【校園愛情】《我要征服處女座》

樓主岀完5部曲 會唔會打算岀書？

出書當然係我嘅願望啦哈哈，不過都需要一個契機先可以做到，加上我嘅實力都未必足夠。

但初衷始終係熱愛寫作，所以就算冇人睇、冇得出書我都會繼續努力寫好每一個故事

加油呀 btw文呢？

今日全日都要趕功課，最理想可以夜晚打文

啱啱追哂所有女神故
對愛笑有啲反感
未一齊就咁close 收兵咁款

睇左彼此最遠的距離 好唔開心

有啲人就算共度日月星辰都註定成為過客

今晚十點三開始更新~！

waiting

多謝你~！

原來個post喺呢度 留名先

她微微的點了點頭，然後我也就抬起了她的雙腿，讓她依靠在我的後背。

隨着她的指示後我終於把她背回家裏去。

「小心...」我小心翼翼的把她安放在沙發上。

「唔該你......」她的聲音也變得柔弱了。

「咁你休息多啲啦...我都準備走...」我說。

「咳...麻煩你可唔可以順便幫我斟杯暖水...」她突然叫停了我，指着茶几的杯子道。

把暖水遞到她的面前，看着她把整杯暖水喝下去後我也就說：「你咁唔舒服就訓下啦...抖下就冇事。」

「咳...你要走啦...？」她徐徐地睜開眼睛，直視着我的雙眼。

「Sorry，我唔可以失約...所以你自己小心呀。」我滿帶歉意地說。

「咁好啦...多謝你揹我翻嚟...」她抿了抿嘴道。

「嗯...你多多休息...」說畢，我也就轉身離開她的住所。手機的時間顯示是四點三十六分，再往下看是三通來自小欣的未接來電......

我立刻撥打電話但卻沒人接聽，心急如焚的我加快步伐跑往書店......然而返回書店後卻沒有在正門處發現小欣的蹤影，連綿不斷的人流如潮水般湧來，焦慮也隨即瞬現在漆黑的腦海中。

小欣...請不要在這個時候才玩躲迷藏...

就在我不知所措的時候，一把熟悉的聲音終於出現......

「傻仔！」女孩在背後大聲道。

我回眸一顧，小欣舔了一口手上的甜筒後綻放了一抹溫柔的微笑...我二話不說的走上前，然後給了她一個深深的擁抱。

「喂...攬得太緊...」她在我的耳邊說。

我不捨地鬆手，然後說：「你啱先去咗邊...？」

「我四點前到咗書店嘅時候見你唔係書店到，開頭我以爲你係倉庫執緊書，但係等咗一段時間之後我問老闆，佢話佢個女唔舒服所以你帶咗佢翻屋企先，所以我咪周圍行下咯...」不知爲何，她的雙眸變得溫柔和誠懇得讓我很想再擁抱她...

「我以爲你會嬲我遲到添...頭先打你電話打唔通又唔見你人...搞到我咁擔心你...！」我捏着她嫩滑的臉蛋道。

「哎呀~你遲到就一定有原因㗎啦~」她眯着眼笑道：「我又點會嬲你喎！」

我牽着她冰冷的手，然後說：「咁行啦，一齊去睇燈飾~！」

她嫣然一笑地把手上的甜筒遞到我的嘴前：「試下！好好味！」

我咬了一小口雪糕球，香濃的芒果味包覆着我的口腔，還是那麼的甜蜜...

「仲係好似你咁甜~」我咧嘴而笑。

「癡線佬~」她笑容可掬的輕輕靠在我的肩膀上。

好彩

嘻嘻

聖誕佳節不少家庭、朋友、情侶都會到街上歡慶、感受節日的氣氛，而我們將會到聖誕氣氛濃郁的利東街去。

不過在觀賞燈飾之前，我們打算先在附近的餐廳填飽肚子再出發。雖然這裏的消費偏高，但是難得到了一年一度的節日，花一些錢也是無法避免的...

我本來打算拉着小欣走進眼前的一家牛扒屋，但她卻在門前卻步，指着價錢牌皺眉道：「呢到鋸扒咁貴...下次先嚟啦~！」

然後她挽着我的臂彎走到了一家雲吞麪店前笑着說：「不如食呢間？」

「好，不過等我請你啦~」我希望在今天爲她做一點事。

「唔得！你請我嘅話我會嬲你~」她捏了捏我的耳朵：「大日你怕冇機會請我咩~行啦！」

如是者我們走進了這家寬敞的雲吞麪店內，她點了一碗雲吞水餃麪，我則點了一碗上海水餃麪。

兩碗麪甫放在桌上，她就第一時間夾了兩個雲吞到我的碗子內，然後莞爾道：「我啱啱食完個雪糕仲有啲飽...你食多啲。」

「哦...」

如果生命中找到個陪你共度艱辛日子的另一半，那是多麼讓人嚮往的事......

但願...我能在往後的路上好好珍惜眼前人...