[鍵國]粵語要入文，口字邊嘅新造字係咪應該要被取代？

[痴撚線]而家連登仔係唔係低質到咁
https://lihkg.com/thread/530336/page/1?ref=ios
- 分享自 LIHKG 討論區

事緣早幾日喺熱門見到呢個post，入面樓主指出書面語同口語有別，港人喺正式場合/文章係會選擇用官方嘅「標準漢語」而唔會選擇用粵文書寫。

粵語僅適用於口語，係「上唔到大檯」嘅次等語言，呢個明顯係目前客觀現實。所以我認為粵語要入文，就唔應該令人覺得佢只係口語，部分口語先適用嘅字眼，就應該要有書面語嘅寫法，而首當其衝應該係口字邊嘅新造字。

口字邊嘅新造字，例如「唔」、「嚟」、「啱」，好多都係借音字，既唔係同口腔有關，又唔係表達語氣，口字邊只係用嚟表示佢係口語，無辦法望文生義。「口字邊+借音」根本係個好求其嘅造字方法，呢啲字喺正式文獻見到就會好突兀。故此，當個字係有本字/古字時應該就儘量用返，例如「唔」本字係「毋」、「嚟」本字係「來」；唔清楚本字/古字就應該跟返六書原則同字嘅本義字源去造字，慢慢普及去取代口字邊嘅新造字。

我本意並唔係想一刀切棄用口字邊嘅字，粵語入文都唔係要盲目嘅「我手寫我口」。華夏文明言文分家係好正常嘅事，唐宋詩辭歌賦同當代人日常講嘢用字就好唔同。日常交流、討論區社交媒體傾計，用口字邊嘅字係好合理，因為係口語語境。但喺正式文章/論文、新聞媒體、就應該有共識去用本字，因為係更高雅嘅寫法，要先改變我哋嘅書寫習慣，再慢慢去影響返我哋日常生活嘅用字。

另外，用本字去取代口字邊嘅字嘅目的係有深一層嘅教育意義。好多人(包括我自己)都係停留喺知道「咗」係「左」嘅正字呢個階段，而唔知點解「咗」係咁用。習慣咗口字邊嘅字令好多字我哋都係只知其音而不知其義。好多時字嘅本字係可以直接從字型去理解其意義，或者可以從古藉上去了解字嘅用法。口字邊嘅新造字只係做到溝通用途，根本幫唔到我哋加深了解自己嘅文化同語言。

我知道而家好多字都係約定俗成，要改變人用字習慣係好難嘅事。而且好多字嘅本字係有爭議，或者根本搵唔到本字。粵語要入文係重有好長嘅路要走，要去爭論字嘅慣常用法可能重言之尚早。我打呢篇文只係突然中二病想批判下連登嘅正字風氣，同想了解下大家覺得粵語要入文仲有咩需要改善。


利申：非中文系，只係有感而發，唔認同唔好屌得咁犀利。

PS.為咗方便溝通，喺到都係用返口字邊嘅字。

有冇諗過仲用緊速成嘅人要禁幾多次空白鍵

語言文字去遷就返打字習慣根本係本末倒置...

共產黨：有冇諗過繁體字有幾多筆劃

訓醒再覆你

好

唔係好明你講咩喎
即係應該廢除晒所有加個口字邊嘅粵語字
然後再按字形音義創造其他新字？？？

例如𡃁仔個「𡃁」字，係後生咁解。
字義既同口無關又唔係助語詞，口字邊只係用嚟表示係口語。
呢啲情況就應該要搵更正統嘅字取代，可以係尋根，可以係新造。

粵文本無權威機構（中大? 何生唔好出嚟）首要任務係増加流通先

正如俾丶畀⋯ 推廣咗一排就多人用畀字

粵文本身唔流通咩？你whatsapp、上fb、上連登都係用粵文溝通，係正式文書少人用、出書少人用。
摒開政治現實限制，粵文本身都應該去改善等更多人願意喺正式場合用。

