《打賭輸後要溝女神》

走着走着，我從口袋中拿出一筒能得利軟糖。

「食唔食呀。」我拍了一下陶海敏。

「你又會咁好死既......」她皺着眉頭問：「我食一粒就好啦~攝取太多糖粉會變肥！」

「但係你宜家已經好肥喇啵...」我打量着她道。

「真係有咁肥咩......」她好像真的有點擔憂地問。

我忍俊不禁：「梗係假㗎啦...食啦！」

「車~」她拿了一粒軟糖後隨即放進口裏咀嚼。

「過期㗎。」我待她吃完後開玩笑道。

她立刻咳了兩下，睜大眼睛：「真係㗎！？」

「我咁好人，點會比你食啲過期嘅嘢~」我開懷笑道：「你份人咁容易就相信人，咁容易就比人呃㗎。」

「係得你呢個衰人先會係咁呃我！」她嬌嗔地打了一下我。

「係咩~？咁我咪係一個好特別嘅人？」我靠近了她一步說道。

「我唔想理你呀~」她別過臉去說，像個在鬧彆扭的小孩子。

我笑着輕輕拉了拉她的手：「你咁靚女又好人，原諒我啦~」

「我聽唔到你係到講緊咩~」她依舊別着臉道。

「你又可愛又純真~你係一個好迷人嘅女仔！」我趁着這機會傾腸倒肚，把心裏話都一一說出來了。

「我咩都聽唔到~」她依舊在耍脾氣，但又不失那種天真的可愛。

「咁...如果我將啱啱嘅醜照比......」說到這裏，她立馬掩住我的嘴巴。

「喂呀...你應承咗我唔比其他人睇㗎，又呃我！」她嘟着嘴不滿道。

「欸~你聽到喇？」我淺笑道。

「車~！見在你啱啱幫我影相，我就原諒你一次！一次咁多咋~」她握成拳頭輕輕地打了一下我的胸膛：「如果你再呃我就知味道！」

我笑而不語，把甜蜜收進心裏慢慢感受。

// 誰叫你 可愛到 無法救藥 讓我這樣狠狠愛到 //

我的腦裏又想起飛輪海的《愛到》。

我真的愛你愛到腦海裏有一萬個你了，嘿。

「嘿嘿......哈哈......」我回頭一看，江聰明正在傻傻甜笑。

「乜料呀你？」我笑問。

「啱啱呢...我同泳兒影咗張合照......」他笑眯眯的說。

「唔係掛...進展得咁快！？」

「嗱，唔信你睇。」他把手機讓給我看。

媽的，原來只是江聰明在拍照的時候林泳兒剛在他身後走過，這就是所謂的「合照」，真不知道該替他高興還是流淚。

「Yes！我得咗啦！」陳大威笑容滿面的在我們旁邊小聲道。

「你又有合照呀？」我笑問。

「唔L係啊...係阿Wing每次見到我都笑呀......」他臉上洋溢着自信的笑容。

「佢笑你柒咋掛...？」我笑道。

「佢唔係啲咁嘅人咯！」陳大威說：「你哋唔明㗎喇。」

我搖頭嘆氣，爲着這兩位兄弟的情況而擔憂。

一個號稱愛情專家，戰術卻太進取而嚇倒對象；

一個愛情初哥，一張錯位合照高興一整天......

我們走着走着到了一家cafe，這裏可有不少人光顧呢。

「就係到嘆杯咖啡傾下計啦！」阿Wing提議道。

「好呀！好提議！」陳大威紛紛附和。

最後我們八人便坐下來品嚐一下石澳村的咖啡。

我點了一杯椰子咖啡，那是我比較喜愛的味道。

「不如我哋搵啲嘢玩？」江聰明笑道。

「好呀...但係玩咩？」刑百勝問道。

「我呢到有幾杯嘢飲......我哋不如溝一啲嘢飲，輸咗嘅就飲咗佢？」江聰明提議道。

「我冇所謂呀~」林泳兒和阿Wing淺笑道。

刑百勝和范愛笑也同意。

「咁就玩啦！難得出到嚟！」陳大威拍拍手笑着說。

「好！」江聰明從背包中拿出巧克力奶、可樂和檸檬茶。

「哇...都好重手下啵，聰明兄。」刑百勝搭着范愛笑的肩膊說：「笑笑如果你輸咗我幫你飲。」

只見范愛笑甜蜜一笑，真是羨煞旁人的畫面。

我目睹江聰明一步一步的把三支飲料混合在杯子裏，不禁有點噁心的感覺。

這可是一場不可以輸的比賽呀......

