［幼教］ 無犧牲精神千祈唔好做大機構同幼兒園

行project最後都係老師講
無辦法 制度問題
一班25個根本好難發揮
又唔可以成日帶佢地出街睇野
又無錢跟主題買啲野比佢地探索

食飯呢個真係
完全唔明點解喊都要塞落佢個口
點解唔可以第一次食一啖
下次兩啖循序漸進呢？
大人都有唔鐘意既野食啦

咁你呢啲fuckboy唔好係到獻世啦
教育從來都唔係淨係同學生玩咁簡單
唔講其他人
我入呢行從來都無諗住輕輕鬆鬆袋人工等收工
用幾多時間心力做教案教具佈置學習環境呢啲有苦自己知
但呢個post講緊係大機構某啲學校確實有好多唔合理嘅地方
即使教育係「無私奉獻 」 但都唔係用條命黎奉獻囉 工作唔合理嘅地方係唔應該欣然接受 影響個人作息同健康（包括精神同身體）

其實我都讀緊 唔好以為我咩都唔知
咁你覺得辛苦接受唔到咪轉工囉 呻冇用喎

咪又係為錢

自己承受到後果就承受 承受唔到就自己處理
你咁同個啲下下話quit嗰啲有咩分別

做過幼稚園同幼兒園

幼稚園我係分上下午班
lunch time真係食3,4個字
就要急住準備下午班既野接人翻學
雖然話一班25人有兩個老師
教學上多數上午班個個唔會點幫你下午班
某程度係一個對25個
好難照顧哂全部人進度
佢只會係影相/秩序呢啲位幫下你
請假方面要跟小朋友

幼兒園
一班25人多數有2~3個老師
可以一人睇10個分擔易教啲
小朋友訓教時間可以做下文件野
家長學歷多數低啲
而且sen學生會比幼稚園多
但係多數有個專教sen
雖然要輪更 但大家都唔會早收得去邊
星期日翻工多數有得補假
要係平日請al易啲
因為有多幾個老師一班

大機構人工高20k起薪係吸引
但身邊做既人都話壓力大
要你進修同時又無時間
小型幼稚園 講緊無分校既
多數都只係開~16k
不過文件野上無咁繁複
大家關係又融洽啲

幫過私人幼稚園既小朋友補習
一樣有兒檔 所以應該無得避

我覺得要迫個小朋友笑好on9
又要影到佢最整齊最完美一刻
一班25個 一個活動得40分鐘
又要教又要幫又要影得好

其實做幼兒園可以考慮做拓展老師
雖然多數翻11~8
但我見工作壓力都低啲
另外有足夠耐心照顧sen既話
可以考慮進修sen方面
一個對5個比1個對25個容易

雖然呢份工係辛苦
如果鐘意教育同小朋友
呢份工係教學時可以好有成功感同好滿足
但一面對文件家長進度等等就會覺得氣餒
人工的確係合理既
只係香港工時過長問題
令到翻份工就斷六親咁
幼兒教育制度都有問題
應該要推行真小班教學 1:11
主要遊戲換學 互外教學 探索教學
望住呢份工同自己意願相反
我最後係放棄左 做啲拎翻到生活既工

呢到完全係我心聲
雖說有兼收同事 但融合教育下經常要各班走
師生比例、幼教支援其實可以再做好啲

都幾肯定你未出黎返過工

我知道大部分人係真心有對幼教嘅熱誠，但無可奈可呢個香港將幼教商業化，老闆們為錢不惜一切，為左增加校風，做好多無關小朋友學習的事情，老師花費時間係呢啲地方上，仲邊有時間教好小朋友，做好教學 教具呢？

唔洗對牛彈琴啦
返工就一定要預咗辛苦 欣然接受？唔係個個奴性都咁重咖

你呢啲人
快啲quit啦

咁你呢啲fuckboy唔好係到獻世啦
教育從來都唔係淨係同學生玩咁簡單
唔講其他人
我入呢行從來都無諗住輕輕鬆鬆袋人工等收工
用幾多時間心力做教案教具佈置學習環境呢啲有苦自己知
但呢個post講緊係大機構某啲學校確實有好多唔合理嘅地方
即使教育係「無私奉獻 」 但都唔係用條命黎奉獻囉 工作唔合理嘅地方係唔應該欣然接受 影響個人作息同健康（包括精神同身體）

其實我都讀緊 唔好以為我咩都唔知
咁你覺得辛苦接受唔到咪轉工囉 呻冇用喎

自己承受到後果就承受 承受唔到就自己處理
你咁同個啲下下話quit嗰啲有咩分別

重申返一次 我上面已經表明過
因為鍾意小朋友 所以都會繼續留係呢行努力
我自問用個心同時間對班小朋友同做好家長溝通
只係呢2年係大機構嘅經驗覺得唔合理嘅地方太多
工時長係問題 人事係問題 機構文化都係問題
只係想大家入呢行考慮大機構係咪值得令自己斷六親 搞到七勞八傷？

Btw依家開多左special課程 應該遅啲會多咗啲可以應付到sen學生嘅老師

如果想讀幼教個pt degree
但黎緊會專攻政府工 唔會唔收？
本身有ce

會唔會睇邊份好啲
因為好似有啲唔關事

其實係想拎返個degree
幼教起碼專業d同唔會點乞食

紀律部隊啦應該

要留意Eduhk 3個pt degree course year 2都要實習 所以可能要考慮唔洗實習嘅pt degree 例如OU

OU遙距
Bu係咪都要實習？

但我覺得咁樣唔太好
雖然話紀律部隊應該咩degree都得

我都知 但萬一撈唔掂都有個Bed

但係個degree同你依家個科有冇關係先
點解唔搵返個科相關再讀

Project其實係難做
主題又要貼近生活經驗同被佢哋去探索
但探索過程又要考慮小朋友安全問題 資金 可行性等等
所以佢哋要透過所謂嘅project 去內化相關經驗其實唔容易


食飯我都有同感
大人都實有啲唔鍾意既嘢
家長 校長嗰啲又想班仔乜都食
但係屋企淨煮佢哋鍾意嗰啲
係學校梗係揀飲擇食啦 喊曬口啦
真係無辦法之下都要局住喂

BU 唔清楚要唔要拍上堂片做assignment
OU真係last choice

見到啲老師日日都打仗咁好慘
果種攰係由心發出黎 由開工到收工都冇停過
食飯都冇氣傾計 直情攰到冇胃口食
家長又多古怪 樣樣都要老師跟到私人秘書咁
老闆又鍾意搞活動想好好睇睇 但咪又係要老師做
有番pt degree果啲仲要做功課 工事要通宵做
真係唔好以為老師好得閒

眼見都知苦水吐不盡 要做嘅野數不完
有空檔都會問下有冇野要幫手 因為一定有
老師們辛苦哂

利申 文員

無錯 考試岀現就得
避d問下bu先 始終想讀傳統課程

咁咪一定要做助教/教師先讀得？
利申做緊幼稚園文職 想做老師