[多圖多字]帶住兩老去冰島＋你問我盡答

見呢排咁多人打追極光嘅遊記，我又打下先

前排3月尾去左冰島，我自己去之前都係咁loop lihkg d post做reseach，所以今次打個遊記出黎純粹想分享／幫手比準備去冰島既巴絲講下D經驗。旅遊資訊會比較多

相唔係特別靚，都係D例景位，希望咁多位巴絲吊得細力D。識我既人請勿相認

利申：之前16年12月已經去過次冰島，但係天氣好差同埋唔係自己plan行程所以唔係好好玩

今次兩老襯Easter放假過黎探下小弟之餘順便睇極光，兩老hk飛uk既機票用分換既所以唔係用左好多錢。

成個Iceland trip 4個人既洗費：
機票：Luton(LTN)飛Keflavik(KEF) $4700
租車：4x4 SUV $3200
酒店：5晚2間房 $10000
Blue Lagoon：$700x4
生活費：$5000

講下行程先：
Day 1 ：Blue lagoon+極光
Day 2 ：Iceland Horse+Golden circle+Vik+極光
Day 3 ：冰川＋Jökulsárlón Glacier Lagoon＋Hofn
Day 4 ：Hofn drive to Reykajvik
Day 5 ：Reykajvik
Day 6 ：Leave

行程望落好似好悶／趕，但係由於兩老唔係好頂得順冰天雪地同鬼佬野食所以唔想留冰島咁耐。
放下D相荼毒下大家先

秘景團？去咩景點嫁？之前自己都有過極光光團同埋極光攝影團嘅分別。 我覺得人生路不熟嘅話都可以一試。始終有pro嘅攝影師帶住，影啲相都冇咁公廁

食完之後就沿海邊行返去car park，一望出去就係雪山，

返到car park之後放左陣drone影個harpa concert hall，我地無入去呢個concert hall，因為覺得D風格圖好公廁，不過入去參觀唔洗錢既，大家有時間可以入下去。之後就返左酒店checkin la


酒店今次住Norðurey Hotel Reykjavik Road 地方唔近town揸車要15mins但係附近有好大間Bonus同KFC, hkd900一晚有早餐算幾好，但係係到住左3晚，3晚D被都係起哂毛頭一d都唔好瞓，同埋書枱上放左兩本聖經好得人驚。

https://zh.hotels.com/ho321915/?tab=description

我上次黎冰島就住Iceland Comfort Apartments都係差唔多價錢唔包早餐但係間間房可以自己煮野食，同埋酒店對面就係supermark。我覺得Iceland Comfort Apartments舒服過Norðurey。

lm

正 好酸

推

留個靚名先

留名
諗住兩年後都帶呀爸呀媽去冰島，應該去埋英國法國
儲緊錢

Day1 續

入返正提，checkin完放低行李之後就去Blue Lagoon浸溫泉。Book左5點，我地6點先到佢都比我地入lol
浸溫泉price唔同時間唔同價錢既，我地買左最basic個package淨係包毛巾野飲hkd700。

上次黎個陣就係到住左晚，好X貴， hkd4000一晚包blue lagoon entrance，同酒店有個私人既溫泉任浸。

經我上次既經驗，我一換完泳衣出更衣室就9 rush 落池lol因為出面真係好凍 ，老實講D水唔係特別熱，但係行入少少，池中間D水係熱D既。Free drink係啤酒／red wine／smoothie其中一野。


少少tips：如果你做人夠pk既話，浸完走既時候可以求其著人地放係池邊既拖鞋走， 因為池邊有好多同無人睇lol同埋最basic個package唔包

浸完之後就返左酒店休息，晚餐就係酒店食英國買過黎D合味道，生果同餅乾。
食完本身諗住瞓教，但係check一check天氣同極光指數，發現blue lagoon個邊無雲好好天＋極光指數3-4。 跟著休息左陣，12點出返去blue lagoon個邊影極光。

雖然有哂心理準備第一次睇極光，但係D極光同雲真係好似，如果唔用心D睇其實真係睇唔到係綠色 ，跟著用相機影一影，
哇吊，正啊喂

不過小弟第一次影星，構圖唔係幾好請見諒

可能blue lagoon都叫近市區，老實說真係唔係特別好睇， 真係for影相only lol不過都好滾動既，話哂都叫做完左個bucket list，見到D極光郁下郁下幾得意，影左個幾鐘，太凍加上由琴日凌晨3點幾踩到依家所以頂唔順就返左酒店瞓教休息，我地一路揸車，一路研究邊啲極光邊啲雲
Day 1 完

