【再見人間】我係窮郵差，專門幫陰陽相隔嘅親人送信 (完)

吃個晚飯後出文

食住出？

等到花兒也謝了

食完未呀 我黎餵你食加速

你是一封信我是郵差~~~
樓主出文未呀？我好掛住你...d故呀

我送陳太太返屋企嘅時候，佢就一邊講返佢同陳生嘅故事出嚟。


佢一直都覺得陳生只係一個好聰明嘅人，但都無乜嘢，亦對佢好好，所以佢哋開始咗。


不過漸漸，佢發覺陳生唔係一般人咁，佢嘅醋意係極大。


「同我一齊嘅時候，唔好同其他男仔有聯絡！」喺拍咗拖無幾耐，陳生就咁樣同佢講。


嗰時因為係熱戀期，所以陳太都無為意啲乜，咁咪照做。


「我・咪・同・妳・講・咗・唔・好・同・其・他・男・仔・聯・絡！」


喺戲院入面，陳太只喺同一個男仔SD 訊息，就成部電話畀佢扔爛咗。


「嗰個係我莊員嚟㗎，有啲莊務我哋傾緊咋！」


「都・唔・可・以！」


即使喺漆黑嘅戲院入面，仍然睇到陳生佢青筋暴凸。


「我⋯⋯」

文呀

「仲講！」


陳生一巴摑落去陳太臉上，紅紅嘅掌印頓現。


陳太即刻淚流滿臉，陳生就好緊張咁呵返佢，佢甚至緊張到跑去超市買咗一大袋冰返嚟，敷返陳太塊面。


最後因為陳生嘅態度，陳太原諒咗佢，陳太覺得，陳生只係無安全感啫，所以好快地，佢哋就有咗第一次。


只係，哩個只係惡夢嘅開始。


的確有一段時間，係相安無事。


畢業之後，陳生都一直守喺陳太身邊，接佢返工放工，陳太都覺得無乜嘢。


直到結婚前嘅一段時間，因為OT趕計劃嘅關係，陳太每晚都要喺公司做到好夜，而咁啱嗰段時間，陳生又因為學校交流會去咗外地公幹。咁佢嘅上司每晚都會車佢返屋企。


陳太唔知，提前一日返嚟嘅陳生見到佢哋哩幕。



陳太，就係無幾耐遇到交通意外。


瞓咗喺醫院幾個月，陳生每月都會嚟照顧佢，基本上係廿四孝男朋友咁。

陳太：我...我淨係想你出文呀

加速

陳生有雙面人格

陳太亦好感動，好快就接受咗陳生嘅求婚。


結婚後，就係所有事嘅開始。


「賤人，你又同邊個男人傾電話呀？」陳生一巴摑去陳太臉上。


「痴線㗎你！佢喺公司嘅客嚟㗎！」


「我理得你乜客！」


陳生拎起花瓶，就扔去陳太度，「呯」一聲，碎片飛散，有幾片割傷陳太嘅腳。


「賤人，喺咪出去勾佬呀！講！」


陳生拎住唔知幾時買返嚟嘅手扣，扣住陳太，直接就強上咗陳太，無論陳太點叫唔好同掙扎都無用。


喺完事之後，陳生又再幫陳太包紮傷口。


「無事㗎，無事㗎，你乖乖地咪唔會再畀車撞你囉⋯⋯」陳生又變返正常，陳生好細心同用心咁為佢洗傷口同包紥，極為溫柔。

快d

癲佬

你是一封信我是郵差~~~
樓主出文未呀？我好掛住你...d故呀

你講嘢方式咁似一個人嘅

完左末日

完左末日

完左郵差，記得寫埋末日故呀

痴線，真係玩sm

係文啊

真係傾傾下唔記得左要搵人

好似分裂人格咁阿
仲要寄手扣比佢

自此就係輪迴嘅開始。


傷害⋯⋯包紥⋯⋯傷害⋯⋯包紥⋯⋯傷害⋯⋯包紥⋯⋯


陳太不斷係哩個循環中受傷又被醫治。


陳生係患咗一種病，一種叫代理型孟喬森症候群嘅病，鍾意傷害人然後再親自照顧佢，從而獲得滿足感。


「無事㗎，無事㗎⋯⋯」


陳太好想離婚，但身邊嘅人只係當佢講笑，同勸佢唔好，忍下咪算。


因為香港根本就無婚內強姦哩宗罪，大家都會好理所當然咁覺得，結咗婚就代表乜都得，咁樣係完全無問題。


某一日，陳太終於受唔住，打開陳生放係屋企嘅藥箱，嗰一個令佢不斷受傷又生存藥箱⋯⋯佢將所有藥水、藥丸吞晒落肚。


佢望住自己個樣，好快變成青白，個胃有強烈翻滾感，好想嘔⋯⋯好剌痛⋯⋯然後佢再睇唔到嘢⋯⋯

https://www.facebook.com/coooooolicecream/

入去比個like啦喂！