［幼教］ 無犧牲精神千祈唔好做大機構同幼兒園

初初抱有一份熱誠同對小朋友既愛心做呢份工
但呢份熱誠真係會被所謂既責任感磨滅
grad咗都2年 今個年度做大機構正教
抱住攞經驗學野嘅心態諗住捱埋呢年出路會好啲
但捱到一半 每一日都好想逃避返工
講緊啲文件一路chur一路chur 你會發覺永遠無完既一日
仲有家長溝通 備課 活動計劃 會議記錄 反思 教具 佈置 多舊魚嘅聯校活動...etc
話雖輪班 返早可以返早
但永遠返幾點都係7點幾先走
然後返屋企再繼續做
甚或特別日子 老奉你留到10點 11點 12點後都試過
呢行行規無OT錢 無地鐵返屋企就自費搭的士啦
最可笑係你如果早過7點走 上面嗰班會話 咁開心咁早走既 但其實過左收工時間好耐
呢年病到十隻手指都數唔曬 講緊一個月可以最誇張睇6 7次醫生 半年體重最勁急跌8kg
唯一值得安慰嘅係班小朋友慢慢咁進步同鐘意你
奉勸想入呢行 最好選擇都係細機構幼稚園
受唔住壓力同無私人時間真係唔好做呢行

Typo 返早放早

幾多錢人工又唔講

Around 20k

btw 要不斷進修 無限OT 睇醫生 around 2萬圍埋其實唔算多

睇醫生有得claim 一半錢

我已經claim曬quota

聽日開學 啲鼻涕黑痴口水準備又病過

係咪你能力問題

做私人就好D

係咪個個都20770 2018會唔會再跟通脹加

應該係啦

你講私營？
我聽啲嬸嬸（庶務員）講佢地做過私營大部份老師起碼可以準時收工同埋校長會趕人返屋企先

但可以有咩出路？ 轉行又好似好浪費張證書 做左3個月 想死

諗起都開心 又可以免疫多個病菌

會唔會係準時收工番屋企繼續做

聽聞仲有playgroup？
不過我無從入手
我嗰邊有幾個同事已經遞咗信辭職
我無呢份勇氣

咁起碼佢都俾你返屋企
你想留係學校睇腦細面口做到車都無得搭定舒服少少沖個涼再做

唔好誤人子弟，知自己做唔嚟唔該快啲 quit

文件野做唔完 唔代表我教學方式有問題或者我有hea做情況
我絕對拎個心同時間出黎對我啲學生

啲機構最鐘意恰你呢類人
熱誠唔可以當飯食，終有一日你會面對現實

利伸 社畜
我好撚明你講乜野

想講家長教育真係好重要
最大問題好多雙職家長交低個仔比兩老
大多數兩老都唔係好識教 一尾寵
班細嘅要乜有乜 好多時唔識尊重人 會打人 咬人 鬧人 得唔到就扭 就尖叫 之後再嚴重啲會傷害自己
然後返到黎學校學規矩 對佢地黎講好困難 進度比較慢 但大部分其實係做得到同肯做
有返學嗰排係好咗好多 起碼行為有改善
之後一病 一放假係屋企係點都唔洗講啦
返到學校咬人 打人 搶嘢 又重新學過規矩同控制情緒
然後某啲家長會覺得係學校問題
睇到呢啲學生會好心up