當然，香港的稅制亦支持慈善捐款，香港人既善款亦都係世界上位於前列。不過香港慈善機構太多太多，當中良莠不齊。
小弟並唔希望自己捐既錢幫到呢班以慈善為名，但資金去向賬目不清、有醜聞等等問題既所謂慈善機構。
受近來既醜聞同新聞影響，我而家對捐錢俾呢班黑慈善機構都好反感。
所以希望可以大家製作一份名單，幫手分析下邊D機構值得捐錢，當然亦要列出一D存疑既機構，希望大家係未釋疑既情況下暫緩捐款，捐俾一D更值得捐錢既機構。
拋個磚（個人意見，歡迎改正）：
認為ok:
1, 無國界醫生：屋企捐開，救人生命之餘，亦好少醜聞。
認為有問題：
1, 香港紅十字會：自從中國紅十字會郭美美之後，我一直都懷疑香港紅十字會同中國紅十字會既資金關係。而香港紅十字會好似一直無對外公佈血漿既流向，時常有所謂“屌血”既情況出現。所以我覺得要捐俾紅十字會要三思。
2, 香港路德會：臨臨被虐打致死一事，據傳真社報道，路德會所主辦幼稚園園方早已知情，與校長對傳媒的說法並不一致，而校長於上星期亦復工。路德會表示事件以進入法律程序，不會透露內部調查結果。我建議有意捐款俾路德會既暫緩，等待結果。
