ADHD + 中度抑鬱想睇醫生求請教..

請問樓主係未睇醫生嘅情況下 會覺得自己有中度抑鬱呢 點衡量出係中度

其實我係網上做過一d網上評估、
我知係唔準、或者 non-conclusive,
但我出來做結果都係算high end...
我無自殺傾向、嚴重失眠及/或無端端喊、所以知道自己唔係重度囉...而於點解係中度、
因為我個情況都持續左兩年以上、
基於以上原因、我推論可能係低至中度、
我個標題可能有potential misleading/ 錯既地方、I say jo sorry sin
但我只係想問下巴打們既意見

中度左四五年，開始有自殺念頭
屋企人知嘛

請問樓主係未睇醫生嘅情況下 會覺得自己有中度抑鬱呢 點衡量出係中度

您可唔可以分享下您既睇法
因為我對無/輕/中/重既相關徵狀無專業既認識、
亦都唔覺得佢地之間會有一個好明確既界定方式、
求指教、因為我自己都唔知道應唔應該行到睇精神科醫生依一步。

中度左四五年，開始有自殺念頭
屋企人知嘛

巴打你有無睇醫生？
個情況is getting worst !?
頂住呀巴打、唔好做傻事

巴打不如試下5-htp
我輕度depression唔想食藥
食完呢隻supplement 好左好多
你可以上網睇下資料先決定食唔食
我見佢幫到ADHD添
https://www.livestrong.com/article/485787-5-htp-for-adhd/

咦、頭上兩位巴打都講 5-HTP、我今日第一次知有依樣野。 巴打有係食過可唔可以分享一下有無用/ 有無咩副作用。

我上網睇左依隻好似香港好似無註冊做成藥。應該算係健康產品/ supplement, right?

您地訂邊款、如果有用我都真心想試下、因為始終睇醫生真係最後一步。

我係iherb買既
佢有隻time release
Long lasting 好多
我自己食完就冇乜點發現有副作用
不過人人唔同
你可以試下食少少先

多謝巴打
我聽日即刻訂d試下

你有冇同朋友傾訴過自己心情呀？
知唔知係乜原因令自己唔太開心？

講真，去外國隊半年草啦

私家未同公立嘅資料庫同步
好似係

你有冇同朋友傾訴過自己心情呀？
知唔知係乜原因令自己唔太開心？

都有既
其實女朋友都知我唔開心左好耐、

我估應該係因為長久以來來自工作上同屋企既壓力、
加上愈來愈覺得自己人生有無力感、亦都無fulfillment、唉

巴打、內文有少少長、
但希望您地耐心睇完的話可以比少少意見我

我唔開心左好耐、
計計埋埋都有兩年以上。

我唔會無端端喊果d、
但係每日都好唔開心 感覺人生好灰暗
我無自殺既念頭、
但感覺人生、將來無咩野好憧景
感覺人生好無趣、好無意義。
死左都不太可惜果種感覺。

訓得OK, 無咩失眠問題、
但有嗜睡問題、
我愈來愈少講野、
有時個人會好呆、
記性明顯差左好多、
無論係訓8個鐘好、定係4個半鍾好、都好累好累

我一直都唔想面對有一日要去睇醫生依個情況
我有試過食EPA補充劑再加跑步去解決一直情緒低落既問題、
跑完係有感覺好左、
但之後又變番唔開心。

我想去見精神科醫生、私家果d。
我知道如果去睇政府醫生、我響公立醫院既病歷就會有抑鬱症(如果醫生確診)跟我一世、以後一世唔駛考紀律部隊。

我唔係諗住考紀律部隊、我本身係會計師。
如果我自己去睇私家醫生開d抗抑鬱藥試下食。
依個情況之下、我會唔會響個人病歷中留有被確診抑鬱性/ 情緒病紀錄？
因為我將來可能會考財金類既公務員、或者移民之類、怕因爲咁樣成世就花左個紀錄。

有錢的話可以試下私家臨床心理輔導

去外國用啲psychedelic醫啦 好多都醫到

病向淺中醫
我當你暪盡天下人
你得到想要嘅野果陣仲有無命享先

有個寓言係有個人拎住粒雞蛋
就幻想諗自己黎緊要開牧場，起大屋，娶妾侍
你同個主角無分別
仲要以為自己唔醫病就會幻想成真

巴打如果你唔想留底就睇私家比較好d
HA的話你住院定門診睇都一樣有記錄
不過其實樓上都講中point
你考慮改善左自己心理健康先考慮咩工啦Ching

我都成日諗自殺

自己食藥唔係咁好
香港有好多機構有心理輔導/治療
價錢700/800一個鐘起左右
撐住啊

點解會覺得自己有adhd?
我岩岩睇左公立adhd

樓主而家點？有冇好轉？

我都有呢D情況,一有生活壓力就發作,事情過左明明自覺應該無壓力.但個天都仲係灰色.各方面能力下降.好唔想地做左5日野,兩日放假只係等星期一番工,D所謂減壓活動我都無哂興趣做.我都怕再挨多一兩年會灰到去死

我覺得係自從家人離世後慢慢開始.感覺世界越來越重

我應唔應該去睇醫生/評估?

呢d病如果落左政府record, 以後唔會有政府工請
幾年前起家庭醫生睇完(depression) ，轉介左去旺角中心，之後食左一年藥，一個月差唔多二千幾，停左就無再睇。

其實睇公立確診左精神病，係咪會留底咁就一世架喇

利申 想睇公立診所refer我去精神科

個時做認知治療同行為治療，加食藥

建議睇下書 同人傾下
好過睇醫生
啲醫生好唔得閑 冇真係醫緊你 只係開藥比你
你需要既係counsellor ，clinical psychologist 等等，如果你係想解心結（而覺得身邊朋友唔適合）既話

Depression Treatment

https://www.helpguide.org/articles/depression/depression-treatment.htm