完全唔明點解會有人同保險公司買saving/investment plan

擺銀行saving 收臭雞水息定床下底種金？唔好同我講股票 兩種唔同Type的衍生工具

總之一出現saving或者拎得返錢呢類字眼就係搵笨
記得買保險係一種支出, 支出左就係冇左!

打個比喻:
一個蘋果本身5蚊, 你就用5蚊去買
如果有條友叫你用20蚊去買, 十年之後比返13蚊你肯唔肯?

所謂saving plan就係後者玩法, 佢就算幫你拎去投資都係拎15蚊去投唔係你入比佢既20蚊去投, 當然佢唔會話比你知啦, 你都唔會知, 因為你比佢lock 10年先拎得錢, 佢張statement 寫你第一年賺左10%有22蚊都冇9用, 因為你唔拎得!!

第一年想拎返退場唔玩? OK, 第一年退場要罰, 只可以返兩成即係4.4蚊

再講, 都未計handling fee, agent comission, 可能入20蚊,最後佢係得5蚊係幫你拎去投資既, 咁你諗下要幾高既回報率再加幾多年既投資先可以上返到去用20蚊本金去投資既預期回報 .

所以你應該用5蚊買粒蘋果先,剩15蚊你鍾意黎緊10年想洗點用點投資係你自由, 你唔係信你交多15蚊比佢, 佢十年後比到30蚊你掛? 仲有15蚊lock死係佢度, opportunity cost都未計.

咁你覺得個agent係幫你儲錢定係呃你錢?

危疾最好係連SAVING既, 因為一D純危疾係年年加價, 你買到後其大約二十年左右, 純危疾既總保費其實同有SAVING既危疾係差唔多. 而有D連SAVING既危疾, 係你供滿會後係保證可以攞得足你供既保費之餘仲會有錢賺. 而危疾多數人都會揀20-25年期既去供.

果D純危疾係當你預算唔夠, 但又急需一筆危疾保障時(例如你結左緍供緊樓又生左雙胞胎,每月開支好大, 但又需要係有事時拎好多錢出黎保障佢地有書讀,有屋住,生活不受影響), 咁就會買純危疾黎幫補下個保額.

但係純危疾最多係保到你75歲, 但果時先係高危期, 尼個亦係純危疾既缺點.

岩岩出黎做野嗰陣買左
供左幾年了

純危疾既plan 同醫療差唔多~ 冇claim就冇得拎翻D錢 冇得供斷 交一年保一年 同埋每年都因為年齡加價 同埋多數冇得保到100歲 去到65~75就唔受你玩

危疾連saving既plan 基金上都保到100歲 有得供斷 固定金額 唔會加價 去到某一年可以退保拎翻錢 第幾年回本就睇你分幾多年供 同埋本身你買個間個plan既保證金額第幾年先去到你供既錢 當然你可以加埋非保證咁計~ 但係非保證就係非保證~ 有D公司既危疾有可能成世都唔會去到你供個個額既~ 要靠非保證個part 有D就會 睇翻邊間公司啦

當然 後生既話純危疾係平好多既 不過老左先買有saving版既就真係超貴~

自己做agent都係買危疾連saving咖啦~

SAVING? 你買果時有無考慮清楚筆錢要黎做咩? 尼D plan好多時係俾人儲下仔女學費, 或者預黎滾存到退休用. 你一出黎做野就買, 你都真係好識為長遠既將來打算喎

係
我岩岩出黎做野嗰陣驚自己大洗儲唔到錢，所以買
但係岩岩出黎做野嗰陣柒撚懵懵咁又冇周圍比較應該點儲錢最好（藉口係1-5我都OT到凌晨，六日唔想用腦）

嗰陣都未有人話唔好買呢d

醫療危疾都未買既~ 真係唔好搞saving 命仔先係最緊要~

啱啱岀嚟做野冇乜本錢
想儲下錢，但放銀行又冇增值，想賺下錢又唔識買股票債券，想投資滾存又冇本錢入場買基金，咁得番少少錢除咗基金單之外有咩投資工具可以用？
呢排有個fd sell我買基金單，但我想有其他選擇做比較佢又比唔到我

保險狗都有人信？

危疾正常都係咁買, 因為到你有返D年紀後就貴到飛起, 但又同醫療一樣係D必需品黎.

不過樓主咁Q憎有SAVING既野又唔係唔合理.

我成日見同行賣D有SAVING既人壽真係好水D客. 個客當打之年諗住保障屋企人, 就推個saving人壽俾人, 明明四百萬保額每月用幾舊水就攪掂, 夠保屋企人有餘. 點知推個有SAVING既俾人, 2000一個月好似都係得100萬唔夠.... 我真係情願佢用幾百買純人壽, 剩底果D放銀行又好買乜都好, 都好過責係個人壽上面. 回報又唔係好.

SAVING型人壽我覺得只可以用黎加大個遺產, 或者子女幫父母買少少, 等第時父母百年歸老時唔洗一次過拎筆錢出黎攪喪禮, 仲有少少錢賺. 僅止於此

Saving plan最邪惡係
喺你最天真最唔識理財嘅時候呃你簽賣身契
吸你三十年血

基金單D收費好勁~ 一年收你幾個% 你要確定你買既野 一年升得多過個收費 你先好買
我自己就有D放銀行 有D買股票 有時玩下牛熊咁~
其實如果唔識股票...基金單都真係唔係幾岩你

講完就要買架喇咩
佢做保險狗就真係浪費自己人生喇

其實份plan有寫...第幾年有幾多保證金額 ~ 快回本就single pay既saving單囉~ 分5年供就長D

買基金單既先決條件, 係你要對金融巿場熟悉. 基金係俾D識金融巿場情況, 但無時間逐隻股票睇實既人玩既. 同埋基金單個收費你清唔清楚, 買基金單一樣會鎖死筆錢唔俾走, 走會扣你錢. 你有無留意個基金最少供幾耐,放幾年先可以離場?

跟住就係SAVING PLAN, 買得SAVING PLAN, 你就要預左筆錢最快都要10-15年時間先可以拎得返出黎, 想要有得賺, 可能要更長時間. 咁樣又合唔合乎你既要求?當然有D人好想資產增值, 又唔介意放筆錢放咁耐, 但你係咪尼種人?

尼D都係你要考慮既條件

我好怕自己而家咁努力儲錢第時都唔夠用
文員仔冇乜錢仲未計第時通脹結婚置業等等
香港個情況真係唔撚係人住
唯有係投資方向入手，但股票牛熊呢啲又要自己睇住個市
我怕係我而家可以做嘅選擇入面基金單唔係最好，而家個fd就話可以少少錢撥岀嚟供保險例如醫療危疾，另一筆就供基金單。咁就budget小嘅情況下都做到有保險同投資
但saving就真的不了 好蝕

又唔係唔好買既, 你只係買左D唔適合自己既野啫. 不過都買左都幾年, 應該好快滿會啦係咪?

每個人都想短期賺到錢 保本 又回報高咖啦
有既話邊有人買股票呀~
又想有錢賺又想保本又要高過定期~ 得saving plan可以做到
但係唔好期望saving唔洗綁年期囉~