我呀哥借咗錢，財務公司追上門

年幾前呀哥問完財務公司同銀行借完錢就人間蒸發咗 (其實未完全蒸發曬嘅，電話搵到佢但佢唔會話自己住邊)，之後就keep住收到啲銀行/邦民寄嚟嘅信，最近幾日就變咗追數公司嘅信 我呀媽就乜都唔理但我就好驚出事

佢都唔喺度住咁耐，其實有冇得叫嗰邊唔好追我呢邊？事實係呢度冇呢個人，又或者有冇得叫佢哋追去第二度，雖然都唔知佢死咗去邊

以前考dse之前已經試過望住我呀哥俾人打完之後喺屋企門口暈低又發羊吊再送埋佢入醫院，嗰陣已經喊到傻，宜家都凝住會有事發生

你呀哥人渣黎 自己走佬要屋企人受正撚樣

對咗廿年都知㗎喇其實，睇到化曬

我屋企都係咁，教你幾招
如果有看更叫佢地認住追數啲人唔比上
話佢騷擾你地。
上門就話冇呢個人/搬，有咩交低
拍門就話損壞你地財物，報警，多數佢地都會驚。

其實銀行/追數公司都好，遇左有壞帳，追一排就會出信唔再派人，派人好貴既，你預三四年都係好煩。

自申：屋企比人追左十年數，當時人有還幾百就冇再還。

幾萬掛，冇還就唔止呢條數啦都唔係數字問題
可能有還過掛我見隔幾個月先一封信，不過平時我呀媽拆信可能dum咗我都唔知

ching你屋企人係一直住喺度？

申請破產囉 可以點

係呀，出門小心啲睇下有冇陌生人跟，唔洗驚，咪慢慢行認低佢地樣，佢地見到你唔通捉你走/入你屋企咩，犯法既。

銀行有需要會
1.話有法律行動
2.真係告你
3.傳召你
出/唔出都係叫你還
咁就破硬產。

小額就好少叫律師，起碼我屋企冇

自申：屋企加加埋埋差一球以下。

借錢要還。

事實係唔係我同我呀媽借錢，我哋都唔想加冇能力幫佢還

我破產？我呀媽破產？唔係我哋借都要破？

以前老豆已經破咗一次賣咗層樓離婚搬屋，我呀媽就話法律上係夫婦或者仲念舊情就同佢一齊承擔姐，宜家人都未必搵到做咩要搞破產

我十七歲嗰陣就係咁 嗰陣仲一齊住，差就差在借佢啲半黑社會嘅朋友錢，宜家就係唔想咁，提心吊膽好攞命

我都屋企都一樣
慣左了，佢地拍門通常唔開，幾分鐘就走

宜家都係咁？持續咗幾多年？

起碼7,8年

依家就轉左狂打電話，不過我見一個block 一個

公屋？

私樓，cheap雞私樓

我呀哥唔知我電話

唉我唔想提心吊膽 巴打點接受到

一開波都驚，之後黎得多最多咪叫你還錢一堆粗口咁，唔通佢拎刀斬你咩為果幾千幾萬銀

我係驚嗰啲暴住你行出行入又幾個男人捉住兇你又盛 定我ff得多

試過親戚借錢，有追數佬拍門
我堅持話冇呢個人
佢係門出面兇左兩野就走左

不過聽聞我個19親戚就持續還錢，所以都冇乜事

上兩年我屋企都有類似既事
阿媽擔驚受怕
最慘連d親戚都累埋

怕咩 最多遲下每聽到電話響/有人拍門 會怯一怯

你肯堅持都好，我呀媽直情唔開門唔應，通常佢哋會繼續煩