人性系列 Season 2 《置業地獄》

講真... 朝早五點半就出門口返工 夜晚成九點幾先收工返到屋企食野 邊度仲有力去建立以前年代既鄰里關係丫？

同意，早兩日同女朋友討論過呢個問題（其實係佢被逼討論啦，哈。）
家庭結構係好大嘅原因。以前一家幾口，好多都係一個工作，養活一家，所以全職主婦比較多，留喺住屋範圍時間多，同其他鄰居接觸機會更多。

「陳師奶，打牌啦！」

「出街/返屋企呀，黃太？」（雖然一睇就知）

「李婆，借條蔥用一用。」

但今時今日，兩公婆要一齊工作糊口，早出晚歸，連啪啪啪都要擇良辰吉日，談何鄰里互動呢？

不過啦，契弟最討厭明明住同一座樓都要眼超超，入𨋢唔閂門，呢啲行為又唔可以純粹以家庭結構而蓋之。

呢一part不在批評人嘅錯、教育嘅錯抑或社會嘅錯，只係契弟好懷念童年嗰一種人際關係

師奶八卦文化可以列入「香港非物質文化遺產」

以前隔離屋啲小朋友會一齊玩 而家…

話說有一個小笑話......

契弟小學時代某一個暑假，曾經住過親戚屋企，柴灣興華邨。

興華邨係一個舊式公屋屋邨，座與座以幾條通道連接，絕對係一個揉合陰森同懷舊主題嘅迷宮。

契弟細個好鍾意打乒乓波，有一塊號稱打遍宇宙嘅蝴蝶橫板（唔係重點啦）

有一晚，契弟同對面屋識咗無幾耐嘅小朋友落街練乒乓波，打到一半.......

「屌你老母！」

砰砰嘭嘭嘅腳步聲同粗口將乒乓波震到原地自轉，我地回頭一望，幾十個拎住絕世神兵嘅大漢追住一個男人，而呢個被追嘅男人向我地跑過嚟。

屌，咁點呀？跑囉！

如是者，幾十個人追一個變咗追三個，一大兩小一齊跑樓梯，跑到身水身汗，過咗無數個急彎同路口，我地終於同被追殺男分道揚鑣，安全扺壘。

最後，警笛一響，雞飛狗走。

千祈唔好問契弟點解要同個男人一齊跑，仲要跑同一條跑道，因為契弟都一直諗唔透.....

留名支持

係真 細個中秋節樓下公園好熱鬧 啲細路三唔識七都可以打成一片

屌你cls

新讀者留名

留名

終於考完試
依家開始睇

wohaha wohaha
Wakanda Forever!

多謝礫㗎巴打留名

平時屋企管得好嚴
淨係可以放學或者補完習偷偷玩
中秋玩燈籠

契弟仲有好多呢方面嘅笑話

冬甩巴打

多謝幫主留名

屌板巴 上面講起你
你有後繼者

未睇到 唔好劇透住

其實係，以前細個住木屋區
基本上個個同年嘅細路都識
媽子同鄰居借野係平常事
90年搬到入公屋一層40戶識左一半以上
但隨住搬嘅搬，死嘅死
新黎嘅鄰居已經換晒人而且冇以前咁新搬入黎會互相認識下

即刻諗起陳果三部曲嘅《香港有個荷里活》，背景係橫頭磡村

家母依家都經常幫鄰居買餸（係一個行動唔方便嘅婆婆）

Marvel jj

Scarlet Witch

而家屋村唯一令我覺得仲有互助感覺嘅只有每層樓下嘅互助委員會
成日有師奶、阿伯同阿婆喺嗰度吹水同交換物品

而家新嘅公屋唔知仲有冇