教咗好幾年唱歌 你問我答

有任何問題歡迎隨便問
我會用我自己對歌唱嘅一套理解嚟回答各位嘅疑惑
希望呢個post可以令大家更容易理解唱歌呢樣嘢

如果想擺低錄音，但又怕比人笑，可以私下聯絡我


聯絡方法？有恆心嘅自然就會搵到

我而家唱歌要跟人聲先開到聲
係咪要轉純音樂先繼續進步到架？

點樣震音

有咩認可既教唱歌證明?

我覺得首先你要搵個原因出嚟
其實仔細咁講，開聲，點樣開聲，你自己點樣定義開聲呢樣嘢
跟人聲同音樂嘅分別系咩等等，充分了解曬問題嘅所有細節，先會幫助到你去解決問題，去進步

上面嘅你諗完之後可以講講，我再同你分析下

不過簡單咁講，一般聽人聲唱到歌，聽音樂唱唔到歌嘅人其實好多
其中一個因素主要係因為自己未能習慣/接受自己把聲嘅聲音，當自己對耳聽到唔係自己理想嘅聲音嘅時候，就會怕，會縮沙唔敢出聲

所以我覺得，最根本嘅方式，好可能就係先接受自己把聲係如何，跟住再去改造佢
由此引申，如果你做到隨時隨地跟唔跟人聲or音樂都可以自然自由咁樣開到聲唱到歌，你就可以開始繼續追求更高嘅層次

其實學震音嘅方式其實大致分為兩種：大細聲嘅轉變or音高嘅轉變
不過練好嘅話，兩條路都係殊途同歸
我自己宜家主要用下面呢段片嘅方式教震音，你不妨可以參考下
https://www.youtube.com/watch?v=mzJ-tZSrhjg

唱歌係咪要眉心同橫隔膜俾力？

巴打你覺得唱歌洗唔洗學，學完真係會"好聽"？ 巴打你覺得佢唱歌好唔好聽係憑咩？感覺？

例如我覺得周杰倫唱歌好聽但佢比起好多人唱歌技巧一定唔夠班，但我又唔會走去聽個班唱歌好叻既人唱歌，咁姐係點？

首先，我相信每個人只要係正常講到嘢，叫到人，鬧到交嘅話，就已經有足夠嘅肌肉強度去唱高音，而唱唔到or唱傷，只係方法錯以及不得其法而已

呢個係我同坊間主流教學理念分別最大嘅地方(主流認為唱高音需要長久對聲帶肌肉即喉內肌強度同耐力嘅訓練先可以做到)，如果你願意嘗試去相信我呢個諗法，我就可以繼續講落去

其實見巴打你話好用力，把聲好容易沙，其實已經唔難判斷你係扯喉嚨扯得好死，令聲帶長期維持係過分閉合嘅狀態下唱歌發聲，其實呢個過程會令聲帶互相摩擦從而受傷(正常係聲帶震動發聲，非互相摩擦)

講翻正題，唱高音其實要有啱嘅方法，我自己嘅系統就係要做到被動發聲以及低負荷發聲先叫做正確唱到高音

首先，個個都會講嫁啦，就係放鬆喉嚨，更直接D，成個人放鬆，感受喉嚨完全無辦法用力嘅感覺，其實我哋無論講嘢定唱歌，都應該係呢個狀態下，解除對喉嚨主動嘅控制
但係當然，咁樣出嚟嘅聲會混雜好多氣聲，自己都會唔習慣，呢個就牽涉到歌唱心理學嘅嘢啦：去接受自己未接受過嘅嘢
好簡單，今日如果你用虛聲，放鬆嘅感覺唱高音，你一定唔會覺得用力or夾硬嚟，但係你接受唔到，而十分尷尬嘅係其實高音就係要咁樣唱出嚟，再去調整同修飾佢
而調整包括聲帶閉合嘅程度(減少氣聲嘅比例，令把聲更實)

而調整嘅呢個動作，就牽涉到我嘅被動發聲，亦即是所謂嘅support
D人成日講肚用力啊，好似去大便果陣嘅感覺，原因就係係度
當我哋個肚(準確嚟講係上腹用力)用力嘅時候，喉內肌就會自動聲帶嘅閉合，而唔需要動用到不必要嘅喉外肌(姐係扯喉嚨)去令聲帶閉合

巴打不妨可以試下我建議嘅方向，睇下會唔會有幫助
記得，最重要嘅係心理嘅突破

得罪講句，我無
更加得罪咁講句，其實好多老師都未必有
唔係因為我或者外面嘅人廢
而係因為係歌唱上真係非常缺乏合理嘅教學證明

當然其實都係有，ABRSM嘅八級或以上，大學專門讀music或者聲樂等等
但係你會理解嘅係，對於流行歌唱發聲，上述其實都唔太適合
而且，其實科學對於發聲嘅研究一直都無停過，佢一直都係進步緊，學術學理都更新緊

