《我想吃掉你的胰臟 ft.又做了，相同的夢》討論區  (2)

咦，又係喎 ...

呃，我都無 BD ROM。

屋企得bluray機，買bluray rom唔識搞software果d
但又唔識日文想睇中字
如果隻bluray碟有中字就會買
好後悔只係入戲院睇左一次，胰臟係我近排睇戲喊得最勁果套

我比個字幕 TXT file 你返去慢慢刨 ...

一係就搵 download 版 (10GB 版畫汁都算唔錯啦)
到港版出碟時再買碟。

港版應該仲有排等
日版仲可以買豪華版
有埋特典
特典都幾好睇

完得好突然 去唔到睇櫻花

睇完電影，即刻買埋小說睇，5個鐘就睇完
個人覺得整體感覺電影比我既衝激感大d尤其去拎共病文庫個下真係即刻黎料，雖然冇左好多細節位(最無解既地方應該係又話食內臟，冇啦啦走左去食甜品，不過個場拍得幾好)
仲有共病文庫最後個句，今から会いに行くからね，虐心到
同埋收埋遺書呢個位又改得幾好，起碼係有畫面先知道個塗鴉係邊個留低既，反而漫畫又跟得好足

有冇人覺得小說好似好刻意咁用XX君黎代替男主個名？反而電影睇睇下先會奇怪做咩男女主好似冇名咁

相同的夢呢本野睇一次應該未明得晒全部野

少有地見人覺得套戲比小說好…

唔係話套戲唔好，只不過片長同某 d 不可抗力，套戲始終有佢限制左既地方，個人黎講覺得算係盡晒力，改篇出黎既效果滿意。

岩岩收工就見到有新回覆
估唔到咁夜仲有人

好中意套戲d音樂
主題曲超正

我都想講，套野最感人既地方…

其實係條 sound track。

聽音樂有畫面，屌呀…

我都係睇戲感動過睇書，見到美波bb明明唔想死都強顏歡笑就想喊，d音樂又係好正
但睇完小說就更加明白個故仔，小說最後睇遺書果part都一樣喊死
小說刻意到最後先講名，應該係想話比讀者原來男主個名代表春天，女主就代表櫻花，櫻花要等到春天先會開

同埋都係［我］既自我改變，證明男主同女主相處耐左都受到影響，唔再係[沒有名字的我]

我係覺得各有各好，
一直唔覺得電影差，
最好係用同一組大網出兩組完全唔同 feel，一雞兩味。

不過睇得越多次就越覺得北村匠海未夠班，
北村景子就算，個角色本身都係無乜用，
單純呃觀眾入場。
同小栗旬比就輸到無影，
最慘係同期既渡邊美波都輸一大截。
加上唔多討好既成人(版)情節，
原著派唔 buy，睇女既唔 buy，
故事又改到不倫不類，
搞到本來可以再高分 d，
都變得唔夠突出。

唯獨是兩段我係覺得電影遠超小說既，
一個係男主夜襲醫院，
另一段係讀共病文庫嗰段。

醫院嗰段濃縮得好到肉，
係略嫌時間唔夠。
共病文庫唔使講，
小說本身都投降，
導演驚你唔死加多兩腳，
配樂又加多兩腳…

邊度買最抵
見好多都係120

去台灣買

玩到咁大…

終於開隻making黎睇，以下呢段係本篇cut左
用電話影睇住先

呢段唔係 sweet paradise 既後續對白嗎？
不過改左一部份字眼，呃我唔到既…

我估真係講完嗰句"還是算了"應該激到嘔白泡…

殺科果幕竟然係第一次去醫院果幕

問題係，連佢個漢字都唔識寫，想查都無得查。

唯有查字典
或者的起心肝