曾經有一段真摯既愛情擺係我眼前

仲拍緊拖呀 只係過左熱戀期之後真係有D難捱
我以前未試過拍拖過一年

有諗過放低佢

有嘗試過俾機會自己搵第二個

但發現自己對其他人完全無興趣 同埋拍拖太浪費精力

如果同佢分手要休息吓先

樓主同EX一撚樣......

係咪好多男人都要犯一次咁既錯先會長大

睇到個post好似自己打嘅咁
啲人耐咗就好多嘢覺得理所當然，好多嘢都老馮咁
未錯多幾次囉，錯過多幾次就知架啦

錯一次已足夠醒了，恨錯難返

無錯

我老公都係咁
佢好自我中心
特別係結左婚好老馮
打機打牌好多活動
成日話忙話攰唔會關心下我
我地分隔兩地
每日只有幾個msg電話都無個
結婚後生日呀大時大節呀都唔會準備禮物
我唔係要佢破咩費
就算幾枝花我都會好開心
依家進化到連拖手都要求佢咁
我覺得自己好卑微好孤獨
如果唔係有小朋友
我一定同佢分手

如果俾你再揀 係咪應該一早分手

人到去絕望真係咩都會諗

如果失去既真係連登仔口中既臭雞，一啲都唔會痛。
最痛明知佢係好女仔，係你自己迫走人。
臭果個係自己啊

講得一啲都無錯 理解唔到點解自己拍拖時可以咁差

再真摰既愛情 冇珍惜就係冇珍惜
過去就唔好再回頭
念舊真係好咩 或者下個更可愛

如果個好女仔一直係到等緊你既話
巴打其實仲敢唔敢去主動追番個好女仔

敢，奮不顧身
但 我仲未有咁既機會

欣賞巴打你識諗


如果好女仔三個字會令對方識得回頭就好

sad左好多日
諗得好清楚個問題係邊
希望將來我能夠為佢掀開頭巾

或者你不會原諒我
但我會一直想起你

其實個女仔可能仲係到等緊你巴打
諗清楚就唔好放手

咩為你好就放你走係好消極既諗法 雖然我做左
但係有得揀既話唔好唔好再放手

我無放手，只係佢無辦法再接受我，回不到以前了

早分早著 拍拖好危險

呢句說話係講我太仆街嗎？
定還是係勸我唔好拍拖
我仆街我認，我都原諒唔到自己，如今我亦都唔會自私地死纏爛打留住佢，只能夠做番好自己，記住呢種錐心既感覺提醒自己唔好再犯，其他既事隨遇而安。

bro, 我拍左4年， 同你case 相反， 付出好多， 最後換黎只係愈黎愈空虛既內心， e家先知每個人都自私，愛情理想就雙方奉獻，但幾可兩個人都為對方著想， 最後往往係投入個個受傷害。

巴打，4年黎苦了你啦
我知道外人同你講我明白只會更痛苦
雖然世上有好多自私既人，包括以前既我
但我仍然會抱住一絲期望會有Mrs.Right

呢幾日諗通好多事 喊既喊過 唱既唱過 醉既都醉過
亦都由分開個日開始寫日記
如今睇番，一切都係自己放唔開
如果對方仲有謹存既愛，事情未至於到無法挽救
我相信一個人係下定決心先會失去愛
錯既已經錯左，幾努力補償都唔會番到轉頭，我認了吧