[瑞士] 阿爾卑斯山之飄零燕 遊記

Aletschgletscher、Eggishorn
ChatGPT: Aletschgletscher係阿爾卑斯山最長嘅冰川，長達 23 公里，望落去就好似一條巨龍瞓喺山谷入面，夠霸氣。

以我所知，至少有4個位可以睇到呢條相當壯觀嘅冰川，包括少女峰 Jungfraujoch，官方地圖：


今日上Eggishorn，觀景台大約係冰川中段。由Fiesch 坐吊車上山，係Fiescheralp 再轉吊車。呢度比較少亞洲遊客，又唔洗點同人迫。




上到山頂吊車站可以再行多2KM來回登Eggishorn山頂，呢度都大約2900米高，唔難行但呼吸已經有啲急促。
冰川全貌，可以望到「真」少女峰 Jungfrau 同埋一般遊客會去嘅 Jungfraujoch


Zoom埋啲比你哋揾吓上游冰川三分，中支對上嗰山坳位就係Jungfraujoch，左邊山頂就係Jungfrau


冰川下游，可能落到2000米都仲有冰


係山腰仲有一條環山徑，可以比較近距離欣賞冰川，應該可以係Fiescheralp 出發，經過下圖個湖繞過去。其實呢度啲山徑都四通八達，山脊其實有小徑連接冰川觀景點，不過今日無時間慢慢探索呢區，同埋始終呢度唔係瑞士景點嘅「膽」


隔一個山谷又有另一條冰川


望返Eggishorn吊車站，好天時係可以望到馬特洪峰，不過今日比啲雲遮哂


Fiescheralp 吊車站隔離嘅餐廳旅館，點解唔整到對稱愈望愈奇怪


兩條冰川都係前往Zermatt地區嘅中途站，落車歇歇腳睇吓唔同風景都幾唔錯，活動量又唔算高，可以留返啲體力去Zermatt行山

預告：Zermatt 地區留咗兩晚，全部都係晴天呢張相已經係比較多雲嘅時候

LM。30年前 5月左右去瑞士，唔多遊客，風景真係好靚

30年前去瑞士旅遊
師兄應該係非富則貴

呢個真係要留名

Matterhorn Glacier Paradise
我諗有超過90%第一次到訪瑞士嘅旅客都會嚟ZermattMatterhorn 馬特洪峰應該係Zermatt 甚至係瑞士嘅Iconic 地標，而要完美地睇到馬特洪峰、雪山景、湖中倒影，相信只有上天先幫到你

朝早嘅Zermatt已經睇到好清嘅Matterhorn一角


吊車站附近，幾大對比，山腳綠草如茵，山頂仲有一絲殘雪，比我想象中多雪了，況且早幾個禮拜先話歐洲又又又熱浪


吊車一路上都望到Matterhorn，正


到Trockener Steg站就要轉車，雖然個天仲係清，但係遠方好似已經有啲雲，即刻衝落去附近嘅Theodulgletschersee 打卡


要睇到清晰嘅倒影，就只有無風或微風日子先至有機會，今日只有矇嘅倒影，不過都好滿意喇！



以我所知，睇到Matterhorn 湖中倒影有3個地方，一個係Riffelsee （Gornergrat嗰邊），同埋Stellisee（五湖步道），夏天應該只有朝早先係正光，同其他山區一樣都係要早起早出發早享受

