[多圖多字]帶住兩老去冰島＋你問我盡答

Day 4

今日係比較悶既一日，主要係由酒店直踩揸返去Reyjkavik，再途中停返未去既景點，因為都要揸6-7 hours所以有second driver會無咁痛苦。
事關唔想咁夜先返到酒店，所以今日食完早餐10點鐘就開始出發，之後直踩2.5hours 去vik睇黑沙灘。
BTW冰島真係點影都咁靚，因為佢每一個地方都係雪山包圍，等我放d 揸車沿路既相荼毒下你地先。

下就1點鐘返到黎vik，我地去左Ice Cave Bistro呢間野到食Lunch，佢好似canteen咁，係counter order完自己搵位坐底，野食ready就會叫number自己拎，味道都唔錯嫁，仲有好多選擇，重點有飯，對於亞洲人黎講，真係無飯不歡。不過我地淨係叫左個羊扒配薯條，之後係咁問佢拎熱水沖杯面食。 不過無影相因爲賣相唔係特別靚。

餐廳隔離有好大個souvenir store同supermarket，我地再買埋d水啊乾糧就出左去黑沙灘睇呢幾舊石

今日天氣好差，不停落雨，仲要勁大風，誇張到我地一路行一路要MJ pose先balance到個人，然後D沙打落個身同埋塊面好鬼痛。

我地凍到頂唔順好快手影完相就即刻跳返上車走，然後揸多10分鐘左右就去到真正既Reynisfjara Beach同埋Hálsanefshellir Cave。

一去到Hálsanefshellir Cave，好多人，影相要好有耐心等人讓先得。同埋D石好鬼難爬好滑， 就算著住對Timberland都要人扶先企到上去。要小心既係呢到好大浪，早排有兩個強國情侶比浪捲走左，連條c都揾唔返好恐怖。

影完相，就去到Skógafoss，我覺得係一個好普通既瀑布，主要都係為左影呢張相而去

因爲個度都幾食風，所以瀑布d浪花水會飄過黎整濕哂d衫，我亦都唔敢再行前。遮係冰島其實係無用，因為係會大風到任何遮都會吹爛，所以大家唔好哂錢買遮黎冰島lol各位ching著防風同防水既外套黎冰島係最實際。
可惜今日無太陽，如果唔係真可以睇到彩虹，因為呢個瀑布另一個花名叫彩虹瀑布。

Day 5 last day

事關聽朝走都係早機，加上朝早6點要返去租車公司還車，所以今日行程淨係行Reyjkavik市區。

今日我地揸車去左太陽航海者Sólfarið The Sun Voyager個到影相先，因為佢前面有咪標泊車位比你停低影相。

呢個野係以維京船骨架為靈感製作既雕塑，有人話係代表夢想既船，都有人話係獻比太陽既頌詩。呢到係冰島人既祖先維京人第一次登上冰島既地方。

之後我地就去左食好出名既熱狗Bæjarins Beztu Pylsur，因為都幾出名下，基本上比人認定左係冰島必食既野。但係對我黎講，佢既味道唔係特別好食，真係好普通。只不過佢可以加炸蔥做toppings口感特別d，但係都成4-50蚊hkd一舊好x貴。

食完之後我地就返左去Hallgrimskirkja教堂，教堂出邊有停車場，唔洗比錢既，通常我行市區既話一定泊呢到，不過有時候要比d耐性等位。呢個教堂係雷克雅維克的地標，你一揸車接近市區，離遠已經會見到呢坐教堂，因為佢係全冰島最高最大既教堂黎。

教堂入面係免費參觀既，佢d裝修唔係特別豪華，同其他歐洲地方比，入面無任何窗花，設計比較平凡。教堂最大的特色係有個重達25噸既大型管風琴，不過未見過有人彈。


入得黎其實主要目的都係為左上佢教堂頂個觀景台，係呢到你可以360度繞場一週，每個角度都可以睇到Reykjavik不同的風景。一入教堂轉左就會有lift直上觀景台

正路買飛要係教堂入面既souvenir shop，1000isk一個人，但係其實佢係無人check飛既，我黎左兩次, 兩次都無買飛上去lol

行完教堂我地去左教堂前面條斜路既一間泰國餐廳Krua Thai Express。好多人都話呢間野麻麻地好食，但係我又覺得唔係人地講到咁差，雖然價錢呢就同其他餐廳無分別，但係又真係幾抵食嫁喎。佢每日都有個lunch set拼盤，有飯又有麵包野飲2000isk，不過我地無影相。大家如果係冰島想食返d澱粉質可以去呢間試下嫁。

食完lunch之後我地就周圍行，主要都係行souvenir shop因為我地對Reykjavik其他觀景無乜興趣，加上又大風又落雨無乜心機行

行行下入到間書店見到佢賣d啤牌好搞笑，但係都成2000isk一盒，所以都係影相留個念算。

然後再影下人地d post card留念周圍格下價，去埋post office買stamp寄比朋友就完左今日既行程lu，不過冰島真係乜都貴，一張post ccard要成差唔多10蚊港紙一張，stamp仲離譜，成30蚊一張寄返去英國。

晚餐我地走左去試左冰島既KFC，因為係最後一日，所以啲冰島幣都用得7788，得返唔係好多。剩返落嚟啲錢淨係夠買一個餐再加啲小食，然後我哋見到冰島嘅KFC有個OREO嘅milk shake好想試。

之後就問咗個職員可唔可以個餐到加錢轉嘢飲，但係個職員話唔得，之後我哋就猶豫左陣話要再諗諗先攞order。點知個Staff仲好人叫我地行返埋去話我見你唔開心我請你飲啦，仲即場整比我地飲lol

好事陸續發生，我哋好開心咁order之後，返到屋企發現原來個staff另外再送多咗個餐比我地lol唔知點解佢可以收我哋一個餐嘅價錢，但係送咗兩個餐我哋hahaha


Day 5 完

再LM 咁高質點解咁少人睇

lmx2

多謝ching 可能太多冰島遊記

Lm