寵物離開左到底點先可以釋懷

唔知大家有冇應承過自己既寵物一啲野？
例如搵到錢搬大啲同佢哋住 / 考車牌買架車帶佢地周圍去，唔洗call van睇司機面色.....
我應承隻女既野，佢等唔到就走咗....
一月買大車來帶暫托狗狗出去玩，佢又等唔到
日日都要扮冇野好辛苦，一靜落來好似發癲咁喊。朋友問起話冇事，但明明連坐車都會忍唔住喊

我有。我之前同我個仔講以後有我就有你，要一齊享福。但年半前佢貓血栓打安樂針走咗，喺我簽字時佢半癱都撐起身向我叫咗聲，我埋去同佢講你好勇敢捱咗成日，好快就唔洗再捱痛喇，我哋會再見㗎 …過咗一年半，佢盅灰灰仲喺我床頭，有時諗返起一齊蓋被瞓、互咬互lam嘅日子眞係想喊，亦喊過好多次 我唔會亦無打算刻意忘記，因為我知去到終點會見返佢，要同佢講返以前佢幾調皮幾曳，到咗嗰時我終於可以同返佢一齊

聽日就要送佢走...我訓唔到 喊左好耐
我接受唔到聽日就要失去佢

Take care
屋企會靜咗好多 亦會無咗個好重要嘅家人 的確十分難過 但你要記住你一定會好返！但當你仲喺嗰個劇痛嘅時候 你就好好地喊啦 唔好忍

Btw有件事好重要嘅係巴打要記得好好地同佢道別 佢會知道的 而且對你recover會好好多

最後都係嗰句 好好保重 佢一定想你好好過活的

利申：陪我九年嘅狗仔上星期走咗 嗰種痛一世都記得

你地好好人

聽日就要送佢走...我訓唔到 喊左好耐
我接受唔到聽日就要失去佢

Take care
屋企會靜咗好多 亦會無咗個好重要嘅家人 的確十分難過 但你要記住你一定會好返！但當你仲喺嗰個劇痛嘅時候 你就好好地喊啦 唔好忍

Btw有件事好重要嘅係巴打要記得好好地同佢道別 佢會知道的 而且對你recover會好好多

最後都係嗰句 好好保重 佢一定想你好好過活的

利申：陪我九年嘅狗仔上星期走咗 嗰種痛一世都記得

多謝你 我同佢傾左好多野
叫佢放低我地 佢聽日終於可以鬆一口氣 唔洗再捱落去 我知佢一直都忍緊痛 見到佢依排噴曬血 瘦曬 我知我唔會後悔聽日依個決定..
但無可改變既係 無野可以取代到佢 佢永遠都係我第一隻養既狗仔 睇住我大 陪左我14年啦

有十四年命都算唔錯了 佢好幸福














邊似我嗰隻細狗仔得九年...仲要知道佢病之後過咗一日就走
anyway雖然我從來都無忘記佢 不過已經唔會再喊了 你都會慢慢好返的 加油撐住！
希望兩隻傻狗喺上面做到朋友

你地好好人

我諗有仁愛之心只係基本野嚟

多謝你 要知道相處長短都係上天註定
你地既相遇已經係一種緣分 我諗佢都好開心可以係佢一生中遇到你 一個咁愛佢既主人
岩岩送完寶貝走喇 佢訓得好舒服 我好耐無見佢訓得咁舒服 但返到屋企望住佢既野我仲係好唔捨得

家人反唔反對佢啲骨灰擺喺屋企？
我掛住佢嗰時就行出廳望下佢 初時一望就喊到收唔到聲 依家望住佢張笑得咁開心嘅相就會微笑
多謝你呢九年嚟帶俾我嘅所有野

我訓唔著 岩岩坐係佢平時鐘意坐既位 望下佢平時望既野 不外乎都係可以清楚見到我地既位置 佢就好似我地既守護天使咁 一直守護我地屋企
岩岩寫左封信俾佢 今日係個好特別既日子 我永遠都會記得

頭嗰幾晚係難過啲 我當時都喊咗三晚 晚晚瞓得兩個幾鐘 不過總會好返的 加油
尋日有啲陽光 我望住佢最鍾意瞓住曬太陽個位 又好掛住佢 （不過掛還掛 無喊）

我隻狗走左三個月

有時收工返到去開門仲好期待有狗吠同有隻肥妹仔迎接我

宜家啲灰放屋企 初時一丁友返到去仲會拍拍個樽話 返黎喇

狗仔走左之後，有時都會對住間屋講野
覺得佢係到會聽到……

我隻狗走左三個月

有時收工返到去開門仲好期待有狗吠同有隻肥妹仔迎接我

宜家啲灰放屋企 初時一丁友返到去仲會拍拍個樽話 返黎喇

Take care呀巴打
我相信佢聽到架 可能係另一個地方搖緊尾迎接緊你 我相信我都總會有日可以同我個寶貝妹重遇

宜家都好左好多 係一開頭唔習慣

一攰好易諗返

今朝陪咗我14年嘅老貓突然走咗，阿仔有喊但阿女太細可能唔知乜事，我自己可能有心理準備所以都頂到

今朝陪咗我14年嘅老貓突然走咗，阿仔有喊但阿女太細可能唔知乜事，我自己可能有心理準備所以都頂到

rip

原來發夢可以見番狗仔係噤開心
好掛住你

我都就快要面對呢個難關
我貓仔已經養o左12年(11月19日就係佢陪我12周年)
7個月開始養
有病過但每次都過到關
上星期五突然唔舒服
我已經即book星期六睇醫生
佢情況轉差得好快
我接受唔到vet o既意見(放手)
拎住x ray,blood test同ultrasound周圍搵其他vet幫我睇
其實我知自己係想有人話我知件事唔係咁悲觀
但係結果問多3個vet都係同一個睇法
禽日再驗血,本來我有少少希望有改善
而且前晚探佢仲有反應有意識
但禽日驗血結果差o左,禽晚睇佢亦明顯轉差,體溫下降
一星期都冇就由正正常常變到咁
我真係好難過好唔捨得
vet第一次叫我考慮打針,我打死都唔肯
但而家4個vet同一個睇法
救返o既機會好微
究竟仲應唔應該因為我私心而留住佢?
聽日會再驗多次血,比多一次機會我baby同我自己
之後就見醫生
呢個星期都係以淚洗面,訓唔到覺,戴唔到con返工
好可怕好難受

我個隻都同你差唔多...
佢走個日原本係約左帶佢睇醫生添
睇住佢自己完全行唔到，食都係靠我針筒餵
打針都係我內心最後一個option...
維持條命但每日都痛苦，未必係件好事

好多人諗係轉差先再決定要打針，但實情係轉好都一樣要考慮。 如果會病係無得逆轉既話，轉差只係時間先後，病痛帶黎既痛苦都存在。 作為主人，係要考慮呢點-- 點樣先係最好既道別


之後上網睇過好多相關討論，有人講動物會為自己生命作決定，可以將呢d 意願試下同佢講

個日我就試下同佢講,如果真係好痛苦,你就走喇
如果你覺得撐到既，聽日就見到醫生嫁喇
結果佢第二日揀唔睇醫生，不過個日全家都係到
我覺得呢個情況對我同佢黎講就係最好既道別

唉

我都有兩隻貓仔
睇呢個post睇到喊