Trockener Steg站轉呢架吊車，山頂建築物嗰度已經係意大利


呢段吊車睇到好多冰川，另一個遊客熱點Gornergrat 就係對面矮啲嘅山脊上


Matterhorn Glacier Paradise 係位處Klein Matterhorn，炎夏都仲好多雪



老實講，上到呢啲雪山，可以做嘅活動真係唔多，除非你準備充足行上雪山或者滑雪，好似我咁就只能夠行出雪地轉個圈




都有唔少人行去左邊嗰山頂，如果我真係行埋一份，會唔會落唔到山呢上到嚟無得探索更遠嘅地方真係有啲可惜 （當然仲有時間因素，望落好近，行就好遠）


呢度另一個景點就係冰洞，鍾意打卡就一流，我都係鍾意戶外多啲。冰洞入面冇乜空氣流通，又凍，3883米高氧氣已經少，好彩唔洗點排隊打卡

Matterhorn Glacier Paradise 仲有一個觀景台，應該就係3883米高嗰個位置喇，排隊搭𨋢上山。


望返Zermatt個山谷，同埋朝早Trockener Steg站 加埋 隔離個湖


呢個角度影埋Matterhorn


Matterhorn左邊已經開始多雲，慢慢飄緊去Zermatt方向


意大利境直頭係多雲


行完一個圈落山，原本諗住由Trockener Steg行山落Schwarzsee (6km 左右，望落都幾多人行)，決定偷懶直接係Schwarzsee落車。揸住Half Fare Card，散買仲平過1/2-Day Pass一截，買來回飛的話係可以每個站都落車行個圈，provided that 每一段吊車只搭一次。


果然慢慢多雲，好彩已經睇咗成朝Matterhorn



Schwarzsee，係一個小水氹



遠望Gornergrat Railway，聽日嘅目的地


下望群山包圍嘅Zermatt，都非常多建築，比Tasch熱鬧得多



今日最後一張Matterhorn遲上山就係咁，時間大約係2pm


Zermatt鎮上馬車，睇真啲好似係酒店車坐係上面應該都幾過癮



玩完一日，完全明白點解遊客咁鍾意Zermatt了，雖然整體嚟講Grindelwald地區比較多景睇，Zermatt，或者應該講Matterhorn，真係非常特別，至少我係遠方睇第一眼就知呢座山一定係Matterhorn！

Riffelsee、Gornergrat
又係Zermatt 大路景點，唔洗特別多講啦，去相！搭呢架火車上山


第一站就到呢個標準打卡點 - Riffelsee，睇湖中Matterhorn 倒影


其實呢一刻都差唔多10點，點解仲係無乜遊客咁同Grindelwald地區真係好大對比。朝早未起風，個倒影比尋日清𥇦周邊環境仲比較靚，有啲綠草襯托吓


水池邊有啲水草，得一個位影得最好睇，好彩朝早無咁多人排隊打卡，呢個角度嘅Matterhorn 感覺比尋日Glacier Paradise嗰邊更勝一籌用十幾萬唔攞嚟炒股炒到一百幾十萬，嚟到瑞士一炮過洗哂，都係為咗呢啲咁嘅景



今日行程有啲趕，40分鐘就搭另一班火車繼續上山。當然，想慳錢而又有體力的話可以搭到中途站再行上山，望住個雪山景應該唔會覺得攰！


Gornergrat Railway ＋Matterhorn 呢個配搭好正



加埋呢個「Golden Spot」


最左邊個山頂就係尋日到訪嘅Klein Matterhorn (Glacier Paradise)


呢度最Signature嘅冰川



Gornergrat 雖然比 Glacier Paradise離Matterhorn更遠一啲，但都唔會輸蝕，呢邊有更多山徑通往唔同地方，更適合鍾意行山嘅人。

Gornergrat - 五湖連走
睇遊記好多都係將Matterhorn五湖獨立用一日時間到訪，但其實Gornergrat係有山路前往五湖地帶，只需要時間控制得好，唔好錯過尾班車就得。路程其實唔遠，只有12km左右，方向感OK的話好易認到路，因為極度開揚無密林。

係Gornergrat已經望到五湖步道嘅起點/終點 — Blauherd/Sunnegga，基本上只要落到中間個山谷，就可以正式踏入五湖步道


地圖


由Gornergrat到五湖步道全部都係落山，輕鬆沿途唔算多行山友，但清一色全部都係外國人。唯一嘅分岔路就係呢條車路，應該都係殊途同歸，認住紅白紅路標就基本上無錯


落山最後望多兩眼今日嘅Matterhorn好清


好快已經望五湖步道嘅第三個湖 — Gruensee


呢條落山路嘅End Point，就係離Gruensee不遠嘅呢間餐廳


第三湖 — Gruensee，仲睇到少少Matterhorn



Gruensee係全程最低點，之前落山落得太開心，而家就開始上山，95%都係上山路
最邊最奇怪係有條車路，周不時都有泥頭車或者四驅車行過，一行就好大沙塵，係成條五湖步道最大敗筆（之後睇返原來官方五湖步道係盡量避開哂車路，不過車路先係比較短嗰條）

