進擊的巨人104 中文

阿明變身個位就係向住馬萊雷貝里歐區個碼頭爆，104期SET燈又係沿著果個方向放
所以架飛船應該係去馬萊另一個地區，但三笠又話返回我們的家

盲腸

馬加特有晒準備都係輸得咁慘，太睇少立體機動，定係有後著？

太依賴巨人既力量，平時係大陸到靠巨人打人玩哂，變左敵方有巨人就唔識應付

等睇接完人U TURN...

見到阿撚勁左咁多真係好感動
當年連大食妹都覺得佢正廢柴

係..仲要島內人打巨人當食生菜..

又送D冇腦巨人俾牆內人練左100年
而家捉蟲

有無人覺得艾倫一生都好撚慘？
細個睇住老母俾人食咩都做唔到
大個立志要絕巨人種，點知大家都係同胞
被自己啲戰友背叛
同時又不斷睇住同伴因爲自己死
後面又發現老豆好耐之前已經被自己食左
繼承記憶果陣仲要體驗翻上幾手既悲慘過去
正常人根本一早就痴左線

做佢個位好大壓力 一衰左成個島就gg
就算大仇得報都係得番幾年命
跟本冇平安開心日子過
所以20幾歲已經看破紅塵

其實最傷心係三笠
本來諗住一生一世報答阿撚
點撚知終於得到世界真相、離開牆外之後，阿撚得返幾年命

咁都算啦，諗住最後幾年瘋狂扑野打種都好丫
點知阿撚食既係進擊巨人
係點都會繼續前進，絕不停下腳步
即使係要大屠殺，但都要繼續做落去，誓要得到自由為止
根本無家可歸

我懷疑，進擊巨人既真諦，並唔係能力
而係自第一代以黎
就係由記憶同性格去決定繼任人
因為呢個世界永遠有一小部份人係不安於做畜生
寧願死，都要自由
就好似 Matrix 入面 Zion 既存在
又或巨人入面調查兵隊既存在
總會有人有好奇心，總會有人想行前多一步
只有呢d 人先會被揀中做進巨，然後代代相傳，為世界帶黎改革

然後過多幾年阿爾敏又夠鐘
但自己又冇艾爾迪亞血統，眼白白睇住佢哋走

點解最原始既女巨人會咁危險，其中一個原因當然係能力太強橫。


其二，就係進巨既特性。


依家睇落，不斷前進係一件熱血而革命性既野。

但去翻以往統治性既時代，呢種特質只會帶來不斷既戰爭同破壞，野心有增無減，亦不甘困於現狀。所以古代女巨人基本上係一個神一般而且極度危險既存在。

而不戰之約亦係某程度上一個保險，一個封印，一個底線，希望連最後丁點力量都唔可以攞黎挑起戰禍。

進巨本身係冇乜特別能力，冇乜攻擊性，防守都差過人，總之只係有腦袋既普通巨人。

所以當你推斷落去，就會發覺皇室血統點解會掌管始祖巨人，而且咁緊張去保護同收埋呢個能力，而非其他巨人之力。

因為佢地清楚最麻煩既唔係工具性既巨人之力合併，而係原始巨人既思想同自由意志，因當始祖能力不受不戰之約影響時，基本上已經等於有翻五成既原始巨人，另外五成就係功能性既能力(鎧，鄂)。

如果不戰之約係用落鎧巨人，其實世界都會大亂，但極樂島上皇室偏偏就套用咗不戰之約並掌管始祖巨人，等同封閉咗佢既巨人之力，亦得到了好長時間既和平。

但依家主角阿撚，基本上做既角色就係解封咗呢隻魔獸，到今集仲成功食埋一隻功能性巨人，咁已經係一個有一樣武器既自由思想原始巨人，得到主人角色既優勢，因為工具永遠都係有限制，非巨人之力既中心。

所以基本上，呢場係兩邊人捉緊一場好長遠既棋，好可能死咗都未知結果係點，只會一直存在喺記憶，又繼承人一直傳落去，而剛巧我地目擊到呢一段既博弈。

所以如果阿撚真係要集齊九巨人，咁佢先係世界既惡魔。

有趣嘅分析
前幾頁有人話進巨廢 因為佢無乜強項 純粹係艾撚控制得好
進巨應該係九大巨人未分裂前 象徵住保護人類 為尤彌爾子民而戰嘅嗰份決意同野心
但我覺得進巨最強就係永遠為自由而前進

最後一句我就未必完全認同
我始終認為進巨象徵住為尤彌爾子民嘅自由而戰

如果真係嘅話 好期待艾撚未來會點樣運用得到其他功能黎實踐

呢樣其實對應返吉克話艾倫比佢老豆洗左腦, 最重要如果巨人記憶可以控制本體既話, 恐怕艾倫都變到佢老豆咁

不過既然吉克已經同艾倫組左隊, 肯定仲有d決定性既秘密/記憶佢地知道左而未講, 加上而家局面唔再係島內vs全世界(今集個黑人+東洋人), 個情況都唔再係之前諗得咁絕望

真係好想知艾倫老豆點打贏始巨
話就話無咩經驗 未控制到 但係始巨能力係咁意都收進巨皮
而且艾倫老豆自從潛入之後咪一樣好少機會用 仲要無硬質化格鬥術之類
今次艾倫打戰巨如果唔係三笠豬巨顎幫手最多都係打個和
但係艾倫老豆可以輕鬆食左始巨 仲要始巨無水晶護體

話唔定老豆去牆內一路上殺左唔少巨人練功呢

不如問點解艾倫老豆可以單拖用進巨由境界線走到去牆邊
途中應該有好多無腦巨 睇返三人組都係好驚險先由海邊去到牆邊
艾倫奪還個陣又係牆外有勁多無腦巨圍鎧巨
而且個陣時艾倫老豆嘅進巨應該係唔識硬質化同好少巨人化經驗
照計應該會比無腦巨圍死艾倫老豆
究竟點解當時艾倫老豆可以咁勁一條友自己走到去牆邊?

其實好似無講過食多d智巨就可以同時使用2種能力/變融合版嘅智巨
可能只係可以根據唔同情況決定用邊隻智巨





唔排除幾集後俾作者打臉

進巨機動性比較好?

今集結尾係兵團在街上保護深入嘅氣船撒退。諗諗下，如果氣船只是接兵團散水，就實在無必要深入，在外圍接收兵團就可以。似乎氣船係要運好多人/貨走 (又或者要unload好多嘢)。