太古 可能係全香港最好住既地方

堅尼地城

九龍站

九龍塘

九龍站上篕先係
太古又舊又殘又無會所

又舊又殘得黎仲陰陰森森,陰氣好重咁一入夜周身唔聚財想快D走

凱旋門 君臨天下果d拍埋去
一行入去屋苑門口已經知無得比
但仲會有人吹奏太古

你咁樣比不如唔好比 其實多唔多人用會所？ 有會所管理費會貴好多，反而出面join gym仲多野玩

你估住依個屋苑既人會左度右度貴唔貴？

好難講 依家啲人加管理費就噪到死 見過越有錢越孤寒

果d人去到邊都會係咁

你個市中心好似唔平得太古幾多，平個到係出大問題個個康城 同埋交通時間呢？ 你好唔好住 實有d係推因素一d係拉因素影響嫁

其實8-90年代起既樓實用面積最理想，但會小左club house,同舊。個人喜好，以前實用面積800，依家話800，可能得以前既6-700。 仲有，何文田，九龍塘啲樓都有舊，但都賣到好貴... 因為個啲樓都好實用

我聽個啲住客話無用過club house 可唔可以平啲管理費

1.唔該上中原睇將軍澳同太古樓價,睇下差幾遠,我都廢事令你難做
2.將軍澳站同康城唔該你上GOOGLE MAP睇下隔幾遠
3.交通時間差無幾,睇你去邊,各有方便,你出旺角都會遠,黃埔直頭就係全港中心點
4.唔好再講康城,DAY1都冇指過康城果面
5.既然扯到去性價比果到,你上中原睇完樓價再睇地點配套再講先

奧運站都係冇得頂！

所以真係要睇遠D
成日以為太古幾好幾好 出面大把仲好
先唔講埋9龍塘又一城果D

你住喺月台定隧道口，沙田咁多燈口位，搭車去火車站，揸車去隧道位都要時間啦

長實嗰啲人真係唔好提，如果早排有睇新聞嘅就會知咩事，寒寒酸酸學人玩停電: https://hk.news.appledaily.com/local/daily/article/20110306/15044452

不過，撇除長實，區內其他商場都幾高質吓:

將軍澳中心 (新鴻基地產)


PopWalk天晉匯 (新鴻基地產)


新都城中心 (恒基兆業)


PopCorn (港鐵+新鴻基)


將軍澳廣場 (南豐集團)


帝景灣商場 (信和)

我計埋㗎啦，如果住新城市，新城市廣場停車場後面嗰盞燈一上青沙公路就係隧道口啦...

新城市沙廣沙中樓下就係火車站啦...

咁如果住第一城，火炭，石門呢

沿途都有車站喎差你幾遠呀?

