第三回唔試就永遠唔會做－中國外運(00598)

今次個篇幅有啲短

我覺得呢D強周期的航運股，如果你用過去的業績去推斷未來其實係冇乜用 (雖然所有股票都係)。強周期的股票一定係受制於景氣循環，所以一個重要既問題係，樓主你覺得究竟而家個行業係處於咩階段，仲係上升緊，定係到左頂峰?

同埋我想問下樓主點解分析呢隻股票?係因為覺得呢隻Underpriced?

一齊交流下

係， ，考慮緊恆指落返25000左右入幾手598

我嘅睇法係（非高見）中國有機會擴大到大部分接觸到全球化的產業的全球市場佔有率，航運產業個別而言好似全球都開始摺摺地，但中國向來國家主導，加堆1帶1路，中國嘅航運股會受惠。

睇呢隻其實無話睇唔睇好，不過航運咁多隻入面比較好呢隻
between無搞錯好像大概每年8月左右都會趨強勢。

其實可唔可以咁講?係一帶一路之下，航運物流個餅會越黎越大，雖然競爭激烈，但係中外運因為收購左招商港口所帶來既協動效應，佢可以食到塊餅最大，或者比較大果塊?

你閱讀理解好勁
基本上係咁諗
不過現價確係高
我等緊大概$3.7-3.8左右入場 長揸

不過我都對於"長揸"有D保留。你長揸係指揸幾耐?
佢呢D股票同經濟相關性太大，好似你打開15年月線圖既話，就會發現到，所以要對個盈利同估值既轉捩點要捕足得好好。

另外，佢2016年既收入同盈利都過上一輪經濟頂峰 (2007年)，但係股價反而落後，樓主你係覺得市場過分悲觀定係其實係正確?

長揸對我而三年以上
我嘅目標係等待股票被祝福

多謝

如果想玩航運股既
黎緊呢年可以先望多D乾散貨航運 (e.g. 368, 2343)
如果睇好一帶一路既
可以搵返d真係有參與海外收購既公司(e.g. 1919, 1199, 144)

純航運公司先係最先會食正航運復甦果個浪,
之後先到航運鏈裡面其他公司 (e.g. 港口,物流,裝備製造等)
最後先會係大型綜合公司(e.g. 598, 2039)

介紹多少少航運版塊, 香港航運版塊選擇不太全面, 但係亦都可以有唔少選擇

貨櫃航運: 1919中遠海控, 0316東方海外
但係東方海外都俾前者收購，股價唔會再有咩炒作，1919反而黎緊仲有可能收購其他較小既航運公司，而且揸住40%中遠港口同15%上港集團股份，一帶一路收購海外港口的成果應該會逐漸見到。而黎緊兩年貨櫃航運復甦會比較明顯，18年可能無咁快見到，但係19年可能會有一輪好誇張既復甦，參考07,09年走勢

能源航運: 1138中遠海能
能源航運黎緊幾年都供過於求，不考慮

乾散貨航運: 0368中外運航運, 2343太平洋航運
BDI已經係16年見曬底，基本上低無可低，18年市場供應增長係廿年最低，反彈可能會好明顯，但係兩隻股票既規模都比較細，業績可能無咁亮麗。

港口股: 0144招商局港口, 1199中遠港口
航運復甦港口股一定受惠，幅度未必有上面果堆咁大，但係亦比較安全。144係藍籌，比較受大市影響。兩間公司近年都有好多海外既收購發展，絕對係配合一帶一路既政策，港口始終係戰略意義比較大既野，而且要收購到其他國家既港口，代價亦都好高，業績可唔可以配合到，就要睇下大環境點樣。

航運設備／代理／供應鏈: 0598中國外運, 2866中遠海發, 0716勝獅貨櫃
呢堆公司涉獵既野就比較散。598不多說，樓主已經講得幾好。2866重組後定位唔清楚，業績亦交唔到貨，不推薦。716母公司有被收購的可能，但係自身規模較少，無乜吸引到大資金去炒作。

144 598都有貨。
598 3.6~3.7入
144好頹呢排