絲打

冰島自駕嘅話真係平tour 幾倍。網上睇話太陽個活躍期啱啱過左，唔知兩年後會唔會仲差，祝好運 法國好危險，小心破財

巴打租車自負額幾多同埋係guide to iceland 租邊間租車公司
嚟緊6月去

留名 睇靚相先
巴打係咪三月十四至七號影嘅極光相黎
我見呢幾日全世界好多地方都大爆發
勁葡萄啊 好想肉眼睇會跳舞嘅極光

同埋巴打好rich

自負額好似4-5千euro。不過老實說無乜點留意 因為自知架車唔係自己所以真係揸得好小心 Auto car rental 。6月去行山？我都好想去埋highland但唔夠時間

唔係啊，我22至28號飛，好難得指數會有4，我去前日日mon住，成日都出0-2

去啦去啦，夾到4個人其實真係好平

無人睇 不過打左我都會繼續post

Day 2
9點幾食完早餐，10點就出左車啦，今日第一個景點係Eldhestar horse farm，上網做左research呢間係好多tour指定既馬場，離town 40mins左右。途經馬場睇到有好多車停左係到唔知影乜，我地八掛又睇埋一份，一落車-哇吊，正啊喂

撞正前幾日落雪，iceland大部分山變哂雪山好好j

因為一正都想睇下冰島D馬點mk法，所以見順路就去呢個馬場睇下。一去到馬場，勁多馬係圍欄入面，一個係比bb馬，另一個係for成人馬大隻d，有D馬就係門口準備比人騎

好qq，佢地完全唔怕人，你一行近個欄，D馬就即刻沖過黎以為有野食，不過一落車勁臭好大陣馬屎味lol同埋佢地個身其實都幾污糟，跟住你會見到D馬成日係到打架好搞笑，可能因為個圍欄太細。

馬場D staff好nice, 就算我地無book tour佢地都主動走過黎傾計，教你點摸D馬，如果你唔怕既話可以摸佢地D下巴，佢地會覺得好爽。係馬場玩左一個鐘就上車繼續去golden circle

第二站係人為稱秘景瀑布 Bruarfoss waterfall，呢個景點真係好難揾，GPS去到附近就show唔到小路，條路又好多坑，加上條路唔係正式既馬路，搖下搖下搞到要揸好慢同頭暈。我地一路跟著前面D車行，行左10幾分鐘之後覺得唔對路就求其停左係人地屋企。
一落車-哇吊，正啊喂

係人地屋企門口影到咁上下都係搵唔到條瀑布係邊，最後放左部drone上去一路行一路搵路，終於皇天不負有心人，比我地行到去個秘景瀑布，好靚啊，呢到遊客唔係特別多，可能真係好難搵，同好辛苦，應該好多人由大路轉左入黎小路之後覺得唔對路就走左。

Day 2 續

睇完瀑布之後就揸去gullfoss，事關上次已經去過gullfoss，所以主要比兩老睇下iceland最大既瀑布

因為好近市區瀑布好多遊客係到，本身可以行落樓梯到近D睇瀑布，但係今次條路積哂雪封左唔比行，我上次去d圖：

Lunch我地就去左gullfoss個tourism centre，行呢條樓梯上去。Gullfoss有兩個carpark既，一個就係上面tourism centre，一個就係樓梯下面，我自己覺得停係下面個carpark方便d。

佢地呢到個羊肉湯幾好飲嫁好足料，又係送麵包同任添，但係都成hkd200

個tourism centre都幾大，好多souvenirs同凍天衫賣，同埋個餐廳都幾大，湯就基本野黎，間間餐廳都有，但係佢呢到有pizza同D sandwiches，所以大家plan行程個陣都可以係到食埋lunch。最後比我搵到張我覺得最靚既post card，極光，銀河，冰河湖，完美配合！！！

食完lunch我地就去埋我覺得好伏既景點--Haukadalslaug Hot Pot噴泉，噴泉位置係bruarfoss同gullfoss中間，所以好多day tour會一次過去哂呢D景點。
係car park一路行去噴泉周圍都係好多水坑keep住冒煙係幾得意既。本身諗住skip左呢個景點佢嫁啦，事關同我自己plan既行程delay左好多，但係兩老話既然黎到順便睇埋啦，ok fine~

行510mins到就會去到最大個個噴泉到，唔洗怕唔識路入黎，因為好多人圍住個窿等佢爆，個個就係最大既啦，個噴泉隔10mins左右就會噴一下，隔半個鐘就會噴一次大。你一見到佢好似水滾咁就知差唔多爆嫁啦。多數你睇到佢噴一次大就可以走lol所以個景點我覺得幾無聊。

會唔會靚得離譜

Lm support
樓主繼續分享啦 嚟緊夏天我都會去冰島超期待
另外想知係冰島放drone有無咩要留意？

咁睇食野都幾貴下

多謝支持