10級嚴重既話
應該最多40-50 （假若你kg大過50）
我都係食30 醫生話我3級 （mg唔跟級數）
有問題當然要問返專業人士
我都係以經驗作分享
最後建議大家要既話 一定要睇一次醫生
瞭解左自己情況先再決定是否自行購買
因為A酸係香港得3間藥廠既藥有註冊
其他非R O N 字頭既藥 係冇係香港註冊既
原因係因為R 係原廠 O N稱做副廠
當a酸專利係之前完左果時
其他廠都出a酸 所以藥效大同小異
當然冇保證 呢個係大家需要注意既地方
其他雜廠黎自世界各地 但因為香港冇註冊
冇得賣 所以大家做決定前
謹記 風險自付

係淡左但仲係度
墨絕對清唔到

最緊要知道自己情況 知道咩副作用
知道要注意既地方 到時買唔買 再作決定
坦白講 醫生都係幫你決定劑量
決定你是否適合食 都係隻藥幫你
若果你熟知情況既話 你就...

巴打用邊隻保濕？

Bioderma爽膚 肌底液
Cetaphil 面霜
洗面都係用cetaphil
B果兩支算貴 想買平可以成set 買 cetaphil
醫生推薦呢個brand

襯仲有得痴屋企人保險睇多次皮膚科睇下醫生比幾多mg先再配 希望今次可以斷尾

食左2個月多d 20mg,仲有出緊1-2粒暗瘡 ,爆發期緊 d 暗粒還左 ,係唔係要加大劑量到30mg , 體重大約58kg

見好多人話第3個月開始無晒暗粒個d 但我仲爆發緊 暗粒又有 今日仲見到有暗瘡生添

cetaphil有潔膚露同油性及暗瘡皮膚潔膚露
可以講講用邊種嗎?
謝謝

多謝樓主分享。

我宜家（3x歲）暗瘡冇咩生咯，但留落好多印。

有冇人知道塗乜，去印好？

用普通就得 唔好用暗瘡
另外佢有隻防曬面霜 但15度 係屋企可以用
出街建議30度

你仲有冇睇醫生 睇左醫生問佢點先 因為第2個月都仲有機會 會生 但就唔一定係爆發期

無睇la 直接食半年 d 暗粒佢話難退d 但無理由咁耐 3月10開始食geh ,想加劑量 仲有好多瘡係塊面到 但比爆發期係少左既

why?

醫生果時講過 話暗瘡用既野 有用既話洗咩食藥？
我冇追問

轉溫和 普通野都得
最緊要唔洗用太多唔同既護膚品

你可以嘗試 但我真係答你唔到
因為我都係跟本身醫生比既份量