（中二病+兵+後門狗+刷鞋仔）大唐毒撚

lm

屌你老味好撚正
留明

笑死

大唐毒撚．三．我要玩到30歲！


射飛曾縱鞚，引臂落鶖鶬。佢係一個神射手。

上回提到，二十四歲既毒撚公開試失敗之後，開始佢既頹廢人生。正常人既gap year 都係一年，多既就兩年。佢就……


哩啲叫：呼鷹皂櫪林，逐獸雲雪岡。source：mon hunt

放蕩齊趙間，裘馬頗清狂。春歌叢臺[1]上，冬獵青丘[2]旁。
呼鷹皂櫪林[3]，逐獸雲雪岡[4]。射飛[5]曾縱鞚[6]，引臂落鶖鶬。
蘇侯[7]據鞍喜，忽如攜葛強[8]。快意八九年，西歸到咸陽。 《壯遊》

[1] 叢臺：於河北邯鄲內
[2] 青丘：山東地方
[3]、[4] ：齊地名
[5]、[6]：射飛鳥、縱馬
[7] ：蘇源明。路人甲，下場係餓死
[8] ：葛強，晉代將領

首詩大概係講佢春天唱歌、冬天狩獵，成日踐踏花花草草，追殺弱小動物。不過，快意八九年，又係假既。玩左大約六、七年啦，去到三十歲左右，齊、趙既自然環境就被佢破壞哂。

岩岩講過，毒撚去過好多唔同地方，殺害左好多小動物。喱個過程奠定左佢寫物寫景既基礎。講埋喱首：

〈望嶽〉
岱宗夫如何？齊魯青未了。
造化鍾神秀，陰陽割昏曉。
盪胸生層雲，決眥入歸鳥。
會當凌絕頂，一覽眾山小。

中學讀哩首詩，覺得首聯好霸氣。

岱宗，即係泰山。但係唔講泰山，用別名。

岱，即係山。宗，即係最大嗰個。

泰山背後既意蘊係咩？秦始、漢武封禪既地方，夠唔夠大？


羅嘉良做秦始皇無得頂。

齊魯，即係山東。青未了，睇到最盡，全部都係青色。

唔同你講幾大，佢同你講全部都係青色，由齊到魯睇到盡，都係泰山既青色，夠大未？

「岱宗夫如何？齊魯青未了。」

即係：「知唔知咩叫山中霸皇呀？大到你睇唔哂呀，全部都係綠色呀，睇到幾遠都係綠色呀」

(有無去過santorini 既讀者？當我睇見愛琴海同愛琴海的天空時，海天交融無盡既藍色令我領略到咩叫「未了」。)


以上人士既綠色可能大過泰山。

頜聯學習下煉字。「造化鍾神秀，陰陽割昏曉。」

鍾，解「倒落去」，聚集。泰山靚成點？靚到好似倒落去咁。

割，解分開。仲有幾誇張？日落既時候，一邊光、一邊暗。
最後兩聯：「盪胸生層雲，決眥入歸鳥。會當凌絕頂，一覽眾山小。」

望住一片片白雲在天上舒卷，又有飛鳥乘著暮色歸巢，令我好想上山頂睇下，世界係幾咁渺少。

你覺唔覺得有唔妥？
你覺唔覺得有唔妥？
你覺唔覺得有唔妥？

屌你老母！「會當凌絕頂」，原來你無上過泰山？

個人認為全詩中，「盪胸生層雲，決眥入歸鳥」比較遜色，原因係佢ff 出黎。

講多首。

真係唔好意思。毒撚憂國憂民既蓋棺論定，只係中學教育送畀你既偏見。事實上，佢30歲前，周圍去旅行，周圍開party，國家大事，都係等國家仆街再算啦。以下喱首詩，同樣係齊、趙之旅途中寫既：

〈夜宴左氏莊〉
林風纖月落，衣露淨琴張。
暗水流花徑，春星帶草堂。
檢書燒燭短，看劍引杯長。
詩罷聞吳詠，扁舟意不忘。

請幻想：
微微既林風吹拂，吹送著微微帶有草木滋潤的空氣。彎彎既新月慢慢落下，隨著春夜的露水逐漸凝固，開展了琴聲。
小溪流水落花，春星熣爛，天上人間。

轉入去左氏莊，一班人讀書飲酒，就要襯喱個時候。忽然聽到有人用吳音吟詠，又勾起幾年前泛舟江南的回憶。唉，我又想去江南旅行。

---

就係咁，佢30歲。下一集佢就將會轉向人生既新污點。面臨被杯葛同鄙視既人生。

如果我會寫的話。

pish

排版會唔會唔好睇?

定係無人睇?

