教咗好幾年唱歌 你問我答

今日大家嘅方向本來就唔一樣
巴打聽嘅係聲音，聽嘅係歌

我今日做嘅嘢，單純係表達，係傳遞
老實講，我唔係做緊大家認為唱歌呢樣嘢，所以道不同不相為謀，我亦無需多費唇舌去作解釋

該講嘅已經講過，大家唔願意接受，都係一種緣分

咁講啦，俗語有云：真人不露相，露相非真人
今日我堂堂正正行出嚟，就已經代表我唔係真正嘅高手
真正嘅高手做緊乜嘢，我相信只有自命高手嘅各位連登巴絲自己先知道

但係儘管我唔係高手，我都會堅持我嘅路，去教育，去幫助每一個想學好唱歌嘅人

樓主 有2年後浮誇清唱版未 講左咁多頁 我係咪miss左？

想問點樣解決用flageolet時唔夠氣同想唱到E6 同埋點樣提高B4以上把聲既厚度

把聲想去到E5

我覺得教音樂唔駛話技術要好勁
我見樓主係有自己清晰唱歌既concpet 同有心教學生 呢樣夠晒
支持樓豬

如何上高音而唔會令發音position 變左？

無
既對各位對歌唱研究嘅幫助唔大，又要浪費各位曬時間聽完再對我體無完膚地評頭品足
根本無意思

大家想聽嘅話我遲D開個你點我唱嘅post啦

首先你要明白嘅係，flageolet無乜可能係氣聲
所以如果你覺得唱flageolet唔夠氣嘅話，好可能係你換氣嘅方式出咗問題

其次所謂嘅厚度，應該係講緊係高音保持低頻嘅量，從而音色唔會太扁or刺耳
而其實係唱高音嘅時候，我哋嘅喉位（喉核嘅位置）會不可避免地有一定程度嘅上升，令聲帶同咽喉嘅空間減少，減少低頻嘅量

而呢個時候，就需要稍微將舌根下移（唔好太多，一多就會僵硬，就會失控傷聲）
利用騰空更多咽喉至口腔嘅空間去補充部分低頻嘅量，同時因為口腔嘅調整，令口更接近喇叭嘅形狀，有助聲音立體地投射出嚟

用正確嘅方式練多D就得架啦
如果你係覺得唱上去E5呢個過程有所困難嘅，歡迎簡單描述下你嘅情況到底發生咩事

小弟感激不盡！

條...估撚到你唔唱 又要講到兩年後唔同哂咁
依到都驚人評頭品足 點搞呀 唱得唔好就緊有彈架啦
好既話啲人唔通話你柒咩 加油啦 你有信心放上黎唔比人笑再開post啦

首先你要理解發音position係咩
如果你對於發音position嘅定義係共鳴位嘅話
咁我可以好抱歉地話比你知，呢種position係不可能隨著音高改變而不變，因為呢個並不合理（如果妳唔明嘅我再補充多小小點解，呢度就唔詳細講住）

但係如果妳所表達緊嘅係正確發聲，即使所謂嘅共鳴（我唔用共鳴嘅概念教唱歌）有調整改變，亦需要維持嘅果一種position，我就可以話比妳聽點做

一般嚟講，正確發聲嘅position（我嘅系統會稱為低負荷發聲）受兩者影響：發聲是否受不必要嘅肌肉影響（一般來講係喉外肌），其次係舌根嘅調整（微微成溝，令口腔成圓筒形，有利聲音嘅投射）

其實維持正確嘅posittion係一個結果，以上係營造一個正確結果嘅過程，而點解我哋要做到呢個結果，係因為通過以上步驟嘅調整，可以有效令我哋嘅發聲減少壓力，同時亦無需增加聲帶振幅嘅情況下將聲波集中地投射（音量會稍微增加）

