【有甜】繼續住hall先知，原來扑野真係好容易（2)

「笑咩呀你，唔準笑我呀。」佢打咗我一下。

「係啦係啦，叻女啦。快啲食埋枝煙上返去好無？好凍呀呢到。」一月份既天氣正值嚴冬，特別係深夜時分，比起日間更加寒風刺骨。

「你想唔想聽我講故仔呀？」佢突然間咁講。

「講咩故仔呀，上返去先講啦好無。」

「你比一枝煙既時間我呀，我好快講完架咋。」佢又拎多枝煙出黎點，我攔都攔唔住。

「好啦，咁你講啦。」

「你有無試過好想做一件事，但係你屋企人唔支持你？」佢神色凝重地問我。

「又無喎，我好似由細到大都無咩特別好想做，又無咩佢地特別唔比我做。」我好認真咁諗，但係又真係諗唔到有咩值得我去做、又或者我好想做。

「我阿爸阿媽只係想我好好地讀書，根本無諗過我鍾意啲咩。」佢好不忿咁吸咗一口煙，隨即又呼返出嚟，此刻佢好似比我更加清醒。

「咁如果你真係有件事好想做，你會唔會唔理你屋企人嘅意見，繼續堅持自己？」

「會。」佢毫不猶豫咁答。

「咁咪得囉。你願意繼續，無人阻止到你架，即使係你屋企人都好。」

我講完呢句之後，佢好似呆咗咁，成個人放空咗。

「黎啦，講完故仔返上去喇好無呀？」我試圖問佢。

「好呀，你扶我呀，我無力喇。」佢嘅雙目依舊係無焦點地凝望住前方，四肢彷彿想向下墜咁，我要用身體嘅力拓住佢成個人。

之後我送咗佢返房，而佢roommate一早訓咗覺，我好小心翼翼咁放低咗佢係床，幫佢除咗佢對鞋我就返自己房。

呢個女仔雖然稱唔上叫靚，不過有種好吸引我既氣質。

我：13:21 你有無事呀？

第二日一瞓醒，我就whatsapp佢。

Vivian：13:40 有啲頭痛，我諗琴晚飲太多啦。

Vivian：13:40 多謝你琴晚送我返房呀。我有無做啲咩失禮既野？

我：13:41 無呀，不過你講咗個故仔比我聽囉。

Vivian：13:42 吓？我講咗啲咩呀？

我：13:43 你話我知有關你夢想嘅事。

Vivian好驚訝自己同咗我講。

我：13:48 不過你無話我聽你好想做嘅野到底係咩。

當時Vivian答咗句：你陪我食粥就話比你聽。

於是，我同佢就約咗食第一餐飯。

呢次亦係我地第一次係食煙以外既地方見面。

睇下今晚凌晨出唔出到，出唔到就聽日繼續
今晚出唔到晏啲會講聲

從來都冇女問我借火機

可能你太靚仔，唔敢問
同埋係男主角主動借喎

今集好似叫借火夾過叫一支煙的時間

頭開得好靚 好吸引

有夢想嘅女仔

算啦，由佢，啲名唔重要

呢個開頭好似見過咁既

無理由吖，我無出過喎
除非文有相似喇

可能係講緊阿正得一枝煙時間

lm

差啲以為係鬼故

唉，又似鬼故
唔係咁架

btw 今晚應該要凌晨2-3點個啲鐘數先出到文，抱歉

咁快就追到live

等你啊樓主

呢篇真係非常正 非常警世之如 個結尾亦好入心入肺 好中意呢個故
我亦諗起個我曾經辜負過既女仔 可能就係因為咁 我更加身同感受

feel到新故應該會同呢首歌好夾
https://www.youtube.com/embed/8FOHbL4km6U?rel=0;showinfo=0;iv_load_policy=3

次次都夜媽媽先見到條女 同層都未見過

未㩒條link都估到係呢首