完全唔明點解會有人同保險公司買saving/investment plan

講真, 儲蓄保 (特別指分紅保險) e 個時代越黎越無競爭力.
1 回報低 (因為費用高)
2 流動性低
3 透明度低

買完其實都無乜保障, 紅利做唔到足, 買完十幾廿年後都係蝕通脹
(e.g. agent 最鐘意sell coupon plan, 但供完10幾年先回本, 廿幾年先有IRR 2.x% 都見過, 仲要唔guarantee )
真係要用保險去拎一個比定期好既回報, 應該買年金, 有保證條款, 有高保證.


保險公司做隻分紅保險
收完你保費, 都係走去買股票, 債券, 做個平衡組合
唔使太高回報, 最緊要keep 到個pool, 係咁食管理費又唔透明.

普通人e 家開個美股戶口, 已經可以買到股債ETF
50:50 股債既組合, 已經做到長遠回報, 又穩定, 又有流動性
唔係d 咩好難既野, 大把lazy portfolio 可以參考

不過見親d agent 都講到儲蓄保係唯一option
sell 你唔郁先叫你考慮將儲蓄保做投資組合一部分.
不斷搵位入.

講到尾其實樣樣產品都有辣有唔辣
要睇個人需要去揀買邊樣
係啲agent成日誇大言詞等客聽唔到壞處係邊
呃人嘅係啲濕鳩agent 搞到全世界都話保險佬呃人
自己睇下條款唔好比某啲agent陰到仲好啦
題外話有冇人遇過啲真心會比適合意見嘅agent/broker ？
除咗上面啲巴打

儲蓄保險，英國保誠好似係

係HSBC 買左個儲蓄保險5年期 一年供3萬幾,現在第六年仲未回本

好似要供30年先拎得番，老母當年比朋友昆買左

咁大家點睇年金
買左黎當儲下錢

儲錢儲到愈黎愈少

供5年個隻~ 第10年啦~ 我估大約你都係拎翻 16萬多D
第9年...就真係剩係拎得翻你供左個15萬

中晒伏..

兄弟你幾時買? 係月供定年供? 如果發覺個saving plan唔岩自己, 供左既錢又唔多, 咁就及早斬纜好過. 如果都供左一兩年, 咁就供落去啦. 當買左個長期債卷, 你放到第15年左右應該會賺6-7萬左右既尼D PLAN

6年前買,已供晒, 宜家紅利得1500蚊左右,15年左右有無幾萬咁多呀?

早排銀行sell 個99%儲蓄+1%人壽ge plan
簡單d 講 一炮過供9皮幾 or 分開三年各供三萬三
放十年 完plan 連本金比返十四萬幾你
十皮係基本單位 想供多d 就成條數去按比例乘上去
個plan 制唔制得過其實

利申 對計利率0 概念 冇投資概念

正常尼D SAVING一回本之後會滾存得好快. 當然隻隻唔同. 佢年年都有STATEMENT寄俾你, 入面應該會有個報表, 指出每一個年期張單入面既保證價值同不保證紅利, 你可以望一望個數等自己有個譜. 不保證果PART你悲觀D預佢做得到既得寫出黎既8成啦. 因為HSBC既單個紅利實現率唔係太好.

所有都係保證既? 如果係, 尼D無風險, 又有D回報既做下都OK, 如果你果筆係閒錢唔介意放十年的話.

不過我就會揀D派息既債券基金, 都係一次過俾. 風險底D既一年派5%左右, 價格波幅大既一年派8-9%, 拆開12個月派戶口. D息你拎得出黎洗. 銀行同保險公司都有得賣尼D基金. 不過收費方法有唔同. 銀行就係你買時就抽你本金3%左右做收費, 保險公司就係你拎錢時收你贖回費用, 按年期遞減, 大約放足五年後先拎錢的話就唔洗贖回費用,由頭1年拎錢收6%減到第5年2%,過埋第5年就0%.

而係銀行買, 每轉一次基金, 都會當你重新購買收你一次手續費, 係保險公司轉基金就唔會收既.

不過基金價係有風險唔保證既野, 要自己小心.

銀行plan 真的不了

on9 son haha

其實真係好多都唔識計，佢地淨係電腦print張表出黎，郁一下個回報率整到靚仔比個客睇

每人既需求都唔同嘅，你唔明點解要買唔代表呢樣野無用，同樣地你明IRR點計，你知NPV點計，所有Concept你都知都好，但又唔代表所有人都會識

就算學過，但係喺香港呢個填鴨式嘅教育制度下，又有幾多個可以應用到出黎？係香港番工一族嘅大家又會有幾多時間分到心去學投資？自己份Job都未撚搞得掂呀大佬

所以簡單啲講就係，而家嘅Saving Plan係方便人儲錢，係出糧嘅時間將某一部分既錢強制性，係架啦，就係唔比你拎，彈性低先令到你儲到錢for將來用。Opportunity Cost都要睇對你嚟講邊個價值最高，對你黎講Saving Plan係次選，對其他人黎講又唔同（所以我講OC嗰啲人真係要重讀過Econ），如果有agent sell你用saving plan黎賺大錢嘅話，你根本可以唔使理呢個agent，因為佢根本唔知自己賣緊係乜。

利申 鐘意上黎睇睇故台嘅保險佬

邊間銀行？邊間保險公司？

保險銷售好多套路， 話語

好似樓上 agent仔係咁洗人腦：
你唔買 e d plan儲唔到錢 ga
你唔識投資， 將 d錢比哂我就 arm ga la

你見 agent只會聽到一邊既話， 佢咪好似人肉錄音機講， 講到等你買為止

e家買基金， 已經唔洗齋去銀行買了

fsm, 富達投資， 有魚智 e d platform
屌打到 d銀行， 有 d都要跟住收1%-1.x% 收費

簡單講， e d platform 長遠係可以令到 market個定價更 competitive

agent如果齋 park個 plan, 跟住係咁叫你買
有乜 value可言

中銀sell 中人壽ge plan

巴打睇你個user name，你係咪有響網台開咪

你係咪認錯人.....
不過我個名同十九幾年前高達谷既某位人兄撞左名. 唔通佢依加係網台開咪?

最近睇完蘋果日報，join 左fwd 的savie plan，每月平均供一萬，連埋回贈，連埋第十二個月额外果2%，無計錯的話，係第十三個月退的話，好似拎左6.6%

我仲係冷靜期，第一次買saving plan，想問係咪有其他選擇？想穩定d