第一城行去馬鐵站最遠可以10分鐘，火炭最入行出黎火車站又10分鐘，石門濱景翠湖行去馬鐵都要10分鐘，時間已經差一個double

巴打好有心機,所以有時都會入下將軍澳行下食下野睇下戲,再唔係就去海皮行下,
地方又大真係好正 有錢都想搬果到

九龍灣有得輸咩

得閒可以去行吓，我住奧運站都有時會揸車去將軍澳。

另外，提提你:馬鞍山We Go Mall下個禮拜六正式試業，過半數樓面做餐廳，遲啲仲會有溜冰場

而且葵興都有新商場時間試緊業，叫做「life@KCC」，係新鴻基工廈活動

2019年喺商場嘅大日子，好多九龍、新界同港島區嘅新大型商場都會開幕

btw, 我今晚會去粉嶺食飯，順便去行吓啲新商場先

更正: 活化

不停講新界都有啲悶，講吓九龍區嘅奧運站

奧海城上蓋嘅柏景帝柏帝峯真係無得頂
帝峰皇殿81樓啲複式真係好正
如果我中咗六合彩，真係會搬上去
不過奧海城三期開售嗰時
廣告真係好鬼痺，好有趣，畀埋條link大家 https://youtu.be/-RgQK_TjT0o
又有游泳池、天台、無煙煙花景海景
商場有齊the sky高級戲院(可以瞓喺度睇戲同任添汽水爆谷)、MUJI、馬莎、MPJ、華御結
又有food court 
交通極方便搭地鐵去中環只係5分鐘，機鐵高鐵西鐵優勢
巴士有大埔屯門深井元朗天水圍觀塘銅鑼灣灣仔西環九龍灣觀塘藍田啟德九龍城油麻地九龍塘葵盛圍石圍角石籬黃大仙新蒲崗鑽石山機場等等....港島九龍新界去邊都一程車過
返匯豐中心中銀中心車都唔駛搭 
冷氣天橋直達旺角
商場有多高質餐廳
http://www.olympiancity.com.hk/mobile/en/shop.aspx#dining
又有Mad for Garlic、Outback、cocina 3、金滿庭等等
商場街舖同大角咀又有幾間戶外Bar

好多鬼佬亂咁違泊望住駕車食飯就算
食厭咗又可以行過去大角咀舊區
好多高質好西食
豪宅區自成一角
舊區同新區兩個層次
所以唔會雜
一轉彎就係西隧
最要有勁大勁靜嘅私家公園
(可以用Google Earth睇吓奧海城2期嗰個天台
，就係我講嗰個隱世公園)
鍾意跑步仲有勁大條海濱長廊
又有Golf乒乓波羽毛球籃球網球場、Gym、兩個室內兒童遊樂場、自修室、室內池、戶外池、按摩池同人工大型瀑布
商場有多活動，可以日日睇藝員歌手:
https://hk.finance.appledaily.com/finance/daily/article/20060425/5861162

巴打咁在行 做相關野？
出年九龍有咩新場開
黎緊得閒啲都想周圍行下 香港其實真係都好多野行既

奧運出發去中環西環真係冇得頂，坐巴士又好，坐地鐵又好，真係幾分鐘就到

入新界仲有三條不停站特快，268X廿分鐘直入元朗，63X廿五分鐘直入屯門，287X十分鐘直入大圍，41A八分鐘直達青衣

我仲讀緊書咋，不過商場同樓盤呢啲嘢幾歲開始就已經研究 😅 哋日可能會做地產/商場推廣部！我每星期都會跨區發掘新景點，先會知道咁多嘢，直頭可以出書咁滯

所以成日有人問我捐窿捐罅去埋啲山卡啦地方做乜...我都唔知點答佢哋

大圍，沙田，鑽石山，奧運站附近
上面邊區居住環境好d?校區呢？

九龍區現時都有好多活化工廈商場，得閒可以去行吓

上年嘅新商場: 天一商城、T Town、京瑞廣場

2018年新商場

九龍: T.O.P This is Our Place

新界: We Go Mall、Life@KCC、青衣城二期

港島: mallplus

2018年即將/已經翻新完嘅商場有: 杏花新城、將軍澳中心、新都會廣場

~~~~

2019年新商場，整個預告先，仲有好多，不能盡錄，寫住啲大型商場啲

九龍: V Walk、利奧坊一期 (二至五期商場將在稍後時間落成)

新界: 海之戀商場、柏傲灣商場、城匯(如心廣場二期)、海天晉匯、將南屋苑啲基座商場

港島: 北角匯

2019年翻新完嘅商場: 如心廣場、新都會廣場三期(而家接近成個場封晒)

興趣黎既 天生食呢行飯😂
周圍行下眼界都開啲 見識都冇咁局限啦
雖然我住緊果到都係乜都有 但都會入下將軍澳消遣下 不過我都覺得自己懶 好少特登搵新野行 下下局係一到個人真係變鄉下仔人都萌塞啲
所以你有呢個興趣好事黎

沙田區新城市，超級大型商場，火車站上蓋，12分鐘直達旺角火車站，新界區不二之選

奧運站就奧海城2期柏景帝柏，海景、商場、過海、入新界、十幾萬呎會所、去旺角條天橋真係(遲啲仲會再起多條直達火車站)、奧運站上蓋、高鐵、西鐵、機鐵、荃灣綫同巴士線真係冇得輸，真係好好！

鑽石山就揀星河明居，近地鐵，配套暫時未算完善，又近highway，內街又日日塞車，「砵砵砵」真係好嘈，不過遲啲有得搭返條西鐵馬鐵(沙中綫)，相信會好少少咁多！

大圍站就會揀火車站名城，長實樓，樓價升唔起，連沙田第一城/新港城呢啲舊樓都貴過佢