進擊的巨人104 中文

但公道講句佢都差d偷到雞食左艾倫，係兵長神救

其實阿妮結晶左咁耐 無外力因素情況下係咪可以自主還原返 同埋個宿主係咪唔會死
如果係咁既 艾倫收集埋餘下既巨人(超巨應該例外 佢唔會食阿爾敏掛...)
之後同阿爾敏一齊結晶化自己 只要佢地唔死 全部巨人之力都寄宿係佢地度
咁就唔會再有九大巨人出現 應該可以同牆外世界和談到掛

下次大戰就係島人vs全世界

所以我覺得係觀點與角度既問題。

主角群有自己既一套所謂正確價值，

但世界其他人都係有自己一套價值。

所謂和平都係要以強橫力量得到，而唔係口講既承諾。

就好似核彈。

詳情可以睇返地下室嗰集定唔知艾倫返去搵訓練所長官嗰集
訓練所長官有次係牆外調查發現格里沙
亦都話嗰次返城既路極少遇到巨人
可以推斷為格里沙殺晒沿路既巨人，一路行一路練功弓

其實我見作者編寫都幾有現實既因素，一直都帶出世上不同人都背負著重而難以改變既命運同責任。牆內就話有不戰之約姐，但牆外世界甚或阿克曼，都會有難以置身事外既命運，一直推進佢地去到呢一個衝突點。

可以話，冇咗邊個角色並唔係重要。因為世界就係咁樣，各方有各方利益，有歴史背負，有國家責任，有敵對關係。

事實上，如果馬萊從來冇動作，周近國家都會有可能做同樣既野，因為巨人本身就係一個極不穩定既不安因素，將心比己，如果你係鄰國元首，既然做唔到絕對防守，咁就唯有主動出擊，反正你都覺得巨人根本就唔係
自然既產物。

咁要打破呢種僵局，就要一股新勢力介入，為世界帶來平衡。其實你話島上既王可能係熱愛和平，但係，如果你用成個世界黎睇，佢係全世界最自私果個，亦都間接令世界不斷經受戰火，而自己就隔岸觀火。

當最有機會改變現況既勢力選擇逃避，咁佢只係會背負沉重既罪去享受虛假和平。佢以為走咗佬改哂記憶，就會好似重新開機咁，整幾個牆就當係新世界，咁其實就係自欺欺人既行為。調查兵團係必然會有既存在，但主事人明知咁多年都係失敗而回，而且佢有改變記憶既最後手段，所以就放任。王政轉以集中去保護始巨同權力，締造和平牆內世界，因為都要滿足人既好奇心，否則好容易造成叛亂。

但唯一改變唔到既野就係，馬萊每隔一段時間，都會因外界既戰亂而無奈派人奪回始巨人，因而破壞城牆。而世界又會因要自我保護造好多唔同既武器去對付巨人。

其實巨人與人雙方都被對方逼迫。諗得大局啲，就係人同巨人既衝突根本停唔到落黎。因為兩邊都覺得受威脅。所以本身島上其實係世界輪迴既突破口黎，而呢個突破就係會為世界帶黎新既平衡。

冇錯，所以呢股世界新勢力既選擇會直接影響世界以後既命運。

重複歴史定開創新一頁？

當我回覆上面時，我諗到，既然口頭上承諾係冇約束力，而不戰之約係自欺欺人。我覺得方法有幾樣，
1.九巨人分佈各國，巨人科技及殺巨人科技公開，有血統人將會移民各國，倡導世界合作

2.或者等馬萊軍事改革迎來新世界軍事科技後，直接消滅一切關於巨人既野。

3. 種族大清洗/記憶大清洗，巨人之力由軍隊高層嚴選繼承人，防止自動流入隨機平民。

如果唔係大戰後，各國都疲憊不堪然後發展核武/大破壞力武器，我地依家都未必會有咁耐既和平。不過，其實計落都只係百幾年既和平。

講得岩, 你既諗法同我諗既有D類似

要封印始祖完全無難度, 只要確保始祖唔落入女神家族就得, 咁剩底會將人變成巨人既方法就得返巨人液, 消滅哂巨人液既話, 全世界就得返8大巨人, 結合世界各地既科技, 制造針對8大巨人既武器完全唔係難事, 尤其而家硬質化形同虛設. 呢個方法重點就係要馬萊放棄巨人液, 所以軍事上壓制馬萊係必須