「包剪揼！」一輪過後，五包三剪：陳大威、阿Wing和范愛笑率先免除懲罰。

「Yes！」陳大威趁着這機會跟阿Wing擊掌。

「包剪揼！」第二輪平手。

「包剪揼！」第三輪，三揼兩包，刑百勝和林泳兒也逃離戰場！

只剩下江聰明、陶海敏跟我......

「死啦...唔會係我要自食其果掛...」江聰明抹了一把汗道。

在旁的五個人就笑看這場「好戲」。

「包剪揼！」再一輪！江聰明以一包戰勝雙拳，只餘我跟陶海敏在苦戰！

「Yes！！唔洗飲！」江聰明如鬆開心頭大石地興奮不已的說。

「藍辰逸！你敢贏我就知味道...！」她皺眉道。

「嗱嗱嗱，講定先呀，我等等會出包。」我笑道。

結果，最後一局，她果然天真的相信了我的所謂「承諾」，然後出剪，結果被我的拳頭擊敗，更要接受面前的噁心飲料懲罰。

「你個衰人又呃我！」她用力的捏住我的耳朵說，後又撅嘴道：「飲完會唔會肚疼......」

我看着她那緊張得很的模樣，不禁啞然失笑。

「你笑咩呀...！你個大話精，成日恰我容易信人！」她又用力的打了一下我的手臂。

「鬼叫你咁天真~」我輕笑道。

「敏敏要願賭服輸呀！嘻嘻，雖然呢杯嘢好恐怖下...」范愛笑宛然一笑道。

「好啦...」陶海敏拿起杯子時滿臉通紅，手禁不住顫抖起來。

她微微的嚐了一小口立刻吐吐舌頭。

我搖頭一笑，然後拍拍她白嫩的手腕：「等我嚟幫你飲啦，見在你會請我食朱古力嘅份上。」

「吓...你今次會唔會又呃我㗎...」她小聲道。

我笑而不語，從她手上拿過那杯混成一片黑的飲料然後大大口的瞬間喝掉。

媽的...我到底喝了些什麼......難喝死了。

我強忍心中想用千言萬語問候江聰明的衝動，只是笑着說：「飲完啦~」

「多謝你...」她拉了拉我的衣袖輕聲道。

若是爲了你，就算多喝幾杯也在所不辭。

唉屌 我覺得愛笑其實係鍾意樂為 但因內疚先同返刑百勝一齊

所有感情呈現係最後冬暖夏涼（雙方嘅表現以及時間同點餐嘅安排），仲有最後一條link到。

「好Man啵男神！真男人！」刑百勝笑着豎起拇指，我點頭示意。

我們在品嚐了杯咖啡後便繼續起行。

「大家！下一站諗住去邊？」范愛笑咧嘴一笑道。

「我哋可以再周圍行下，附近有啲古廟同士多我都想去下！」林泳兒把秀髮撥往耳後道。

「好！就行多陣附近啦！」江聰明笑著帶頭走著。

沿路上。

「頭先真係唔該你幫我解圍呀...」陶海敏望著我說。

「都唔知點解你可以咁蠢，我話出咩你就真係信...」我笑道。

「車！咁鬼叫你要呃我呀！枉我咁信你...」她說：「嗱，從今以後，你就只可以呃多我五次，如果呃超過五次就要罰錢！」

「一次罰幾多？」我輕笑。

「唔...」她還真的認真的考慮著：「至少十蚊！睇下你仲敢唔敢呃我...」

「哇！呢間士多好多嘢賣！」阿Wing指著前方笑道。

我仰頭一掃，左前方果然有家士多。

這裡有些兒時我十分喜歡的零食，包括牛仔片和奶嘴糖。

「阿逸…...」陶海敏拍拍我肩膊：「我傷咗唔方便...幫我拎拎上面包糖呀～你咁高，唔會唔幫我㗎何？」

「有咩著數先～」我叉腰笑道。

「最多...最多下次歌舞團表演比你坐多次貴賓席～！」她豎起手指提議道。

「唔夠吸引啵...仲有冇第二啲～？」我。

「最多...下次同你一齊食飯？」她莞爾的說。

「邊個想同你食飯呀～」我指著她說。

她猛然捉著我的手指：「你知唔知道有幾多人想同我食飯呀！我咁可愛又善良...」

「係咩？唔知啵～」我繼續推著話題，這樣或許她會繼續捉緊我的手指。

我被那溫暖的感覺包覆，心跳也被那絕無僅有的手心溫度而變得急速起來。

「你個衰人再唔幫我拎我就嬲㗎喇...！」她踏前一步皺眉說。

「好啦，幫你拎～」我彈了一下她的前額道。

