(文短)一個政府害我無左一段十年既感情

小弟今年三十 同女友一齊以經十年
呢十年 為左住屋問題煩惱左好耐
到而家都未結婚 亦無規劃生兒育女
學連登仔話 窮人生仔正仆街.jpg
我係一個平平凡凡月薪大約24000既打工仔
我自認係一個無本事亦無志氣既人
眼見呢十年社會既發展 樓價越黎越貴
我地呢一群人越來越無希望 好！有人話
申請公屋囉 唔過12000既90後有幾多？

抽居屋囉 幾十萬人中幾百人 仲難過六合彩

買私樓囉 我老豆5年前同我講 阿仔 我地成家一齊努力工作啦 阿爸一定會支持你 唔洗擔心架 加油

到我老豆前日同我講 阿仔對唔住 我真係無本事幫你再買樓了我地就快退休都擔心將來而家d野越黎越貴 我話 阿爸唔洗擔心架 我一定會支持你 你養到自己以經夠架啦 多謝你照顧我到30歲


前幾日去女友屋企食飯 佢阿媽同我講 你話買樓買左5 6年 點解到而家都未買到 你係咪要返d責任感

我當場飯都食唔落 講左一句對唔住 我無本事比你個女幸福 要佢同我一齊挨 但我會好錫佢 唔會包二奶 搵小三 令佢傷心 佢聽完繼續食飯唔出聲
我當晚4點幾都訓唔著 一路反省自己 一路喊 點解自己咁無用
我諗起左句歌詞
我曾經墮入無邊黑暗 想掙扎無法自拔
我曾經像你像他 像那野草野花
絕望著 也渴望著 也哭也笑平凡著

昨日我女友同我講 你下星期唔洗黎食飯啦 阿媽話唔想咁多人上屋企 我答 唉
到今日都仲未搵返佢 個心好似就快崩 就快碎無哂心機 整係不斷咁做運動 麻痺自己

到底一個點既社會先可以令一班年青人搞成咁 咁無助 咁無將來 到底可唔可以放我地一條生路 我知商家賺少左錢 政府會少左收入 但你可唔可以再拉我地一把 幫下我地

我老友同我講 你地香港人唔買 大陸成大舊錢運緊落黎 香港安全呀 仲有得炒樓幾爽呀
咩成本貴 人工高左 導致樓價高企乜乜乜對我黎講都係廢話 幾十年樓價都係批100-500 點解呢十年咁貴 ？阿爺發展得好呀嘛富起來了有大把錢 我係支持但可唔可以求下政府再加多d辣 買完樓十年 二十年都唔可以賣？ 唔好再炒落去啦

求下你地 比條生路我啦 我亦都求萬能既連登巴打 教下我點樣去致富 我真係好灰心