做緊社工/讀緊社工都可以入黎放低你既心事 （5）

都一直有追post 但無留個言
發覺到一樣野

好似副學位嘅朋友仔會覺得
副學位社工相對BSW/MSW 都更有熱誠
所以機構其實應該俾多啲機會佢哋

唔知係未我錯覺 之前ngo secret 某兩間院校學生
又係好鐘意咁去表達

點解講到好似讀BSW/MSW就係錯 欠左你地
好似得副學位出黎社工先有熱誠
其他人就一定無咁


得罪講句個思維方式 同黎汶洛自己英文lv1
但話人學歷歧視佢一樣

你真係社工？cut part time cut asso 逼人讀degree 精英化社福介？

岩岩睇哂大家既討論
有幾樣野想表達一下

學歷上流點解會係社會責任黎? 社會責任唔係應該汰弱留強，為社工界篩選一D 好既社工咩?
我當到時真係100%上倒去亦100%可以變做學士以上，呢個唔係學歷上流，呢個叫學歷貶值，因為供求問題之下，最低係degree 的話，所有SWA 就會由degree 做，而ASWO 就會由master / exp worker 做，同而家有咩分別?

Quantitative vs qualitative 既做法永遠都係拗餐死，係左膠當道既HK 下就會兩樣都要D咁去assess 一個社工，但我唔會埋沒成績對社工既重要性，因為成績某程度上反映果個人有幾competitive ，而in general 黎講，degree 得的且確好過asso,

至於有巴打話咩傑出社工都有asso 出身，等如差佬有好人 / 醫生都有衰人 etc, 傾呢D 大路情況你講specific 野其實冇意思，degree 同 master 夠有傑出社工，又唔見你quote?

唔好成日社工上身，呢個世界唔係下下都要俾機會一個人，公開試衰左就係衰左，而家唔係冇路俾你上，而係會艱巨D 同埋競爭多D (其實都係睇落係咁，果D 公開試成功既，何嘗唔係咁艱巨咁生存落黎? ) 唔好講到社會欠左呢班人咁，我認為你係有料既，你遲早都可以成功

最後，見有巴打鐘意講個別例子，我又講下個別例子，我識一個朋友，asso 出身，但本身個人成熟同埋勤力，最後讀埋master 做左督導主任 (以佢年紀黎講算係後生)。另外有一個人，死讀書，HKU degree 畢業，傻下傻下，最後一事無成，係D center 度做 PW。咁樣講，支持asso 係好人，係有心社工既，會唔會欣慰少少，有D 工作同讀書既動力呢?

好好奇係咪好多機構如果搵唔到適合既人寧願再繼續in都唔會搵返in過但又唔係最適合既人？

個時勁多人in我又好好彩有offer
見到佢又再請多輪

得罪講我都唔認為社工只係講心就得
努力讀書都係證明你想做社工既一個直接方法
吹水既社工係有大把，但亦有真材實料既社工見case能力同CP相若
如果書都讀唔好，再繼續進修的確有難度

當然，我都認為可以考慮下GPA唔高既ASSO學生可以因為工作經驗同表現良好而有升學機會
但唔代表要照顧哂包括GPA唔高既asso fg 既需要

同埋咩學位既社工都係會有有心既人同冇心既人

滿口熱誠，但成績唔好似乎真係有矛盾
而且亦太睇少社工既專業性同知識需求
SWA可能真係簡單d
但理論上ASWO要處理既個案真係難d
唔係一般學生，甚至唔係咩手法都唔識既BSW MSW fg可以簡單做到

唔否認asso社工都有好多有心人
但處理個案既能力，確實係有分別
我都知好多asso社工想繼續讀，並唔係完全為左有個學位，而係真心想學多d野，更能夠去幫到服務使用者
但都的確要有一定能力，社工唔係義工，唔係話你有心就得架

你真係社工？ 你D values 呢？

所以社工嘅value 只是工作需要？