進擊的巨人103 中文

會唔會係阿卡曼嘅人身體可以接到下一個輪迴 所以覺醒=拎返身體嘅記憶 之所以咁抽得係因為不斷係輪迴入面累積經驗

我覺得東洋人應該無輪迴能力

唔一定係阿克曼有呢種能力或者東洋有呢種能力
可能係兩個mix 埋先有額外特殊能力？

其實d燈作用 會唔會係俾猿生用而唔係空投超巨

首先超巨出左黎 冇咩理由會關佢事
其次大家講到猿生脫離戰線似足8，9成
再之前我唔信以佢頭腦唔會唔知d燈係有戰略用途而唔理

基於呢個論點諗番轉頭 猿生扮死脫離戰線
退去大後方再用投擲去掩護艾倫奪走鎚巨

當然都可以係超巨用踢石去做轟炸

暫時當佢冇空中支援
咁用超佢一個去破壞佢地海事退番去再用之前牆殺巨人個裝置破壞水晶
我自己都覺得幾大機會

而且唔一定話個行動係要剷平馬萊
可能目的係奪取巨人 到依家行動目的除左宣戰都冇咩特別
以咁少兵力想一口氣打贏真係冇咩可能
重點應該係殺晒馬萊高層同智巨人奪取

但係睇今集佢地想俾車力最後一擊 之前三笠都毫無保留咁炸落戰巨 如果唔係戰巨變身方法咁奇特一早炸到稀巴爛/俾艾倫打到爆哂 兵團同艾倫都唔似想拎走巨人之力 只係見變咗水晶就臨時想食 食都係等於殺
如果佢有心食其他巨人第一個應該食咗鎧巨
所以佢地今次黎應該係打算殺哂d智巨同馬萊高層就算？9up

艾倫會唔會帶埋牆入面個班超大型巨人過黎

我覺得三笠果句野同頭痛只係覺醒後遺症。

阿克曼既然係巨人副產品，

純睇’副產品’既字面意思，
可以理解為 ‘意外出黎’, ‘不完整’, ‘有瑕疵’

而作為巨人既副產品，能力當然出眾，但就必然係會有限制有瑕疵，冇巨人咁’完整’。

比如，要能力覺醒既話，需要一定程度心靈上既刺激，，覺醒某程度成為咗一個不可抹掉既印記，覺醒者喺果刻’痛醒’,需要一世背負住呢種痛楚。

因每次痛醒會令覺醒者不斷回帶去第一次覺醒果刻/果種程度既痛楚，基本上每次痛後，都會有微妙既情緒轉變例如無比冷靜。

阿克曼覺醒者好有機會本身要隔一排醒一次先會保持到個能力同思緒，而呢個係本體(三笠，兵長)不能控制的。

如果用呢個理論去睇兵長，睇怕佢既痛楚比三笠來得更強一點，而且佢都係一直背負住呢種痛楚。

應該有類似巨人既記憶傳承

梟之所以講得出三笠同敏既名，而冇艾倫
原因暫時得一個，佢睇到既記憶係屬於艾倫。

喺艾倫之前，基本上因為各種因素，尤其係皇族後裔同不戰之約，佢地一直都重複緊類似既事件。

但去艾倫，佢打破咗呢個重複。

首先佢唔係皇族血統，亦非正路繼承始祖巨人，而係佢老豆食咗佢再傳比艾倫。

有人講到，進巨應該係自由意志不受控制，去到呢個位，我有理由相信，如果艾倫冇持有進巨，基本上佢持有始祖巨人係冇用。沿用此理論，進巨既存在其實令到艾倫可以有限地用到甚至繼承部分巨人之力及記憶。

正因為艾倫係呢個框外之人，佢經歴既其實基本上冇人試過，我地亦見到一個冇血統亦唔係靠 路 去繼承始祖同進巨巨人之力既人係會點。

梟一句”這是誰的記憶”有幾個可能性

一，佢睇過哂啲記憶，但突然有新既記憶入黎

二，佢能夠知道邊個記憶屬於邊個，但唯獨呢個記憶佢係唔知屬於啲咩人

其實諫山唔係第一次提到時間呢一點, 第91話入面已經提到因為要急於選戰士侯補生繼承巨人之力而派佢地上戰場
點解唔用返原班人馬去進攻多次而係培訓細路去呢? 因為萊納吉克佢地就快要死, 佢地比艾倫更加早得到巨人之力, 計返艾倫得返3,4年命 而萊納,吉克佢地需要時間練習運用力量起碼少艾倫1,2年, 吉克身為戰士長可能更少
所以由呢點推斷吉克提到既時間應該係佢時日無多到13年限期, 要盡快做完場大龍鳳脫出俾島方既人(智巨/無腦巨)食繼承獸巨


