日本戰國-關原之戰後續

有無人諗過雖然關原之戰開打嘅時候西東軍都以豐臣家名義開戰，但係關原之戰後德川家康大幅削減豐臣家領地，點解果時豐臣家唔立即反打德川？當時加藤清正等人仲健在，再加上立花宗茂等西軍將領仍有再戰之心，理論上應該仲有得打？

鬼叫佢關原扮中立咩
打完關原德川名望已經高過二世祖好多

關原肯出面西軍，東軍好多勢力都唔會參與，贏面大好多
德川一直都係個威脅黎 仲望住等佢坐大

三成皮已收
秀賴毛都未生齊
都無人可以出黎帶頭

Push
學野

低估左德川外交力，無人諗到咁大個戰役一日就完

點反
當時德川家康做咩加封減封個D
都係用豐臣家大老既名義去做封賞有功之士
至於你話封豐臣家既藏入地出去點解唔出聲
以豐臣家名義封賞可以點出

就算關原西軍戰勝,以石田三成近20萬石高嘅動員力根本無可能壓制得住毛利,上杉,島津等西軍大名,最後只會又重啟戰國亂世

本身關原西軍都鬼打鬼大家鬥食花生
石田，大谷，宇喜多打到撤退
島津先出手
根本小早川唔叛變西軍都輸硬

咁島津得1500人
主要係毛利實在

關於島津
1. 島津家對關原本來就無共識，義弘怕唔打會蝕底，義久本來就想豐臣死。基本上係義弘只係用個人魅力召集兵力，得1500影響力低。
2. 義弘一開頭係收到家康請求支援(京都)伏見城，但俾收唔到信息嘅鳥居元忠拒於門外。因為關西係西軍地頭，根本走唔到迫住加入西軍。(島津家講法，可以唔信哂)
義弘唔妥三成呢d就唔講了

關於 「小早川唔叛變.......」
關原直接影響最大係總大將毛利輝元+最多兵力嘅毛利軍突然停止行軍，其實都係有內鬼
可以search「宰相空便當」

明治維新之後，幕府請咗德國將領做顧問教現代兵法
日本仔俾左關原兵力同佈陣圖佢睇，佢就話西軍必勝
毛利軍個位置好靚，一旦攻落去東軍根本難以招架

其實一開始西軍形勢好好，但部隊無邊個聽三成枝笛（人望同實力唔夠），好似係到大谷吉繼死咗先正式崩潰

呢件事唔一定真架，只係有類似軍記物寫過

再講，德川家康用五大老之首名義，夥同武鬥派聲稱西軍脅持秀賴，以及文治派作亂，加上德川家入主關東後各種建立關係，早已令佢在東部紮穩，更有大義名份

西軍名義上總大將係毛利輝元，但正如前面所講其實心懷鬼胎，在自己角度毛利、島津、長宗我部只係外樣大名，豐臣內鬥你地慢慢

睇完最新嗰套電影關原之戰，想問下呢套司馬遼太郎小說改篇嘅作品有幾多成同歷史係一樣？

當故事書睇可以，了解大概
正史冇你諗得咁精彩

唔係劣評如潮咩

講真怨真係怨秀吉打唔贏德川

一輸就求同存異，贏就趕絕人（柴田）

仲有個北條

的確唔一定係真，但軍記物都無寫過，有寫過就應該確認到
懷疑係軍記物（仲要唔係一手史料）嘅係日本陸軍擁有嘅關原佈陣圖，而唔係件事本身

單從現存可確認嘅史料睇西軍的確有地形優勢

秀吉最大問題係周圍食女但老年前生唔出仔

好似上杉黎唔切幫拖 定係中途比人阻住左
大谷吉繼同石田三成講冇得打
但明知唔得都要打

萬曆朝鮮之役、豐臣秀次既死
呢兩件事係秀吉臨老最大敗筆
百年前先有類似事件，出現足利義尚、足利義視既問題，成為應仁之亂既導火線

唔好諗得佢太幫手，佢只係想趁機奪南出羽地區，所以先打最上義光，以及派人擾亂越後既堀秀治