佛牌討論（正）

龍婆樂既錢多多人緣思念，師兄又覺得點

重想問下阿贊白礦國阿贊蘇斌既符管又有咩睇法

全香港得3 間轉買正牌，3 間中分別主做唔同budget 客路
留意一下

得3 間專賣 正牌
而名乎其實專賣正牌好似得兩間

垃__

早期既較好

bro 唔該哂你！

只係搵到間有賣陰既有賣2016年

除左符管仲有符珠，你搵搵古巴Tao,阿贊方
換角度諗，好野又唔係商業野比較難搵

請問有無人識睇呢尊2500 真定假？

真的， 呢款沒有做假的原因

雖然量多，但呢個模較冷門所以唔識睇

因為價錢實惠的牌沒有做假既市場
放心帶，法會開光是真品

咁爆法唔怕被人對爆咩

單賣正牌的得幾間

sor, 問多一個問題
本身五行屬金, 睇相佬話我唔可以帶金屬飾物

咁係咪唔應該戴太金的佛牌或者包金殼,謝

應該唔關事

第一次接觸 想買燕通，但認識唔深，有無推薦同埋價錢係點，多唔多假？好驚買錯啲陰野 好似好得人驚咁

佛教宗旨是每個人都有正確心態去面對同改變自己現在，令將來更好
佛牌只是一種助力
佛教講有三大邪見不可得
佛說有三種邪見不可取
1.無因無緣（一切隨機發生）
2.尊祐論（上天有按排）
3.宿命論（咩都係整定）
相反，教導我們要一邊承受過去的業，一邊努力當下， 改變自己將來
過去已經過去，當下轉眼就完，將來唔知道
根據經驗，有一個好同健康心態帶佛牌的人總會有好結果
相反，就好似叮噹大雄咁拎住法寶去闖禍
希望大家得到好處，係世間上所求願望，得到圓滿後，都可以有機會去接觸佛教呢個宗教，專心修正自己個心

你想要燕通原因因爲想挽回想鎖住另一半既心？
呢種功效已經算行陰啦
燕通有正，有陰，但正既出名up唔出，陰既不建議
不如你把你情況詳細講講，再大家研究一下

唔係想鎖心，同佢相處無話第三者之類對唔住對方既事，只係當中相處 做男仔有做錯既地方 唔尊重 唔包容等等，久而久之死左心 想要燕通係想俾多一次機會我去補償同埋重新發展姐..想係想求個機會

另外有野想請教，我家姐早一兩年有玩陰牌 好似係幫事業之類，但佢好似話唔見左塊牌，事後佢事業的確衰左，仲差人債，宜家仲要慢慢還。。咁算唔算已經係還左？

看得出你咁夜突然打咁詳盡詢問，一定好緊張呢段關係
咁我都捱眼訓覆埋你啦
首先，緣份是種因得果既過程
世人總諗住情是長久不變且永恆不變，最後因爲變化接受唔到而難過
每一個人都只可陪對方走一程。
明白呢個道理，過去改變唔到，努力現在修正自己對對方好先，將來結咩果結唔結得成就隨順因緣！
因為你諗諗一個人動個念頭好快，行動就好慢，咁你去影響人念頭，再睇到對方受你感化再俾翻feedback你味仲慢，慢慢來

燕通我不建議啦，其他求異性緣既佛牌對你都幫助不大。或者可以選擇一款四面神佛牌，引導你行正確既路（龍婆㓎蘭，一三五期都可以，1-3 千） 或者愛神，（龍婆inn早期），再一個阿贊益也既阿贊方自身牌1-2 期，可助人愛情順利，且有人緣至尊稱號）（3-4 千）
其實正法只會教人諸行無常，你想單純孤單無依想求有伴侶可以幫你。強行留住一個人就唔會啦！

你家姐情況應該要找師傅
最好建議係上香港有關南傳佛寺問問龍婆
比如太和寺

愈想過去只會愈想愈無力
共勉阿

聽完巴打你咁講其實個心都有啲打消左買燕通既念頭，畢竟其實我只係想要個機會，但都唔想係強制或者係唔願意，寧願實在自己做返啲野去換呢個機會。我都信有緣既話 一定會再相遇！ btw 其實想問即使個牌係正牌 但個師傅係用陰料之類？咁會點？會變左陰牌咁樣 後果嚴重？