日本戰國-關原之戰後續

有佢地2個對大勢又有咩改變 ?

如果再抵抗,輸咗就係後北條嘅下場,戰爭到最根本就係國力嘅比拼,關原之後毛利邊有足夠兵力再打落去

到最後要睇下豐臣家醒唔醒目。

先講一個問題,當時德川從來都係以五大老之首去行事,以淀殿身份同眼光好難用事後孔明去話豐臣就應該同德川死戰

噉又係，豐臣家直到大坂冬之陣似乎仲係懵然不知，如果無加藤清正嘅人喺度應該早幾年就滅亡。豐臣秀吉要怪只能怪自己剷咗秀次一族。

豐臣秀吉仲有征朝令到自己滅亡

講到宰相殿空便當，亦有講法係吉川廣家只係食死貓，真正既對象係毛利秀元呢位公子哥

我地聽既吉川廣家來自於常見既《編年譜》出處，另外亦有一本叫《佐佐木一齋留書》，作者係毛利家臣，於1655年書寫既回憶錄

關於空便當一事佢係咁記載：當吉川廣家與東軍達成協議後，毛利秀元與家臣天野元政撤退，剛好後軍派人催促出戰，毛利秀元唯有叫將士扮食飯盒，再借警戒為由打發使者。

戰後，東軍派人叫秀元參詣，佢就以向毛利輝元報告為由暫時推辭，返到大阪後向輝元提及此事

但大家只會講吉川廣家食飯盒

毛利唔出戰怪吉川廣家並唔正確
佢位置雖然好，但吉川廣家主動戰前協議，對身為毛利家臣既佢，又點會逾規呢？從毛利秀元被動表現睇，成個毛利家應該得安國寺惠瓊出力

當然入大阪前，毛利家都估唔到德川家康過橋抽板，一切都被老狸貓暗算了

不過毛利秀元番到大坂唔係都主戰㗎咩。

仲有一點係如果毛利喺大坂抵抗，福島同加藤果啲應該會撤退。

豐臣家自己唔出兵，三成想借秀吉生前嘅胡蘆旗印又借唔到…

點會，毛利既罪名更深，德川家康大可指責對方威脅豐臣家

家臣內閧又真係輪唔到佢出面支持任何一方

以毛利兩川咁鬆散嘅體制,毛利輝元都壓唔住班手下

有本多忠勝 邊夠佢打
打德川家康？不了

講到戰力方面，毛利家至少仲有四萬兵，真係堅持喺大坂打嘅話會點？

參考小田原城

同埋毛利點黎4萬兵

查完之後原來毛利輝元有3萬人咁多係大阪
果然係宅神
但就算毛利4萬5000人集中大阪,單係德川家康就有8萬兵力,加上其他東軍兵力,毛利要不守上一段再好似後北條一樣城破完全除封,要不投降減封

本多忠勝吹大左喇，而且佢一直都做旗本附近
井伊直政、松平忠吉先係真正衝陣，你細心留意真係上場打既都係豐臣家臣

福島正則同加藤清正依啲先叫東軍功臣

加藤清正：我響九州呀屌
黑田長政：一番槍係我囉，打死島左近係我既人！
藤堂高虎：......
其他人（堀尾吉晴、山內一豐）：

家康就算輸左關原，一日豐臣家唔表明立場都會爭持住
東北上杉俾最上同獨眼龍包圍，南面仲有結城秀康
家康自己啲主力又喺秀忠手上，關原戰場實際係豐臣系大名內鬥，結果似會變小牧長久手咁上下形勢居多

最弊嘅係到德川家確立威權嘅時候仲唔識反抗，等到剩低嘅豐臣恩顧大名都西歸，仲趕走埋片桐且元。

唔理終極宅神豐臣家(大坂夏之陣最後階段仲宅)，如果毛利輝元據守大坂反擊，應該仲會集合到西軍周邊殘餘軍勢同豐臣家一啲直屬部隊，到時候德川家康即使全力進攻都一定浪費唔少時間，喺喱段時間入面黑田官兵衛應該會攻到南九洲，伊達就繼續混水摸魚，最後嘅赢家話唔定唔係德川家康。