曾經有一段真摯既愛情擺係我眼前

有嫁 我身邊既人都好關心我
係我心軟唔肯完

如果我ex係你咁會將我啲問題解釋俾我知 唔係用埋怨發脾氣方式表達 我會知錯好好咁對翻佢 不過我知責任喺我度我無資格怨

但我好真心想問
其實你係咪當初唔夠愛 先捨得咁對你ex
我一直唔明 如果夠愛 點解會捨得咁對另一半

整得好靚

只能夠講忘記左初衷
好多男人追到手就開始變懶
又或者佢覺得你講分手唔會真係分手
就係知你心軟所以仲未去重視呢個問題

要忍手唔搵一個愛既人好辛苦呀

我覺得男仔認定咗另一半就會自然懶咗落嚟 唔關愛唔愛事

其實我哋每星期都會見2-3次 返工時無覆得咁快但都會覆 平時收工搭車到翻屋企果段路程我都會打俾佢同佢傾電話 以為自己已經做得好夠 自己本身唔係特別鍾意講電話嘅人 拍咗一段時間傾電話好似無咩嘢講咁 自己覺得返到屋企打機係好理所當然嘅事

我以為打住機都照覆msg照接傾電話 無唔理佢已經係俾時間付出緊 佢發脾氣嘅時候自己會覺得我乜都就曬你聽曬你話 平時返工已經辛苦 點解連機都唔俾打咁 諗埋一邊覺得佢唔尊重我最大嘅興趣咁 會覺得已經犧牲咗無任何私人時間 無論做咩去邊都會keep住有傾咁 只係覆得慢啲姐

依家諗翻 其實寧願乜都唔做 專心去陪完佢傾完關心完 先專心打一兩個鐘機完咗先再搵翻佢 佢就唔會咁覺得我唔愛佢 因為我打機要keep住覆都打得唔爽 自己會諗咁樣就係我為佢嘅犧性但佢完全唔諒解仲要話翻我轉頭 而佢又覺得我打機重要過佢 搞到大家都唔開心

當然係自己衰 分手時先識得反省對方真正希望我果種主動 但我都係覺得如果分手果段說話可以喺死心前講就好 講清楚心入面諗法我先知道個問題所在同知道應該要點做

我比你更加仆街

想聽你講吓

你都話會邊打邊覆
當時我係放部機係台面差電就算
得閒飲杯水/去廁所先至望一望
佢好好...佢會叫我打完搵佢
我而家唔想再打啦

我個打俾我時知我打緊機會話咁wtsapp啦 我就真係wtsapp唔覺有問題 寧願佢叫我打完搵佢 咁我起碼識打完停咗搵翻佢 通常我一打就打到瞓覺wtsapp gd night佢 所以到佢發脾氣時 佢話頂唔順我成日話愛佢 但又乜都無做過 我果時都唔知自己錯喺邊覺得好無辜唔服氣會駁翻佢轉頭

好多謝大家咁真心分享
可惜男方唔似你地
而我又唔係一個死到心既女仔
我宜家覺得我仲想同呢個人行落去
但我見唔到條路
兩個人相處得唔開心
係咪應該放手
但仲好愛佢

我一直埋怨佢對我唔好
但其實我自己都一直俾緊壓力佢
我好後悔

但呢種一邊唔關心 一邊發癲（我）既相處模式真係行唔到落去

我可以點 好迷茫

同埋男方唔係一個可以靠迫佢改改變到既人
我宜家好肯定男方唔會改變

我又唔想繼續為佢改變遷就

所以我真係唔知點行落去

宜家我地冷靜期緊 過幾日見面應該正式分手

我理性知道分開對大家都好 但感性始終做唔到

但好似分開佢會更開心 係咩應該分開

愛一個人係咪應該放手

求屌醒

我都係同一個故事 不過我係女方

男朋友一開始拍拖個陣好錫我 令我由普通鍾意變到好愛佢

但一個月之後開始打機 同埋對我hea曬
懶得就懶 連出街拍拖都懶
每日夜晚掛住打機 平時WhatsApp成日已讀不回
永遠都係我關心佢每日過成點 擔心佢著夠唔夠衫
佢甚少關心我生活 我工作 我朋友
甚至無興趣認識我朋友圈子
對我態度成日都唔好 約出去成日遲到半個鐘
於是近排我變到成日發脾氣 發好多脾氣
我自己都知道唔好 但我真係忍唔到
覺得佢無尊重我 無重視我感受

講左幾次分手 但最尾都唔捨得一齊返

求屌醒 唔好意思好長同1999

我係你依個故事既男方 頭果一年整左好多handmade既禮物仔比佢 成日出街玩 到左之後個人越黎越懶 一個禮拜淨係見一次 重要節日都係買禮物送比佢 冇再整過禮物比佢 好多次佢發完我脾氣話分手 自己都冇點諗過點樣cool煲 因為知道佢會返黎我身邊 對佢越黎越懶 對佢既事越黎越唔上心 成日係度諗依個世界應該冇人會忍得到我咁樣 但自己行為上偏偏有反差

求屌醒

從前 現在 過去了再不來

咁你地結局點

我呢個故事得幾個月 已經好少出去玩


我試吓細細力屌醒你

其實你女朋友每日都會經歷希望同失望 希望你對佢上心少少 但結果都係失望收場
你有無發現你女朋友以前成日笑 對生活充滿熱情
宜家對好多嘢都失去熱情
雖然好似次次佢都返黎你身邊 但總會有一次例外
你係咪想等到個次例外然後永別
你地永別 對佢黎講可能好事
一定係你慘 因為你失去一個好關心好愛護你既人

我明啊，失去個吓先知
有個時恃寵生驕，冇個時先知原來冇咗個屋企人

到分手時你就會痛醒 希望你唔會好似我哋咁

樓主同EX一撚樣......

係咪好多男人都要犯一次咁既錯先會長大

長大又如何

有個好既伴侶係好難得既事
成日都好老定佢唔會離開我
係返埋一齊果排會CLOSE D 但之後又會一切如舊
你屌得岩,,,可能真係要試下迫自己諗住有機會會有例外一次 令自己著緊D


BTW絲打講分手果時有冇諗過真係放低佢 搵過第二個?