呢個亦係點解我會稱之為低負荷發聲嘅原因

呢度係你問我答，本來就唔係我po錄音上嚟嘅地方
我唔覺得我有做錯wo

好理性咁講，人係膚淺嘅
你自學再自立為師，自然就會預左受好多批評。
咁所以結果先係最能證明一切
而且老師要識教，唔一定要佢本身好勁
唔通eason 個唱歌老師唱得好聽過eason? 咁就係佢老師紅而唔係eason 紅啦
所以樓主有無d 學生嘅錄音可以分享，例如before after 咁，當然要問左個學生介唔介意放出黎啦
咁可以好準確咁證明樓主嘅教學方式係有效而正確。

樓主好有心機答問題

我係男
岩岩試去到F5
最低可以F2

喊出黎
想上高聲而唔用不必要嘅肌肉好難
一上到某啲位就有心理壓力喉力開始緊

巴打講得好有道理
學生練前練後嘅錄音我都有

不過因為呢個post主要嘅目的係解答大家對於歌唱上嘅各種而難，而唔係證明自己係如何，所以我都唔係話打算太主動咁乜都擺上嚟
不過巴打講到嘅話，我呢幾日會問下各位學生再抽一兩條比大家參考一下

其實錄音我真係好似有唔少

巴打……其實呢……F5係比E5高嫁
所以你已經目標達成咗

btw我最低唱到嘅音都一樣係F2-G2左右

我知呀 我都係個陣先知去到F5

唔洗喊嘅
我可以好確定咁講，其實妳做得到

但係點解妳嘅結果係做唔到，唔係因為妳發聲機能嘅問題，而係我一直強調緊好多人都面對緊嘅問題：心理上對於高音音色嘅接受性

首先，當我哋去唱高音嘅時候，必然係好希望我哋可以做到好似D歌手咁有紮實且通透嘅高音
而當我哋去聽到紮實嘅高音時候，往往第一個諗法就係佢聲帶閉合嘅程度好強
（其實高音嘅音色並非只利用聲帶閉合嘅程度去控制氣聲輸出嘅比例，從而令聲音紮實，換言之其實有其他嘢調整咗最後一步，空氣輸出於我哋嘴巴同埋鼻孔嘅程度）

而基本上控制聲帶閉合程度嘅方法有兩種：扯喉嚨或者support

但兩者對比上，往往扯喉嚨嘅高音可以更''便捷''地達到''紮實''嘅高音，所以絲打妳就會去不自覺咁用力，去達到某種''妳認為''嘅效果

唱歌無捷徑，係必須一步步從正確嘅方式去尋找到調整嘅方式，再由調整嘅方式去摸索到更多嘅嘢

絲打既然妳講到有心裏壓力，想必妳應該大致瞭解正確嘅發聲模式應該如何去做，只係妳心理比較難接受，or妳嘅心理壓力會直接令你跳過學習發聲嘅動作，調用過往有問題嘅肌肉記憶用於發聲，所以宜家問題個原因出咗嚟，相信針對問題嘅原因去從根本解決問題並不是一件難事

加油

咁嘅話就恭喜你先
突破自己係一件難得嘅事嚟

想唱高音 不過唱高過某個位就變左唱假音 點搞好

發現好多人屌樓主唱得唔好或者唱得好一般，我覺得個問題出係點演繹，又或者係選曲既問題

樓主對唱歌既發聲、運氣等等既技巧係絕對無問題既，而且對其他人唱歌發聲判辦亦都好準確，所以我先敢係呢度po自己d錄音比樓主聽，當中獲益不少

但假如我係一個觀眾，我可以肯定自己唔會留多過一分鐘聽你唱，原因：

1. 過份投入，過多感情灌注，過份原創，似係唱比自己聽，唔係唱比人聽

2. 有時候一個小小既點綴會比賣弄技巧更吸引

3. 選曲，個人認為巴打好聽既音域係中高音，而且有爆炸性，又rock又快而且高音既歌感覺比較適合巴打 (聽左兩個比賽only)


另外我想講樓主絕對有youtube 素人level
我有玩開混音同幫人mix 人聲，明白後製既威力係幾咁強大，垃圾電話錄同studio 錄加後製係兩個人黎，完全兩把聲 我夠敢講自己認真一句句錄再後製一定好聽過樓主清唱10倍