有冇人另一半有潔癖/強迫症？

真係人夾人，不過諗返轉頭，身邊果個乾淨點都好過一齊污糟嘅

強迫成點? 但其實食藥可以點幫?

Btw另一半潔癖強迫之餘都有少少抑鬱(容易有負面情緒

我明不過無你咁嚴重
因為我覺得自己只係潔癖, 應該無強迫症

最多都係試過出門口太趕唔記得放好拖鞋, 落車返屋企放返好再出門口, 有諗過唔理但做唔到

最大問題其實係office嘅時候, 真係人到癲, 見到同事無手尾, 就好想放低手頭上嘅事, 將啲嘢放返好, 自己間房就就淨係俾清潔姐姐掃地拖地, 好驚佢用條毛巾抺我張枱, 一諗到條毛巾抺過其他地方就唔得, 有試過俾同事話我扮晒嘢 ,好彩而家home office, 少好多心理負擔

睇醫生嘅話, 佢係點樣評估你嘅病情？因為之前趕project嗰陣, 覺得自己啲情緒唔係太穩定, 驚驚地唔知關唔關事

以前唔知以為潔癖/強迫症係扮出嚟

到而家咁切身先知道咁嚴重

我另一半情況都差唔多，而家間屋好乾淨，已經無乜雜物同日日吸塵抹塵，佢都話屋企愈嚟愈污糟。

其實d精神科醫生有冇料到？同d藥食得多有冇依賴性?

最多都係試過出門口太趕唔記得放好拖鞋, 落車返屋企放返好再出門口, 有諗過唔理但做唔到

咁都唔算強迫

咁小事我一定唔理返嚟至算，除非你話無熄電器個d

好麻煩 乜都要跟佢規矩

要預咗係咁

除非你整齊同乾淨過佢先可以lead返佢轉頭, otherwise 你係佢眼中只係一埋細菌同雜物

我屋企就基本上早晚都掃地拖地, 所以我覺得好正常, 係中學嗰陣先知唔係人人屋企都係咁

講真唔係個個都可以做到你咁樣, 咁理解有潔癖+強迫症嘅伴侶, 好難得
食藥嗰part要等另一個巴打解答你

講講下又好似係, 不過醒起之後真係要整返好, 唔係會心掛掛