[鍵國]粵語要入文，口字邊嘅新造字係咪應該要被取代？

口字邊嘅字根本就冇問題，如果唔係當初用口字邊造新字粵語都唔會寫得出黎，你知唔知好多漢語嘅方言都係寫唔出黎的，因為根本冇嗰隻字
同埋你要盲目咁用古字係唔可行的，因為讀音都唔同，咁就會變左唔係我手寫我口
好似「 犬」->「狗」，「豖」->「豬」咁
你會唔會話狗同豬係口語，要用番本字犬同豖先
根本上現代漢語大部份嘅字都係形聲字，即係同粵語嘅口字邊字一樣，都係因為各種原因發音唔同左，所以造個新嘅字出黎
所以與其搞咁多野，不如你改一改你個諗法，唔好張口字邊嘅字當做口語，口字邊字係正字唔係低人一等的，咁會唔會簡單D

　假若真的要用粵語入文，首先政府一定要先釐定乜嘢係正式場合，就我愚見，正式場合例如學校、各類機構、政府部門等，其實就好似香港現時處境咁，香港人識得分到底喺乜嘢嘅場合寫乜嘢嘅字。粵語入文並唔係唔好，於現時社會的風氣其實係有倒退跡象，反而睇番70-80年代嘅電影，佢哋嘅電影字幕就正正係用粵語文，即是大部份嘅口邊字，哩一類嘅助語詞有助了解講哩嘅人嘅語氣。例如，「其實我對你都唔係咁衰嘅」，如果用書面語嘅寫法就會變成「其實我對你也不是這麼差」，兩句句字，相同意思，但係可以令到別人對哩句句子有唔同嘅睇法，以粵語為母語嘅人就更加明白。所以，對於粵語講嘢嘅方式，我認為香港人係有必要知道點樣寫，既可以對句子有更深的揣摩，更可以避免咗同正字嘅混淆，亦到了解到口字旁嘅字其實都係助語字嘅一種。所以，粵語入文並無不妥，但應從學校著手，教育學生文字的運用。

口字邊嘅字作為助語詞當然可以保留，我想針對嘅唔係作為助語詞嘅情況，而係同口或者語氣無關，但因為係口語而用口字邊嘅字。

用返你個例子：「其實我對你都唔係咁衰嘅」
如果你呢句本身係對話或者講嘢，咁用口字邊係無問題。我正文都有講唔係要一刀切唔要口字邊，所以要睇語境。
但如果呢句唔係口語語境，
「嘅」字作為尾助語詞，咁用當然無問題。
「咁」字作為程度副詞，同口或者語氣無關，就有必要去搵更佳嘅字去取代。
「唔」字呢到係副詞，表示否定，同口或者語氣無關，同樣有必要去搵更佳嘅字去取代。但「唔」字本身有作為助語詞嘅用法，呢種情況就可以保留，例如「唔，我知道啦！」
　　

但是否可用口字邊嘅新造字取代書面語呢？書面語有很多種，香港的書面語，台灣的書面及中國的書面語正正就有分別，大家耳熟能詳嘅「質素」與「素質」、「顯卡」與「顯示咭」等，雖然兩岸三地寫的皆是中文，但中文的書面語隨著時間的發展有所差別。當然要取決使用哪地嘅中文，就要取決定地方的經濟力量(此處不多談，否則講到佛誕也未完)。顯然，現在香港嘅書面語正正係受到中國越來越多的影響。所以香港人要做嘅，並唔係摒棄書面語，而係要保留屬於香港自身嘅書面語，以及加強推廣教育粵語文化，避免好似廣州咁強行以普通話作為官方語言。

語言文字嘅正統地位係被政治經濟環境左右，呢個係理所當然嘅事。粵文粵語處境弱勢，呢個客觀現實我都知道。但本身粵文粵語大家用字習慣本身係咪有改善嘅地方，如果有應該點改，呢樣嘢係我想拎出嚟討論嘅。

最後想總結，喺文字上，錯誤的同音字應該要糾正，例如「咗」變「左」，「唔」變「吾」咁，一字多義並唔適用於哩啲情況身上，對人多加教育或糾正，才是正確做法。

如有興趣，請留TG再詳談。
訓醒就要我作文，有冇搞錯。

批判5p字有必要我明白，但我唔希望只係單純嘅批鬥，了解「咗」字「唔」字本身來源同用法都好重要。

tg就免了，暫時係到都可以暢所欲言。
要你作文唔好意思，想有多啲人去討論

口字邊嘅字同樣係新造或者借用出嚟表音，我覺得呢個形式唔好應該要有改變，當然點改大家可以討論。
新造定復古漢字抑或拼音，邊樣可以更好咁保留傳承粵文化而又方便溝通，就應該廣泛推行。

咁流行作家或者傳媒影響力就好大，如果多數人習慣睇殘體，咁粵文就會沒落。
要俾大家要知啲字點解咁用，唔想一知半解，教育推廣好重要。

「狗」「豬」係形聲字，你從部首可以某程度了解到字義。
口字邊嘅字，除咗表示佢係口語，仲比到咩訊息我去理解字義？唔係我主觀咁諗覺得佢係口語，係佢造字原意本身係咁。

推

我會咁諗
粵語入文正正係我手寫我口，咁簡單啲諗將口語常用副詞、語氣詞，以口字部為部首，其實都合理
即使變為書面語，呢啲詞嘅造字方法都係因為口語而加上口字，語境亦唔覺有咩問題
利申：愚見，無睇晒留言

同埋覺得文字會演化，唔需要去強求本字或者個個字都做到望文生義

中西文化交融產生咗外來詞，當中音譯詞都做唔到望文生義，好似的士、悉尼、巴士

同樣「唔」、「啱」、「咁」等等可能有本字，只係人一嚟用慣咗、二嚟當我地以前無呢個字，而因為人開始打口語而借口字邊嘅詞嚟舊字新用，變成口語詞之後，當我地想以粵文做正式文字，點解就要棄置佢地？廣泛、常用、易記先係文字應有嘅特質

另外，粵語入文究竟係咪真係幫到我地去理解語言，定純粹為改而改？「唔係」同「非」
好似，「唔係你咁諗」同「非你所想」，你會用前者？即使後者係支那魯遜一輩傳嚟，亦有佢嘅好處
古人詩詞歌賦，以文言文書寫，簡潔精巧，亦配上押韻，其實咁樣先係有質素，文字最有能力嘅表達方式。一直以嚟選擇以簡為主嘅中文，若果真係粵語入文，相信難登大雅之堂

Onlun79

巴打你太睇小雅各賓派巴打

候選字嘅次序因應使用情況調整咪得囉...