一早就話拉丁化，如果夾硬要用漢字既話只會越做越偏，越做越難寫，只可以做替代方案

你唔撚身先士卒示範下？

願聞其詳 有冇咩漢字拉丁化先例係成功？

陳獨秀拼音方案：https://zh-yue.wikipedia.org/wiki/Penkyamp%E6%96%B9%E6%A1%88

以下係拼音字帶聲調嘅字元，由左到右順序係 1、2、3、4、5、6（陰平／陰入、陰上、陰去／中入、陽平、陽上、陽去／陽入）排：

Ä Ã Â A Á À ， Ë Ẽ Ê E É È ， Ï Ĩ Î I Í Ì ， Ö Õ Ô O Ó Ò ， Ü Ũ Û U Ú Ù ；

ä ã â a á à ， ë ẽ ê e é è ， ï ĩ î i í ì ， ö õ ô o ó ò ， ü ũ û u ú ù 。

如果你睇唔到呢啲符號，注意一般歐州字元無咗：E 嘅大細寫顎化字元 Ẽ ẽ；I 嘅 Ĩ 同 ĩ；U 嘅 Ũ 同 ũ。不過，E、I、U 嘅顎化字元可以喺越南文嘅 Ẽ、ẽ；Ĩ、ĩ；Ũ、ũ 度搵到，用一般有支援泛歐洲語言同越南文字體都可以顯示粵語拼音字。

粵語拼音字表：https://zh-yue.wikipedia.org/wiki/Userenkyamp/honji

粵拼一直都有，你係想新字/有音無字用拼音去寫，定想用拼音字全面取代漢字？
上面有人提喃字，越南拉丁化去中國化結果就係漢喃沒落。
粵文點解要用呢套方法？粵漢字唔應該保留？

粵漢字可以做過渡方案，因爲好多人要重新學寫拼音需要一d時間，係呢段過渡期可以先將本身我地就寫開既野，變成“我手寫我心”既粵語白話文，同時推出粵語拼音既輸入法，用輸入法打漢字，d人開始習慣打拉丁粵拼既時候，就會自然淘汰埋漢字

所謂自然淘汰喺普及層面嚟講只係易寫淘汰難寫，如果粵漢字有嘢值得保留，就唔應該硬推拼音取代粵漢字，咁只會劣幣驅逐良幣，同共產黨硬推殘體字無分別

訓醒未

　　每一個地方都應該要有不同嘅文化，就如喺一啲非正式嘅場合裡面，我哋可以用粵語撰文寫字，但係一啲正式嘅場合裡面，我認為香港人係應該用番書面語，但書面語又分好多種，首先講下喺非正式場合下嘅情況。
　　
　　假若真的要用粵語入文，首先政府一定要先釐定乜嘢係正式場合，就我愚見，正式場合例如學校、各類機構、政府部門等，其實就好似香港現時處境咁，香港人識得分到底喺乜嘢嘅場合寫乜嘢嘅字。粵語入文並唔係唔好，於現時社會的風氣其實係有倒退跡象，反而睇番70-80年代嘅電影，佢哋嘅電影字幕就正正係用粵語文，即是大部份嘅口邊字，哩一類嘅助語詞有助了解講哩嘅人嘅語氣。例如，「其實我對你都唔係咁衰嘅」，如果用書面語嘅寫法就會變成「其實我對你也不是這麼差」，兩句句字，相同意思，但係可以令到別人對哩句句子有唔同嘅睇法，以粵語為母語嘅人就更加明白。所以，對於粵語講嘢嘅方式，我認為香港人係有必要知道點樣寫，既可以對句子有更深的揣摩，更可以避免咗同正字嘅混淆，亦到了解到口字旁嘅字其實都係助語字嘅一種。所以，粵語入文並無不妥，但應從學校著手，教育學生文字的運用。

　　但是否可用口字邊嘅新造字取代書面語呢？書面語有很多種，香港的書面語，台灣的書面及中國的書面語正正就有分別，大家耳熟能詳嘅「質素」與「素質」、「顯卡」與「顯示咭」等，雖然兩岸三地寫的皆是中文，但中文的書面語隨著時間的發展有所差別。當然要取決使用哪地嘅中文，就要取決定地方的經濟力量(此處不多談，否則講到佛誕也未完)。顯然，現在香港嘅書面語正正係受到中國越來越多的影響。所以香港人要做嘅，並唔係摒棄書面語，而係要保留屬於香港自身嘅書面語，以及加強推廣教育粵語文化，避免好似廣州咁強行以普通話作為官方語言。

　　最後想總結，喺文字上，錯誤的同音字應該要糾正，例如「咗」變「左」，「唔」變「吾」咁，一字多義並唔適用於哩啲情況身上，對人多加教育或糾正，才是正確做法。

如有興趣，請留TG再詳談。
訓醒就要我作文，有冇搞錯。

漢字既特色就係象型表意，但因為粵語無呢個字而夾硬做出來/係古文抽出來既，多數都係用來做表音，同殘體字夾硬做個表音字出來係無分別，個作用只相當於一個書寫困難既拼音符號

拼音字母可以保留語言既讀音，用漢字難免會比所謂正統漢語壟斷一個正音，將方言變成錯音