「哇！」她疼得哇哇大叫：「你點解可以成日一係呃人一係彈人額頭㗎...」

「咁你仲要唔要呀？」我拿著那袋糖果在她面前晃著。

「要呀～！」她伸手往前，我卻把它收回身後。

「嗱，如果你答啱一條IQ題我就比你啦～」我笑道。

「唔係掛…你都話我蠢仲問我IQ題...」她嘟著嘴不滿地說。

「咁咪可以睇下你有冇進步咯。」我說：「1+1幾時會等於3？二十秒時間作答！」

「1+1等於3...！？我啲數學真係好渣㗎...」她不禁抓抓頭髮，臉上是困惑的表情：「1+1...唔通關方程式事？定係咩Sin Cos？點解呀...」

「仲有五秒。」我揮動著手中的糖果。

只見她放棄掙扎，竟然直接用搶的！

我把糖果包放在身後，她伸手往我腰後去，二人貼得十分近、十分近......

巴打誤會左，我可能講得唔好，其實係想問link，見你之前好似po過幾次但我miss左

哈哈哈

點都好，多謝你支持！！！

「哇！你哋兩個......！」陳大威露出極其猥瑣的笑容：「好Close下啵......嘿嘿。」

陶海敏立刻鬆開我，抓抓額前的柔髮，臉兒滿是紅暈的說：「唔好...唔好誤會呀...」

「唔會誤會...嘿嘿。」陳大威報以一下奸詐無比的笑聲後便往阿Wing的方向走去。

「比你啦。」我把糖果包遞到她的眼前。

「你仲未開估...」她拿過糖果包後問道。

「1+1幾時等於3......當你計錯數嘅時候咪會得3咯...」我笑道。

她隨即睜大眼睛，臉上滿是難以置信的表情：「你玩我呀！？咁嘅答案都得！？」

說畢，她便開始用力拍打著我：「仲等我以為自己真係數學太差...！你啲咩問題呀！」

「你咁蠢㗎，咁都唔識答！」我邊笑邊逃跑。

「你仲好講！」她追出了士多。

「鈴鈴——」左邊有一個中年漢踏著單車往她的方向加速！

「睇住！」我拉了一把她，她失平衡後投進我的懷裡，幸好避過一劫......不然她就不知道哪裡受傷了。

目送中年漢向我們發出多句問候後，我斜睨一眼懷中的陶海敏。

她正凝視著我，一聲不吭的...

怦怦......

她臉頰上紅撲撲的酒窩真的醉了我的真心。

我們就這樣對望了五秒左右。

「呃...你起身未...」我笑道。

「哦...！唔好意思...」她立馬起來，又抓了抓頭髮，背向我說：「唔...唔該你...」

言畢又飛快地走進士多內，我才敢呼吸一口氣——

接下來我也不知怎的，不太敢去找她說話，她也好像一隻黏著林泳兒，只是我們還是會有眼神接觸，卻是一秒接觸便又轉移視線的那種。

「今日天氣咁好，不如我哋去沙灘吹吹風Hea下？仲可以係嗰頭搵個地方食飯。」刑百勝問。

眾人紛紛同意這個建議。

雖然今天沒辦法游泳和玩沙就是了，不過走一趟看看海邊的景象也能讓心境舒暢一下。

從這裡去沙灘要一段時間，又有了時間讓「愛情修煉小隊」進行小組討論。

「有請江聰明司令分享經歷。」陳大威抬一抬眼鏡道：「點解你好似嘴角含春咁？」

「哈哈...其實就冇咩嘅，只係...只係...」江聰明說到這便開始連連甜笑。

「只係乜春啊？」陳大威抽打了一下江聰明的後腦。

「哇頂...！好痛...」江聰明按著後腦道：「只係...啱啱我請佢食佢最鍾意嘅芒果布甸嗰陣...佢讚我好好人...又成日請佢食嘢...」

「嗱，如果你想食到呢個布甸嘅話，就要係咁請佢食嘢，填飽佢個胃填到心都飽，咁就會鍾意你㗎喇。」陳大威又開始一連串的歪論。

「咁阿逸呢...嘿，啱啱同陶海敏玩得咁親密咁快樂...要得米啦...」陳大威笑道。

我笑而不語，卻心裡想著剛才的事情：先是士多的親密接觸，到後來她在我懷中互相對望......

作為五大女神的陶海敏竟然毫不介意的下凡跟我有如此親密的接觸......

