我隻狗仔上個月都走左……
雖然明白年紀大始終都要走
但明明前一日仲好地地，第二日情況轉壞得噤快…
連最後一面都見唔到……
我真係好掛住佢……
見到有時未必好事，特別係去到獸醫度決定吊命定打針等佢冇咁痛苦既時候⋯
當時屋企人一話畀佢走佢條尾係咁搖話好嗰陣仲惡頂,嗰幾日應該係咁大個人第一次喊到唔識收咁
我呢兩日都有諗過呢個問題 結論係我都判斷唔到
佢係凌晨四點至七點呢段時間喺廁所走的
（因為前一日睇完醫生話佢呢幾日都會經常嘔同瀨 而事實上佢當晚的確係咁 於是我屋企人就特登俾佢瞓喺廁所唔俾佢出嚟 方便清潔：點估到佢即晚就走得咁突然）
我一諗到佢自己一個喺個咁黑嘅地方自己一個孤零零咁走 我就喊到收唔到聲
你走嗰時係咪好驚好孤獨？係咪好想我地陪住你？對唔住呀 如果一早知你會當晚走得咁突然 我一定成晚唔瞓陪你行埋最後呢段路
其實正常動物應該係會想行埋一邊唔想等你地見到佢死，我同屋企人當時就算決定完係打針之後都係錫埋最後一啖等佢打完針先返入去⋯佢可以自己一個走其實都係尊嚴黎，唔好太自責
我都有聽過,所以我諗得隻狗佢都無諗過自己會走
佢臨食野前突然抽筋之後回唔到氣就
不過好彩佢走個時成家都係到陪佢
喺上面玩得開心啲！
樓豬加油