【靈界】召喚被陰陽眼困擾嘅巴絲

就好似細妹咁，有細妹嘅多數唔想有細妹篤眼篤鼻，而冇嘅就好想有。。見到鬼嘅唔想見到，見唔到嘅又爭住想開眼

如果你見到嘢又覺得好困擾，可以留言講下你個情況，睇下幫唔幫到你。
（利申：學咗法幾年）


主要見到鬼嘅不外乎以下幾種情況：

1. 每人天生有一個陰陽指數，偏陰嘅係會容易見到。啲個指數正常情況下係唔會變嘅，亦唔關性別事，唔係女人就陰啲，大隻佬都可以係偏陰。

2. 有鬼睇中你，你同佢同步咗，佢會傳影像俾你。你嘅陰陽指數亦會因此慢慢偏向陰，而令你睇到其他鬼，開始可能只係感覺到，眼尾睄到，最後直情直接見到。

3. 你嘅意識感覺因為某啲原因覺醒咗（例如開七輪，練氣功。。），開咗通常就關唔到。



延伸閲讀: 法家弟子對New Age/靈修/冥想等等嘅睇法
https://lihkg.com/thread/200217/page/1

我識唔識連七輪同我關唔關到陰陽眼有乜關係呀兄台

後天點開陰陽眼

師兄有冇去過西貢？聽講嗰邊幾多靈異事件

你學邊樣？

上面第2，第3點，你掉轉嚟諗咪係個方法囉。

我想知有陰陽眼嘅人驚唔驚鬼
我見唔到但係好驚

有沒一招半招教黎防下身。例如萬一唔好彩比鬼搞。

符呀，咒呀，童呀，法呀，炁呀之類嗰啲

冇去過，唔係一定出名話有嘅地方先有嘅，太古城夠多啦，點解冇人講？因為冇人吹啲恐怖故仔。

真實嘅靈界其實唔會有咁多有趣，神秘，刺激嘅故仔。

我覺得乜人都有嘅，有人會覺得自己擁有異能有威威，有啲俾嘢搞到就死嘅就梗係想關咗對眼啦。

有冇故事分享下

事前性預防：去啲有料嘅師傅度求個法器保護自己

冇乜即時性嘅方法。。最好嘅做法就係保持情緒穩定，慢慢離開個地方。因為情緒波伏會令啲鬼易啲入侵你。

部份坊間話有用嘅方法：
－ 念佛經／其它咒 － 冇用，你根本發動唔到條咒，因為你冇修練過。（普通人level 1 發動唔到僧侶level 5 嘅魔法。）
－ 講粗口 － 仲衰，因為你嘅激動，啲鬼仲易咗做你。

咁即係平時念經念咒其實無用？

所謂陰陽指數係點定陰同陽？
睇八字決定？
有邊啲因素決定陰同陽？

心理上個人鎮定咗，都叫有用嘅

照師父嘅講法就係天生嘅，一個隨機俾人嘅指數，唔關你日頭定夜晚出世，性別。。等等

係唔係八字睇到就冇詳細研究，唔敢講，冇收集八字去印證。

點定啲個問題難答啲，用我最鍾意用嘅比喻：你係盲嘅，你問我點分紅色同綠色，我可以點答你？我用眼去分囉。
意思就係有修練去到某一點，就可以用感覺去分到個人有幾陰，有幾陽。

仲之如果你係陽嘅，啲靈體係冇咁易入侵到你，你亦好難會感覺到，見到靈體。

對唔住。。文筆太差寫唔出有趣嘅古仔

幫人post都收腐皮，乜嘢世界

冇人我就瞓陣先，留住言先遲啲覆大家

無陰陽眼，睇唔到但有時feel到。
話說我係外國讀書嘅，但housemate5日後先返，得返我自己一個係屋企對住隻鬼，可以點做好？

佢好煩，得閒會搞我部電視同skip我播緊啲歌

影間屋來睇下先確認到。
要全屋每一層嘅豬要角位嘅相，離遠影。

就咁聽落就似係啲冇惡意嘅善靈

巴打可唔可以同你買法器？