「阿逸，你要加把勁啦...」這句話竟然從江聰明口中說出，讓我不禁嘆了口氣。

世界變——

有時睇到呢d小說真係好羨慕，人地d女咁sweet，我現實遇到嘅女仔就係開玩笑玩到過晒火

人就係要不斷經歷先明白應該點相處交流，加油呀巴打！

有時真係覺得好難，唔出聲佢地當你玩得跟住玩得越黎越過份，出聲側邊d人又會覺得你小氣無風度

某程度上係嘅，所以溝通就係一門藝術，我相信巴打經歷多啲就會明白點樣去兩樣嘢上取得平衡，我現實當中都唔會點出聲 stop 人哋嘅玩笑，反而會笑住接人哋嘅笑點加以發揮，令場面變得更開心，到咗過火位、踩到底線先會私下講翻自己感受，朋友都會接受，因爲朋友就係彼此關心對方感受，如果連最基本嘅顧及對方感受都做唔到，其實呢段友誼值得與否都要巴打你深思。

「咁你個阿Wing呢～？」我笑問陳大威。

「你哋真係想聽？」陳大威露出一個極其淫蕩的笑容。

我正想說不的時候，江聰明竟然已經同意了。

「其實係咁嘅...我留意到阿Wing佢今日著衫有少少透視feel...我左睇右睇...呢啲運動型嘅女仔真係好正...Oh...！」這個變態色魔又在自我陶醉了。

「咁你睇到啲咩...？」江聰明竟然有興趣繼續聽下去！？！？

「救命...」我按著額頭道。

「啱啱阿Wing伸展咗一下...」江聰明伸一伸舌頭後笑道：「然後身材線條好突出......」

「邊到突？」江聰明窮追不捨繼續問道。

他什麼時候變成一個鹹濕仔？！

「呢啲留翻夜晚先繼續講...嘰嘰...」陳大威奸笑道。

「我仲想通宵研究下女性身體構造...老師批准嗎？」江聰明認真問道。

「當然可以...我哋可以由女性嘅發育期身體變化開始講起...」陳大威笑言：「我對呢啲其實一清二楚，所以今晚可以促膝長談。」

「阿逸一唔一齊？」江聰明搭著我的膊頭道。

「唉，只此一次。」反正今晚沒什麼做，當聽一聽深夜講故佬說故事也好。

我們來到了石澳沙灘，今天意外的少人，沒有如想象般人山人海。

「突然好想去游水添~」阿Wing看着遠處的藍海道。

「如果你想游嘅話...我哋可以下次約去一齊游呀！」陳大威走近一步說。

「好...好呀，下次~」阿Wing笑着說。

「我想落去玩下沙！不如一齊去啦！？」范愛笑滿臉笑容的問。

接着四個女孩也去了玩沙，刑百勝去了找洗手間，又剩下「基佬羣」三人組。

只見江聰明一直遠眺着正在撥沙的林泳兒。

「你又想去玩呀？」我搭着他肩笑問。

「望下姐...佢咁靚，比我望下都好呀......」陳大威說。

「唔好望佢哋住...留意下十點鐘...好撚危險...」陳大威走前兩步，托托眼鏡道。

我一擺頭，原來十點鐘正有一位穿着白色比基尼的絕色美人在自拍着。

這女孩約莫二十歲，一張瓜子臉上是秀麗的容貌，加上那誘人的線條......讓我也不禁多看幾眼。

「十點鐘好危險！？有鯊魚！？」江聰明瞪大眼睛：「唔得！我要保護林泳兒！」

也不管我們的阻攔，他就沖了出去了——

「Oh...」我在心裏吶喊着，也爲他那危危乎的初戀而祈禱。

怎料他竟然融入了女生羣中，一起玩沙，穿着牛仔褲的他還被幾個女孩集結以沙埋人，動彈不得。

看着他那滿足又帶點傻乎乎的笑臉，真是讓我有點意外。

「喂！」刑百勝這時從廁所出來了：「唉，呢排真係好攰...愛笑呢個傻妹又成日纏住我。」

我瞥了一眼他，只見他嘴角揚起的說這句話，我也只能笑而不語。

「你哋唔過去？我過去先啦。」他笑道。

我點頭示意。

「冇撚嘢呀佢？」陳大威板着臉說。

「算啦...人哋嘅嘢冇理咁多。」我輕笑道。

因爲刑百勝的慷慨貢獻，我們才能在沙灘遊玩後到旁邊的Cococabana地中海餐廳享用一頓極其豪華的午餐。

吃完之後我們拍過照後便準備回程。

「比你，以後唔好再呃我啦~！唔好唔記得呃多五次就要罰錢！」陶海敏把一條朱古力棒放到我手上。

