(文短)一個政府害我無左一段十年既感情

有時望信個樓價，真係會諗，值唔值得犧牲二三十年既生活去換取一堆磚頭
唔買樓，我買車買玩具換取好多快樂
買樓就每月「儲」一大筆錢，但一間自住既樓，升值其實關我咩事？
唔通我間屋升左兩個開，我就可以換間大啲既樓？好似唔得喎
加按再買第二層？又供唔起喎
香港既樓，係咪真係用黎住？

其實你搵3萬同萬幾最終都係買唔到樓, 何必在意儲到幾多

同你個case一模一樣，住屋問題，十一年分手，而家自己出左黎住 生存真係需要極大勇氣

9up咪即係, 用兩個字蓋過整個真相

成日都講唔好話搵幾多
上個世紀肯捱肯慳就真係窮窮地都有樓有老婆
依家呢個年代當你搵30K都係,基本上你唔識投資之類或者冇另一半都唔會買唔到樓
何況乜柒都話貴總之有咩都一句百物騰貴俾晒消費者受
所謂d辣招最後又咪租樓買樓既受返呢個政府垃9圾啦淨係識每日點樣刷阿爺鞋

到你老，無人肯租樓俾你，租又係宜家幾倍，你就唔係咁諗

其實齊心d幫呢個城市重新洗牌就得

樓主我7年前都係30，果陣都係同你一樣搵兩萬幾，又係差不多一個仙都冇儲，大洗唔儲錢，同你一樣交埋啲垃圾保險（呢樣真係好大問題，呢個都係你最大錯誤）果陣我女友其實都係搵兩三萬，不過我好好彩，女友迫我儲錢，一人儲一份同埋大家人工keep住增加（因為做sales，人工增加都係多勞多得），3年幾前樓市少少跌果陣加少少父幹上左車，今年夠三年過SSD就換大啲
其實樓主而家當務之急係增加收入，30-40係男人搏殺黃金期，你咁既情況，你淨儲錢已經追唔到生活水平，一定要想辦法搵多啲錢

睇樓主其他post原來做sales?

因住越搵越少

將老豆老母調去 其他國家
自己霸左層樓
仲大大聲同佢哋講：想唔想抱孫呀

樓主唔好灰
唔好怪責自己
我相信你已經好比心機

下 你有無去過買 你估呢d 唔洗抽？
我抽左3次都係得個吉

現在同女友加埋搵40K 已經放棄買樓 下年結婚了。佢話住我屋企就得（居屋 550呎），儲既錢都係拎黎去旅行，我地仲開心，單係首期既錢，已經去到好多好多地方玩，大家都無埋怨買唔到樓，因為買到都要供25年，咁何苦既。

都係個句，搵到夾既另一半，大家打開黎傾先係最重要。

係香港，無父幹下買樓係要有人生規劃，及早做定準備。

我剛30，都係靠打工一個人買樓，
無炒股炒iphone,etc。(有d後悔無...)

學費自己借loan俾，家用要俾足，
不過我老豆就無樓主咁生性，
佢爛賭爭人錢，中間幫過佢找數。
否則可以再早兩年買會好d.

生活簡單，但唔算刻苦，
每年都有去2次日本。
不過我就無拍拖，慳唔少，
因為我知道未有經濟能力前搞依d野只係死路一條。

俾完首期雜費後有錢淨，供樓後每月仲係盈餘，有財政力量揀自己鍾意做嘅野，感覺上都幾好。