[ADHD／注意力不足過動症] 食緊藥既你入黎傾傾

HI 各位
小弟睇左醫生，醫生認為我係ADD
食左幾日ritalin la 8小時藥效
話說醫生提議我先試食30mg
第一日食除左feel到心跳快左之外
唔覺得隻藥有幫到我
依然係心散到仆街
第二日我嘗試40mg
係感覺到有d呆呆地
但亦都依然係心散到仆街
我下月個覆診打算同醫生提議換藥
有冇過來人可以share下


以下小分番工遇到問題，對add有興趣既人可以睇睇：
-做野成日粗心犯錯日
-成日做緊a，做做下又會去做b，再做c，但abc都未完成
-開會果陣成日白日夢
-岩岩人地同我講完，有時會即刻唔記得
-坐唔定，每半個鐘要行一行去廁所，飲水。有時格硬坐一段好長時間會心個有d唔舒服，好似好抑壓
-有人行過／有人係旁邊傾計，好易分心
-好冇動力，你會多常逃避或是延後開始去做，凡要動腦筋的事情便拖到最後，有時趕不及死綫
-長時間坐係到會成日un腳

應該要睇，不過唔知啲藥得唔得

介意講下你體重幾多嗎？
因為開藥初初會輕點，但最後目標都要跟體重。
另外，有副作用嗎？

多謝你既回覆
小弟體重65kg
副作用方面第一日30mg既時候，只係感受到心跳加急，冇食欲不振之類既問題
第二日40mg，依然用餓但就食2啖會飽

ps：醫生有同我講一開始用藥輕手d等身體適應，所以我先自己加左10mg

我上網睇過有d過來人既分享，大多都係話明顯有分別。
我諗可能我係用藥初期／份量太少，所以冇效果。

有某D 病徵同抑鬱有d似

因為我份人都幾正面，冇諗過同抑鬱有關聯

我讀緊ADHD，教我個老師幫我做過測試話我疑似有。你講個啲野我都中哂，但因為搵到方法去解決，所以唔諗住睇醫生食藥

我細佬有ADHD
我有抑鬱

呢兩樣野會唔會有機會同時存在？

有機會同時存在，我係lihkg都睇到有位巴打係add加中度抑鬱

想請教下你個方法

仆街覆診問下醫生先 thanks

https://lihkg.com/thread/430842/page/1
fyi

我覺得係內心唔堅定、擔心過度所導致

樓主幾多歲？

睇完樓主D 症狀覺得自己都有
想問下有冇醫生好推介？

做野個到
我就每星期都會將呢星期要做既野寫係本簿到，每日有新野就寫落去（雖然好多時都唔記得寫）。另外我一收到要做既野就拎張細memo 寫低再痴係位到。

坐唔定個到我就買左個細水杯，咁飲完一杯差唔多就可以行下出去郁下。

大約係咁，唔知講得明唔明

利申：做緊要處理好多行政工作既位，呢啲方法係幫到我解決好多唔記得野既情況

我都懷疑自己有
講既野中晒
讀書時讀得好辛苦
又集中唔到又好易唔記得野
而家岩岩出黎做野
諗緊人生點樣過 咁無記性
仲有冇得救
利申24歲

仲有un腳個問題，我會拎兩個紙盒疊高放係枱下面，之後將隻腳放上去。咁樣我係少左un腳

中晒，尤其係重複性工作，有時有一樣改左少少就會唔覺意照平時咁做埋 關打丁事？

小弟25，做野接近2年，因為工作需要高度集中，所以發現問題。

你都有道理，可能係意志唔夠。

醫生我自己睇過一位，冇比較過，比唔到好中肯既意見你。

多謝你既意見，其實我同你既做法有d似，我用ms word記錄我每日要做咩同做左d咩。
我記錄得幾detail，因為我開始番既時候係會唔記得琴日自己做到去邊到。但有時出去開會見客成日都會有個情況係個客問我：你記唔記上次幾時幾時我地做左乜野乜野
呢個情況我多數會係黑人問題再扮自知道

至於水杯方面亦都好似，同埋我都行得幾密下，半個鐘就今一次身，變相好似成日唔係位同唔係做緊野咁。