做緊社工/讀緊社工都可以入黎放低你既心事 （5）

搵工難唔難
如果人grad後休息一年半載會唔會好難搵

做一個鐘文件野
其餘時間玩手機

有fd做緊 見到都心酸

請問下hkcc sw interview會問乜？
形式上會點？
中定英文？

見到依排都幾多學校社工既job post, 因為之前冇social work經驗(只有實習經驗), 如果冇經驗唔知多唔多機會有offer，有冇巴打絲打apply依類post試過有interview或者有offer? interview通常問d咩呢?

我見過幾次學校社工，中學同小學都有，冇話通常問啲咩，睇面試果位想考你咩野，試過見一位校長全程同我悠閒傾計咁，問生活問人生方向

但無論見邊個setting，離不開都係自我介紹（點解要揀呢份工、以往實習有咩得著、自己有咩優點/板斧同service target相處等等）、對呢個setting有幾多認識、俾啲情況你睇下你點介入

我試過見一個小學社工位，有幾十人面試，同一組嘅對手超過一半係有十幾年社工經驗嘅媽媽級，一俾case討論危機處理時就識得講啟動咩咩機制，又危機處理小組又CP又EP咁...果刻我冇相關工作經驗真係搭唔到嘴。
至於有冇offer，有時候真係講際遇。除左睇同場面試對手，亦都睇果位老細心目中想搵咩人做呢個位。我有同學仔fresh grad都搵到學校社工post，但實在答唔到你冇經驗係咪都容易有offer

搵工期間唔識得睇開啲嘅話，係會搵工搵到懷疑人生

如果只係悠閒傾計問生活人生方向都幾特別，通常in社工係咪都有second interview?
有成一半有十幾年社工經驗既對手都好大競爭bor.. 你果次係全程group interview?
請問如果問點解揀呢份工，可以從邊d方面答呢?
見到有d半職位唔知會唔會少d人競爭，因為如果未搵到全職既話都想揾半職儲下經驗，
但如果到時interview問到點解apply半職既話可以點答呢? 如果就咁話想做半職儲經驗好似冇咩誠意咁
你做過咩field呢? 請教搵工期間可以點樣睇開d..?

有冇人報過/報咗明愛 pt degree？想問下in完通常會幾時先有offer？
利申﹕11/4 in

英文自我介紹 之後出題目用中文討論

正常都會有second in，甚至 third in
Group in 又有， individual in 都有
點解要揀呢份工呢個問題，不如你問返自己你有咩帶到俾呢份工嘅target/ 呢份工俾到咩你...

當你試左十幾廿次面試而自覺面試表現唔差嘅話，又當你眼見其他同學相繼有offer，好自然會開始懷疑點解自己比唔上其他應徵者/同學仔
我果陣時唯有常常提醒自己，好多時對方心目中已經有個理想人選嘅model，未揀到自己唔代表自己唔夠好，只係對方心目中嘅model同我嘅個人特質唔夾～

曾經都好想做社工
嗰陣返pt做過pa
發覺呢一行好啱自己，日日都好享受返工同院友相處嘅時光，因為喺佢地身上見識到好多野
但係最後唔夠分讀社工，asso樹仁都唔收
所以最後讀左另一科

多謝分享，因為上個月開始send CV，但send左就黎有廿份CV但都未收到INTERVIEW機會，而家都開始有迷茫既感覺... 而自己係呢行冇咩經驗，都怕到時interview既時候會搭唔到嘴..
順帶一問，你地send CV多數會唔會貼埋相片係份CV度?

Send 左幾十份CV又冇回音都正常架
而且有啲職位，本身已經有晒人選，或者暗地裡有晒限制（例如：想淨係請男/女），出個招聘廣告只係為左滿足程序需要。
我果陣都係咁～搵工搵左半年，心儀setting方向狹窄所以都預左要長啲時間，幸好本身有份全職工作，一路返工一路搵工，啲日子先冇咁難挨

搵工係漫長過程～加油喔～

CV唔貼相啦，不是必須
其實連身份證號碼都可以唔寫落去

想問下CV同求職信你地寫英文多定中文多?

請問想轉行讀社工係唔係一定要由asso/hd讀起先駁得返degree?
本身有個水泡top-up，又差唔多到3字頭 又要做文職搵食, 但想轉返對人既工作
搵過資料好似剩係得明愛hd有pt讀
想請教依度既巴絲

你本身有topup degree資歷可以報msw 喎

有沒人聽日hku面試，有沒巴打可以講下hku點樣in,係唔係全英