她什麼時候買的？

「多謝喎，聽講以前荷蘭傳統送朱古力代表鐘意人~」我開玩笑道。

「你去死啦~！我先唔會鍾意你...」她別過臉說。

我們就這樣打打鬧鬧的回到了各自的家中。

疲憊卻充實的一天。

晚上時分，我把今天替陶海敏拍的照片傳給她，她也Send了一段訊息道謝。

然後Instagram的被標註貼文。

是陶海敏。

「今日一齊去石澳玩~！呢到好多地方都好靚呀~多謝你哋幾個同我齊渡快樂時光！」

那是一張吃午飯時的合照。

不愧是「少女時代」的五大女神之一，才剛發佈一分鐘便得了十多個讚好。

深夜十一點三十分，「基佬羣」的網聊要開始了。

「正！今日又同林泳兒行得埋咗！」江聰明一來便報告一天的收穫。

「阿逸，你知唔知道程進朗係IG到話要爲愛而拼，所以你要開始開盡馬力啦。」陳大威笑道。

對！我竟然把這個情敵給忘了。

推

「佢呢排都好似冇咩行動...」我說。

「唔得！你都要開始去努力追呀！消防就算唔洗救火但都要操練，所以你冇理由Hea！」江聰明少有的說出這樣有力的論點。

「嗱，一係咁，你想係邊個地方表白？我哋幫你諗情節！」陳大威拍拍胸口道。

「係咯...冇論係課室、操場定禮堂都OK！」江聰明說。

「乜Q呀？係學校告白完全唔浪漫！」陳大威說：「一於就...」

我打斷他的話：「我嘅事我會決定，你哋放心睇好啦~」

「快啲呀，唔好比我見到佢比人搶走。」陳大威說。

大概談了一個小時左右，走了半天的我們便累得要說再見。

躺在牀上，腦海裏卻浮現今天跟陶海敏親密接觸的畫面，她的倩影又再次浮現在我的眼前。

我抱着小熊維尼公仔、邊想她邊嘗試入睡。

一覺醒來，今天是萬惡的根源——星期一。

我翻開杯蓋，在牀上伸了個懶腰。

「Perfect time...」我瞥了一眼時鐘道。

梳洗換衣過後，我便帶着期待和不安的心情出門去面對這未知的新禮拜。

或許這個禮拜，我會把陶海敏把到手呢！嘿。

路過麪包店的時候我買了個招牌雞扒包和一盒豆奶。

路上微風輕拂，看着飄在空中的落葉，心情也隨之變得輕鬆起來。

走過學校的食堂，「少女時代」正在中間的桌子進餐，食堂最擁擠往往就是這個時候，陶海敏仰頭時望到了我，報以一個吐舌和鬼臉。

我低頭失笑，心中有種莫名的成功感。

鐘聲響起，在走廊外的同學也紛紛走回課室收拾心情。

「咦？」陶海敏從抽屜摸出一封信。

情書！？

「給親愛的敏敏......？」陶海敏微蹙地說。

我在剎那之間取走那封信。

「喂呀！你做咩拎走佢呀...」陶海敏撅嘴道。

我竟不知如何回答。

「你...呷醋呀~？」她身子靠近了我不少地輕聲說。

「乜呀，我只係...好奇點解會有人寫情書比你姐！你咁嘅女仔都有人鐘意喎...」我露出難以置信的表情。

「咩意思呀藍辰逸...我真係咁差咩...」她好像有點認真地在問這問題。

「冇啦，講笑姐...你唔開心？」我小聲問。

「哈哈！我玩你咋！你竟然都會安慰我喎~如果係平時嘅你，一定會話：『係呀，你就係咁差，又容易比人呃又唔可愛』之類挖苦我嘅話！」她笑容可掬地說。

「我之所以安慰你係因爲...」我差點把心中話說了出去。

「因爲咩？」她好奇地笑問。

因爲我很在意你的感受...

「因爲咩...？快啲講啦~」她拉了一下我的衣袖。

「冇嘢啦~！因爲你真係好鬼蠢！」我彈了一下她的前額。

「你個衰人又彈我！！」她以牙還牙地打了一下我的手臂。

我們毫不介意別人的眼光，就在課室內打鬧起來，就如一對情侶般，已經敢於在衆人面前公開關係。

今日係到 Po 翻咁多先，聽日繼續~！

仲有多謝所有正評同留言嘅讀者，我真係好開心同感激大家。

所有留低腐皮嘅都多謝你哋，至少會入一入嚟哈哈~！

我會繼續努力寫，多謝各位~！