好咗

留名等開估

雖然Google十成會即刻揾到，不過都係等樓主揭盅過癮過癮

好奇一問，巴打係真唔知定假唔知？

真唔知，本身唔好文學，見你角度有趣行入嚟望吓

屌mon hunt張圖我笑到仆街

原來巴打有第二個post

我唔當哩個post 係文學post

我當係人物傳記，我希望佢做返一個人

得閒推下啦

等你開估，唔好爛尾搞到我要自己Google

我想睇佢人生幾苦法

自推一下

哩一兩日會有新文

大唐毒撚．四．刷鞋之路開始

仆街毒撚廢到35歲，終於做返一次正經野 — — 到長安參加招賢考試。

之前講左，毒撚自以為有才華，喺文壇又小有名氣，所以非常自信自負。 雖然曾經科舉失敗，但佢咁厚面皮，其實無事。佢周圍旅行，浪費生命。直至到長安之後……




天寶五年（746），三十五歲既毒撚去到京城長安，就係為左參加下一年（747）既招賢考試。招賢考試，即係「制舉」，同普通科舉考試唔同。唐朝廷之所以安排哩種考試，原因「原本」係因為正常科舉考試唔可以選拔出全部人才，而通過喱種特別考試，就可以選拔遺漏既人才。

一早講左，毒撚覺得自己係人中之龍。佢話：

自謂頗挺出，立登要路津。致君堯舜上，再使風俗淳。（〈奉贈韋左丞丈二十二韻〉）

姐係話，佢覺得自己有大賓呀，要凸出黎阻住條路，要嚇窒個皇帝。

佢要改變世界！！！

不過，中國人做野，識人好過識字。

考試以外，毒撚周圍刷鞋R friend子，就係為左R 官做。毒撚刷過汝陽郡王李璡既鞋。（玄宗長兄李憲之子）（〈贈特進汝陽王二十韻〉）

之後又搵駙馬鄭潛曜（娶玄宗皇甫淑妃之女）（〈鄭駙馬宅宴洞中〉），仲為皇甫淑妃寫墓誌銘。

總之毒撚就周圍做契弟。佢覺得自己好快會威啦，疊馬啦，做大佬啦。

喺哩段自我澎脹、自我ff既過程中，佢寫左以下哩首詩。

〈飲中八仙歌〉
知章騎馬似乘船，眼花落井水底眠。
汝陽三鬥始朝天，道逢麴車口流涎，恨不移封向酒泉。
左相日興費萬錢，飲如長鯨吸百川，銜杯樂聖稱避賢。
宗之瀟灑美少年，舉觴白眼望青天，皎如玉樹臨風前。
蘇晉長齋繡佛前，醉中往往愛逃禪。
李白斗酒詩百篇，長安市上酒家眠，天子呼來不上船，自稱臣是酒中仙。
張旭三杯草聖傳，脫帽露頂王公前，揮毫落紙如雲煙。
焦遂五斗方卓然，高談雄辯驚四筵。




史兄〈失身夜酒精FAQ〉講過：想醉既人就會醉。唔想醉既人就唔會醉。

哩首詩寫左八個人既醉態，醉態各不相同，但有個共同點，就係「仙」。

普通人都會醉酒，凌晨MK 尖咀老蘭嘔緊嗰啲叫酒鬼，唔係酒仙。酒仙同酒鬼有咩分別？酒鬼既醉，只係生理上既醉。至於酒仙的醉，喺生理以外，仲有精神內涵與深度。

真正的 雅人高士往往有超脫的情懷，有自己的理想世界，但立身處世不能不受世俗約束。因此，理想和俗世往往並不和諧，甚至對立。在俗世中，高士常常受到壓抑，無疑是痛苦的。而酒就是一種媒介，令人暫時解除了理智的約束，讓人的性情能夠盡情流露，暫時忘掉塵世的羈絆與痛苦。

沉醉是一種解脫，令人暫時擺脫世俗拘束。所以汝陽王可以醉中見天子，李白可以不上船，張旭可以脫帽露頂王公前。對於文人而言，沉醉可以解除理智與法則的束縛，呈現出藝術非理性、自由的一面。

全詩寫八個人，有一人二句，有一人三句、有四句。句數上不整齊，形式上散漫，押韻也不守規矩。但其實是有意如此。因為整齊、規矩代表清醒理智，而醉態恰恰相反。在描寫八人的醉態以外，詩歌也在形式上以醉態呈現。也就是說這首詩用「醉筆」寫「醉態」。通過這種隨意的形式，造成形式上的不平衡感，使詩的形式，也成為了醉的一部分。

換言之，這是一首裡裡外外，完完全全的醉詩。

但係…咪住！！！
咪住！！！
咪住！！！

讀書要用腦諗諗

李璡係王爺。

賀知章、李適之係丞相。

崔宗之封齊國公，係天下有名美男子

蘇晉係著名佛教徒，做過吏部侍郎。

李白係當時最著名詩人，威到醉酒見天子，仲聽講叫楊貴妃磨墨，高力士脫靴。

張旭係書法家，係草書之聖。

焦遂，後世記載稀少，但同上面班人相提並論，都唔慌少野。


(著名組合 ekids)

唔知你知唔知，「飲中八仙」，係一個「朵」黎。同F4、慈雲山十三太保、四大天王一樣。當時唐朝人就係咁統稱佢地八個。見范傳正所撰《唐左拾遺翰林學士李公新墓碑銘并序》：

時人又以公（李白）及賀監、汝陽王、崔宗之、裴周南等八人為酒中八仙，朝列賦謫仙歌百餘首。

即係話當時有成百幾首〈八仙歌〉，歌頌佢地。而毒撚哩首，只係其中一首。


咁即係跟風啦！

又同人認親認戚啦！

哩條仆街係唔會放棄曝光既機會。

刷鞋仔，哩度無你既事，同我返出去！