但其實就算有應對方法, 更重要係艾爾迪亞族點樣還債. 之前有講過, 以前比巨人食既人口係現時人口既三倍, 呢筆債點都要還, 解決唔到呢個問題既話全世界一樣繼續歧視艾爾迪亞人, 所以個故事之後必須要還完歷史真相, show比全世界睇巨人族未必要負上全部責任先得

係咪井狗喺度逐個comment負皮

艾倫食埋戰鎚如果睇得到鎚巨記憶既話
夾埋始祖既記憶3個人既立場都唔同
到最後好可能都會好似箂納咁人格分裂

如果吉克變節係艾撚老豆一早安排

會好震撼

仲震撼過臥底三人組

唔同，艾倫老豆只是去牆邊
果三條友去牆邊時一直用女巨能力呼喚其他巨人
（戰略是破牆時混入其他巨人裡入牆）

認同

令我諗起文明衝突論
柏拉迪島同馬萊同樣係歷史嘅主角 但因為地位相反所以讀者睇到而家變得唔知點定對錯 -我相信呢樣就係諫山希望帶出嘅訊息：人類嘅敵人始終係人類 同埋 正邪界線難以刻畫
前90集主要講島民面對馬萊/始祖巨人力量嘅威脅 直至得到艾撚先睇到𥌓光
對馬萊嚟講佢就係不得不除嘅禍根
但雙方都係為自身利益同安全而戰
我地作為支持主角群嘅讀者固然會站係島民嗰面而覺得馬萊做咗好多衰野應該冚家產

馬萊係三百年前同樣受到巨人之力帶黎嘅戰火蹂躪 作出反擊 而家先睇落好強大
為咗唔好再被壓迫 惟有自己成為壓迫者
然而受盡壓迫嘅島民4年後掌握到軍事同巨人科技 反擊嘅同時亦成為咗壓迫者
雖然好似好重反戰色彩好左膠 但諫山最鐘意玩鳩佢嘅角色鎧甲曱甴巨人萊納 正正就係負責突顯呢個矛盾嘅角色
所以我覺得諫山係希望上帝視覺嘅讀者會反思兩國立場同戰爭意義 然後人格分裂

其實巨人與人雙方都被對方逼迫。諗得大局啲，就係人同巨人既衝突根本停唔到落黎。因為兩邊都覺得受威脅。所以本身島上其實係世界輪迴既突破口黎，而呢個突破就係會為世界帶黎新既平衡。

上個reply quote 漏咗 最精闢就係呢段
柏拉迪島嘅存在意義 亦包含145代王不戰之約嘅宿願

早排重新睇一次仲撚正
之前唔係噤鍾意王政篇但原來一次過睇好撚正

我反而覺得老豆去牆易過三人組好多
1.老豆做過革命軍+生離死別.心態同意識一定好過三人組好多.實戰黎講其實兩邊都差唔多
2.一個大人無顧慮.三人組反而會因為步伐不一致而混亂好多

加上格里沙被流放同三人組登陸相差咗超過十年，期間馬萊又不定時送艾爾迪亞人去樂園，而亞妮bb又負責引啲無腦巨人過嚟，三人組驚險過呀爸都唔會好出奇

大家唔再叫佢阿撚證明艾連真係大個仔喇

講到底馬萊治下的尢彌爾子民都係慘被洗腦,同牆內人一樣.牆內人就知道左真相,係時候集中營入面果D人都要知真相.
到底最後會唔會變左所有尢彌爾子民VS打馬萊,打完馬萊打所有國家最後立國,係就好J了

唔同，始終艾倫真係大個仔，識分是非黑白

而萊納細個由呀爸唔認佢做仔、接連得知自己係廢柴、害死馬塞爾之後就開始逃避擔任萊納呢個角色

除咗佢，真係諗唔到邊個會咁無聊