酒樓晚市一片死寂！　全場吉檯無客　網民批3大死症　「酒樓可以被淘汰」

因為以往能夠消費嗰班已經唔係香港

請多啲外勞炒晒香港人死得仲快, 香港人冇野做更加唔會本地消費
無限循環到執笠

酒樓係適合大家庭聚會，依家一個家庭湊四條友都難，屋企啲老嘢死咗冇咗中心點，啲遠親就會再聚一齊，冇人想同個唔熟既親戚坐足一晚交際講啲冇用既說話

酒樓態度，價錢同經濟都有影響，但係最主要係酒樓個性質唔適合現代社會

都未做任食

酒樓既餐飲質素下滑性價比低係其中一個主要因素
另外就係而家既人社交模式改變, 唔好講朋友之間
甚至親戚同親戚之間都少左走動

50-60年代果一輩, 逢六日就會周圍走親戚
然後一齊食飯, 更加唔好講大時大節
但有一句講講得好啱, 一代親, 二代表, 三代不認識
50-60年代果一輩, 有幾多仲在世
下一輩, 可以避既, 都開始避
你而家間新新代, 佢地仲識得幾多親戚
無左呢一批家庭/族客, 酒樓生意真係好傷

冇飯局，以前親戚同事朋友，人多的話會約去酒樓，而家冇哂大飯局

講到尾都係地產霸權既毒果
個個為左搵錢慳錢買樓租樓
愈黎愈多人不婚不育
無左以前既大家庭經常性聚餐
酒樓呢啲角色自然被淘汰

大排檔有體驗
酒樓連塊枱布都殘
大大隻碟細細兜野食

水魚港

「個個員工都叫你買月餅，熟客都唔敢入去」

賣唔出個員工要自己食,你到底知唔知有幾刻薄?

DLLM，關咩事，明明是經濟唔好，失業率上升，D人唔敢洗錢消費，有錢的日日大魚大肉，問題是樓市又跌跌不休，酒樓焗撚住拍烏蠅

實話實說，咪撚話又咩唱衰，有錢的洗撚你教我點消費，有西的亦唔洗你教人點吊

個仔成家移晒民，冇咩唔出街食喇

酒樓profit margin只賺ㄧ成，係俾最少智商稅嘅地方。不過中菜俾人鄙視開

仲有六七個人以上可以坐埋同一枱，如果淡季仲可以坐幾個鐘都冇問題。酒樓啲貴賓房又多數唔會有cam望實你食飯 日日響香港啲密集程度非常高嘅食肆食飯，酒樓相對闊落啲，舒服啲

每執ㄧ間都係可惜嘅

死揚大帥
出場時候?

皮費重害死酒家
以前好景果陣咪唔覺唔致在囉
而家唔好景咪死得囉

以前成大班人去酒樓, 打邊爐, 隊啤
而家有時間都早D返屋企好過

本身返工就已經辛苦
唔想放工都要花時間社交
反正非工作時間, 都唔想同同事聯絡

以前有啲酒樓會特登間個地方專做鵲局+晚飯

入多啲預製菜，減少廚師，食材和加工成本，一箭三雕，快啲跟住做啦

政府話由治及興
咩經濟差

要縮細規模 精簡人手
專注做散客 唔使間間大場做宴席
加拿大呢邊租金平過香港
但大部份酒樓都係中小型
座位大概只有半間香港酒樓咁上下 有啲甚至一眼望曬得十張八張檯
一樣做得出功夫心機菜

最癲係酒樓d 服務質素、環境 兩樣都無埋

以前去得酒樓係預佢環境服務一定有番咁上下


而家d 酒樓d 阿姐隨時仲串過 大排檔d 後生哥仔
環境又係普普通通 唔係特別闊落

新既大排檔全部冷氣 都夠，唯一係迫少少

以前酒樓搵啲後生知客 整對肉絲
而家搵埋啲阿嬸 搵鬼去

又捉一隻五毛
經濟好幾難食都會有人比錢食啦

我同老豆老母80年代起由每個週末兩三轉，
到而家每個月去一次都唔知有冇

心淡係因為啲酒樓對唔住個價，有啲一人多就仆街，例如：

裕記，我哋3人叫一白飯一瀨粉，半隻鵝，兩個餸，呢度成700幾蚊，咁佢半隻鵝比得兩碟酸梅醬唔夠，問佢攞佢話＇5蚊啦＇ 我老豆谷氣唔要，然後就冇然後 都未講佢地下又油廁所又窄又舊

約人食飯從來唔會諗酒樓