）於是諗住行一圈好快，點知入到去先發現原來佢空間設計非常犀利，行行下行到天黑先捨得走。（不過倫敦三點幾四點開始天黑
）佢其中一個特點就係好高、好寬敞，因為佢前身係發電廠，直至2000年正式成為現代藝術館。
題外話：佢嘅初代識別設計係有75個版本嘅 logo，為要表現「多面向而萬變不離其宗」；後來今年年中統一咗做一款點陣 logo，但仍然係撲朔迷離，饒有趣味。
https://www.creativereview.co.uk/the-tate-logo/
http://www.underconsideration.com/brandnew/archives/new_logo_and_identity_for_tate_by_north.php
空間設計採用大量混凝土營造幾何結構，混凝土嘅顏色加上適當嘅燈光相當有質感，幾何建築暗藏好多「引導綫」，令行人有想探索呢座建築物嘅欲望。
而燈光亦經細心安排，刻意用重複用光管組合成有層次嘅天頂，光暗有序。
關於由發電廠改造成藝術館：雖然英國嘅官僚令好多服務僵化，可能你都有聽過英國人對職責以外嘅事好懶理，但對於保守嘅政策反而有助保育文化，將舊有嘅嘢轉化成全新、有獨立個性嘅新事物，同時將歷史精神保留落去，喺西方文化逐漸倒退嘅時代算係難能可貴。隨街都係幾百年歷史嘅建築物，而鋪面係現代商店，我唔知咁樣算唔算明智，畢竟有時夾硬將新舊融合係格格不入，但起碼呀，佢無成幢建築拆鬼咗吖？香港個濕鳩政府一味識得「保育」，最後原來係一個又一個行唔通嘅發達大計，香港最有歷史嘅文物拆吓又一幢，拆吓又一幢，香港人真係好可憐。
經過今次遊歷，我發現自己攝影技術真係未到家，好多建築裏面嘅美學我仲係未有能力喺相片上展現出嚟，或者係未睇得夠、行嘅路未夠多，或者係睇嘢未夠仔細。無論如何，知道自己不足之處係進步嘅起點，我會好好努力
Flickr：flickr.com/moses4ever
Instagram：www.instagram.com/mr.5willow
無左色彩可以專心練構圖同攝影觸覺
