【第十五章】校園祭
小息的鐘聲快樂地響起，我甫一走出課室外便看見程進朗的到來。
「哇...佢又去搵陶海敏呀？」江聰明回頭盯著他說。
他果真到了陶海敏的位置旁，更是有講有笑的，又讓我想起了愛笑錢包內的合照...
「阿逸！去馬啦！你唔可以睇住你嘅夢中情人當住你面畀人溝㗎！」陳大威拍拍我肩道。
我被她們兩推了一把，便走回去班房內，但我卻壓根兒找不到辦法去中斷他們的對話，而且這樣去打斷別人真的好嗎...
「陶海敏！阿逸話有事想搵你呀～」陳大威自作主張的替我開口。
「哦...」她果真離開了座位，來到了我的面前，莞爾一笑的問：「搵我做咩～？」
「呃...」我根本想不到可以說什麼呀！！都怪那陳大威......
「如果冇事嘅...我就繼續同程進朗傾啲嘢喇...」她準備轉身就走。
程進朗...想到這裡，我果斷的捉著她的小手。
「欸...我係想話...你等等Lunch之後得唔得閒？」我亂扯了一個話題。
「應該得掛...做咩？」她想了想後說。
「呃...中史要準備寫個report嘛…你同我一組。」我說。
「真㗎？！點解我咩都唔知㗎...」她有點錯愕地說。
「Lunch夠做啦，等等一齊食，快啲食完就去做咯。」我笑道。
「咁...」她回頭望著程進朗道：「程進朗，我可能同唔到你哋食啦...」
什麼！？他竟又準備約陶海敏吃午飯......
幸好我的急智化解了這次危機，呼......
小息結束後是「死亡中文連堂」，我早已買了一包健達朱古力和Oreo餅來解悶。
「今日唔會作文或寫綜合。」曾Sir說。