而暫時睇只有艾倫同啊明有能力食, 因為已經無晒針劑變無腦巨, 而艾倫食完大佬仲可以覺醒能力,所以吉克應該會係呢幾話俾艾倫奪去獸巨之力

但艾倫食左佢大佬
控唔控制到巨人？
定都係要女神掂佢先得？

關於梟提起三笠同艾爾敏一段
我傾向係指艾倫回憶時將自己同父親嘅記憶混亂交雜

類似畫面出現於下圖
好明顯圖中與格里沙對坐嘅唔係梟而係艾倫
呢種表達當時人代入感嘅手法於電影常見



深層次一啲
艾倫回憶一直到島篇終結應該係想表達艾倫內心變化
一步一步肯定梟以及自己父親嘅思想
到最後出現可能連吞下希斯特利亞嘅決心都有嘅疑問
所以回憶當中混入咗艾倫自身嘅影像同想法

未必, 如果吉克一心只想比艾倫食既話無必要變巨人搞大龍鳳扮比兵長斬傷

同埋吉克兵長講既時間都應該唔係講自己壽命, 因為既然調查兵團都知個時間點, 即係個時間點係有關個作戰計劃, 推斷係同燈陣有關(但之間推測既空投都肯定係錯了)

作者之前係blog更正左89話一段對話寫錯左"吞噬"擁有王家血統的人變成的巨人
正確係"接觸"先啱
所以係要掂到女神先得

關於訊號燈同時間
我有個好簡單又無乜深度嘅諗法
就係援國嘅空襲或者逃出救援

類似聯合計劃艾倫老爸都策劃過
似乎馬萊某啲敵國頗受呢套
畢竟人少打人多又無補給
無盟友支援就全面開戰就未免太不合情理了

都合理，所以好多可能性。

另外如果有睇百度
有人總結到，吉克係一個極有思辦能力既人
佢由開始已經好有獨立思想，亦會好冷靜對待每一樣野。而佢亦顯示到佢擁有歴史真相既記憶，亦表示過好想為一直既歴史詛咒劃上句號。

當初有幕佢既首要任務係座標，態度亦平淡，但唯獨當佢見到艾倫，佢就動之以情，話要一定會救艾倫出去。

喺吉克角度，老豆做既野其實只係會重複歴史，為細路洗腦，推佢地去做馬萊戰士，但結果都會一樣，所以佢做咗個決定，去踢爆佢老豆。

而直到萊納就死，吉克見到有機會都主動tum元帥比佢翻去，理由係雪恥，但實際係搵艾倫。所以其實佢眼中只想救艾倫，免佢於喺個重複既詛咒下，吉克雖然重視座標，但比起艾倫，實在差太遠


詳情可睇:https://tieba.baidu.com/p/5125443450?lp=5028&mo_device=1&is_jingpost=0&bdid=46319B2C996A9522AC102A6C16ECFBD4&pn=0&

好長，我都仲睇緊，但幾引發人思考。

當中佢係以話語同context去總結 吉克其實係點樣既一個人，好有趣。因為我睇得咁快，實在未留意咁多線索，其實一直都有講吉克係有幾特別。

記得之前東洋個女人好似一早知道有野而早走咗

唔會
艾倫冇皇族血統

上次用到坐標之力係接觸到佢嫲嫲
所以好可能同吉克聯手用坐標之力趕走巨人

個位係佢老豆前妻/吉克老母 咩佢嫲嫲

sor 要重睇

呢幾話真係幾突破同埋要消化 睇多次先
果條路同空間究竟係點

另外其實新下巴巨繼承果刻會不會有上手的記憶？ 咁咪知道牆内的資訊？
同樣 阿明繼承超巨會不會有馬萊記憶？