我想問小說有幾段女主
咪用?????同學叫男主既
到最後有冇講番D問號係咩
好似係無既，其實我都好想知係乜。
我理解係由嗰到開始
你以男主名字稱呼對方
咁講法有 d 奇怪，因為以讀者既角度黎講就一直被其他稱呼代替。
但故事入面應該無刻意迴避佢個名，
如果咁講法即係其他人全部都用"你"去稱呼男主？
感覺上有 d 怪怪地。
其他同學同佢嘅對話好少，就算係叫佢
可能都係叫男主個姓。
而女主對男主嘅稱呼一直變緊
到醫院先變成？？？
亦喺呢個叫法出現之後女主先想問點解
男主一直唔肯叫佢個名
我嘅睇法係女主由以名叫男主起
就係期待男主同樣承認佢嘅重要
所以先引起「點解唔叫我個名」嘅疑問
當然，後來男主對女主生死嘅擔心
令女主覺得自己喺男主心中無地位嘅自悲消除咗
先有最後遺書個推測
作者講到明?????係等你自由想像，我比較接受呢個：
其實櫻良一直係用名叫緊男主，而【】中間嘅係男主所想像嘅櫻良對佢睇法。
所以先由【地味なクラスメイト】くん變成【秘密を知っているクラスメイト】くん，
櫻良第一次短訊之後變左【仲のいいクラスメイト】くん，
然後櫻良講佢地係仲良し之後轉嘅【仲良し】くん，
去櫻良屋企之後睇唔透櫻良諗法而變成【?????】くん，
做左好過分嘅事而變成【ひどいクラスメイト】くん，
重修舊好之後變返【仲良し】くん，
由係醫院櫻良話對佢諗法唔係【仲良し】而再次睇唔透櫻良諗法，
變成【?????】くん。
當然最後嘅【?????】くん亦可以用返櫻良遺書嘅解釋：
唔想呢個係不久將來就會失去的人在男主心中成為特別嘅存在，
所以故意唔去猜測佢嘅想法，而令到最後春樹去墓前放梅酒。
理由可以參考以下幾段：
1. 男主係醫院話自己鍾意係人地叫佢名嗰陣想像對方對自己嘅睇法。
原文係「名前を呼ばれたときに、僕はその人が僕をどう思ってるか想像するのが趣味なんだよ。」
譯文係「我喜歡在人家叫我的時候，想像對方是怎麼看我的。」
就咁講意思上係譯得無錯，但今次就漏左個重要信息：
「我喜歡在人家叫我的『名字』的時候，想像對方是怎麼看我的。」
2. 香口膠男叫男主嗰陣用嘅「よう、【噂されてるクラスメイト】ぁ。」中，
「ぁ」一般係作為日文中延長尾音用，
可以猜測其實【噂されてるクラスメイト】裏面中係用a音結尾，
而唔係クラスメイト嘅o音去結尾，
咁a音嘅結尾係咩字呢？
應該就係主角姓氏嘅志賀(shi ga)。
順帶一提原作中無香口膠男叫男主嗰陣呆一呆話第一次比人叫名，
亦都無係遺書中問可唔可以叫春樹，
更無直接用「仲良しくん」而只係用「彼」去取代男主個名。
3.
係醫院嘅其中一段戲言
「【？？？？？】くんの名前もよく似合ってるよ」
「『?????』同學的名字也很適合你喔！」
「……どうかな」
「……這很難說。」
「ほら、死が横にいる」
「不是嘛，死就在你身邊。」
彼女は得意気に笑いながら僕と自分を交互に指差し、そう冗談を言った。
她輪流指著我和自己，得意地說笑道。
只睇中文譯本應該完全唔知佢講乜，
其實只係一個日文發音嘅梗：死が = 志賀
兩者發音都係志賀，
而佢嘅雙關語係「死就在你身邊」同「志賀就在旁邊」。
呢度大概可以猜測櫻良已經唔係用緊志賀君叫男主，
而係用緊春樹君去叫男主。
至於電影，應該無乜可能有呢種叫緊名但表現對方睇法嘅拍攝方法，
所以乾脆用直接叫睇法去表達
Bingo