最重要嘅係，歌唱嘅門派太多啦，每個門派都有個人嘅見解同諗法，要統一佢哋實是難事
同武術一樣，好難攞到認可嘅證明出嚟
要辯證真偽嘅，睇怕真係要好似徐曉東咁樣逐個逐個試同挑戰先知道誰好誰壞

單對單教唱歌收幾錢一個鐘？

音準可以點樣練

容我大膽咁講一句，出面嘅SLS並不完全係真正嘅SLS
呢幾年，SLS已經取消咗老師嘅認證制度，原因創辦人seth都講，太多人學到佢嘅皮毛，跟住自己加鹽加醋就變成自己嘢，再以SLS嘅羊頭賣狗肉，歪曲成個SLS嘅諗法同理念
就連出名嘅Brett Manning都有份比seth講
宜家香港主流嘅所謂''SLS''或者''mix voice''嘅教學主要係源自Brett Manning''改良''後嘅SLS
(當然少數直接師從seth嘅老師則不作此列)

而真正嘅SLS最大嘅分別，係佢都支持及認同support嘅重要性，並非係本地嘅主流般提到氣息就避開不談，或者叫學生唔好理
證明在此
https://www.youtube.com/watch?v=kJcc3iqcSis

偏離咗好多，講翻正題
以下嘅SLS我會集中於本地主流嘅SLS，非seth嘅SLS
其實我唔覺得SLS會唱壞習慣，唱壞嘅，係思維同心靈
太注重聲音嘅調整同控制，永遠維持一個喉位，音量，音高嘅範圍，其實局限咗太多一個人發聲嘅潛力，亦犧牲咗一個人對於歌唱本質嘅探求

唱歌，即是發出聲音，亦即是以聲音傳遞訊息，當傳遞訊息嘅媒介收到限制嘅時候，我哋還可以完全地表達我哋想要傳遞嘅嘢嗎？呢個問題我覺得各位可以思考一下
其實健康，唔傷聲嘅範圍，係我嘅經驗同經歷上發現，其實可以好寬廣

點先可以保持最佳狀況
有時把聲好易控制 有時好難 好力不從心

我換個方式問妳
我今日叫妳去比力落個橫膈膜度，妳做不做到？
又或者我叫妳去比力落個眉心度，妳又做唔做到？

其實老實講，難
不過點解咁多人咁講，因為佢係一個結果
對大多數人嚟講，做到某些特定嘅，所謂正確嘅發聲動作以及模式後，會產生橫膈膜用力or眉心用力嘅感覺，但係實際上真正對聲音做出改變嘅，並非呢兩樣嘢(橫膈膜嘅話就真係有關嘅 )

所以，我覺得妳可以嘗試下去搵下乜嘢唱歌嘅步驟會導致眉心用力同橫膈膜用力呢個結果，咁樣相信你會更容易理解

震音洗咩學 加粒震蛋係喉嚨咪得

我覺得唱歌需要學，講嘢都需要學
因為我嘅經驗話比我知，好多人其實連一般講嘢嘅發聲都有問題
好多，尤其係香港人(語言關係)，講嘢講得耐(連續講半個鐘至兩個鐘不等)，個喉嚨就攰/喉嚨有痰/沙聲等等
呢D其實都係不良發聲所導致嘅問題嚟

講翻唱歌，我個人其實好主張唱歌應該要同講嘢一樣，但並非出面嘅SLS，因為佢哋強調嘅係發聲一樣，而我講嘅一樣，係思維上，情感上嘅統一
學唱歌嘅目的，只為令人可以更好地利用自己嘅聲音傳遞自己想要傳遞嘅訊息，而並非變勁啊，去比賽啊乜乜乜

情感，係最吸引人嘅元素
發聲好與否，只係代表佢嘅續航力有多少，有無辦法去盡情表達出自己嘅情感

好似講到1999咁添，你如果有唔明嘅話就再問啦，我睇睇點樣可以講得好小小

我一堂上開兩個鐘

音準呢樣嘢，真係有太多方法
對調音器又得，跟住音樂唱再錄音自己聽後調整又得
攞住樂器一個一個音去對都得
方法隨你鐘意

不過唔同訓練嘅本質都係透過記住發出唔同音高時身體嘅感覺，日後唱翻音高嘅時候就可以憑感覺唱出嚟

想問下 我清唱係無問題 其他人聽到都普遍話幾好
但係當有人聲又或者純音樂的時候
個key會突然間高左 令到好似好唔自然咁
呢個情況係唱K果陣最明顯

雖然唔係唱唔到 但係其他人感覺會好似好辛苦 又或者太扮野咁

求解答🙏🏻

師兄 有句說話叫唱歌7成靠聲底 3成靠技巧 你認唔認同

單對單教唱歌收幾錢一個鐘？

我一堂上開兩個鐘

咁兩個鐘幾錢？