第二湖 — Grindjesee


上山途中，又開始睇到Matterhorn全貌



如果無睇錯，呢個應該第四湖 — Mossjesee


上呀上，終於到第一湖 — Stellisee，都真係好耐無係咁大太陽下行山


可惜起咗風，無得睇湖中倒影，唔知係咪今日太熱定我錯覺，Matterhorn上啲雪好似融咗唔少。Stellisee成個環境又比Riffelsee更靚更多綠草，個湖又大好多，空曠好多


休息一陣就出繼續上路，Blauherd尾班車好似4半定5點。回望Stellisee同埋背後嘅冰川


差唔多尾聲，要同Matterhorn講再見了



搭吊車落Sunnegga站，順便睇埋第五湖 — Leisee


Matterhorn滑翔傘


由Sunnegga返去Zermatt係呢種「地鐵」


成條五湖步道應該只有Blauherd-Stellisee-Grindjesee呢段最靚，應該要放多啲時間落呢段Zermatt地區真係靚，基本上兩個Full Day就可以去哂最大路嘅景點，唔追行程的話，拎埋嘢食啤酒紅酒，就坐係草地上湖邊望住Matterhorn，應該都可以Hea到大半日！

Chamonix、Aiguille Du Midi
特登揸埋架車過境法國，去Chamonix睇埋歐洲最高峰 — 白朗峰！冰島都去過兩次，今次先第一次踏足法國係Chamonix已經望到Aiguille Du Midi南針峰同埋冰川，望落山頂好多雪，其實山腳有成30度熱到溶


話說上Aiguille Du Midi係預約制的，出發前要買飛Book定上山時間，前一晚5PM（聲稱）會放好多飛，又或者好似我咁6點前到售票處排隊買飛咁我排緊隊嗰陣見到8點50分有位喎，諗住靚時間又可以比我返民宿食埋個早餐，即刻比錢買飛先！離開條隊之後，有位靚女職員見我傻吓傻吓，咁就同我講呢度入閘等吊車呀原來即使Book咗個時間都係無用，有飛佢就放我入閘當然好可能時間尚早，未有旅行團未有咁多人，唔知9點先嚟到買飛又會唔會咁鬆手

而家時間係06:15，已經滿載上山。不過留意吓差唔多全車人都係專業登山裝備，相比之下我就好明顯係去MK行街嗰種...


順便睇埋阿爾卑斯山日出


專業登山者出發！唔知佢地目的地係邊，但呢度行山一定好好玩



啲人就係呢個窿出發，入口大字寫住安全閣下自理，如有意外恕不負責。好想行出去打卡，但又驚一嘢就瀡咗落Chamonix


都係返去安全位置睇人行算數，相信行呢啲山拎少樣裝備都可以攞你命



睇啲路跡幾個方向都有，不過我相信大部分都係去相中最高嗰座Mont Blanc 白朗峰，超過4800米高，我而家位置大約3800米高，即係仲要至少1000米攀升望落完全唔覺



山脊後面應該就係意大利，南針峰係有吊車跨境意大利，不過我嫌貴無過去行個圈。


架吊車就係圖中左手邊穿過冰雪平原，再進入意大利境內


對於我呢啲普通遊客，其實Aiguille Du Midi就唔係好大，又無得行出雪地


最多人就係呢個打卡位排隊



好快就行完一個圈



山腳Chamonix鎮，差唔多8點太陽都仲射到落去。對面嘅山脊就係Le Brevent等等，亦係好出名嘅TMB，Tour du Mont Blanc 環白朗峰嘅其中一段


上Aiguille Du Midi嘅中途站，係度轉車，本身計劃係由呢度開始出發行山去下一個景點，但係時間尚早，梗係又偷懶啦！


總結，如果淨係買白朗峰來回車飛，係非常唔抵兼唔值的，最主要係山頂冇乜嘢好做，同埋要成差唔多EUR 80。其實有白朗峰Multiday Pass可以去Chamonix周邊好多地方（包括白朗峰），我買咗1 Day Pass，EUR 95，去咗3個地方，感覺上慳咗唔少、有啲值回票價（當然未計專登嚟Chamonix嘅Extra Costs啦...）值唔值就好睇個人喇

Montenvers - Mer de Glace
是日第二個景點，Mer de Glace，返到Chamonix再搭觀光火車上山


晨早流流就要起身，坐火車吹住風好想瞓覺


其實每15分鐘已經開緊兩架火車清客


好快就到終點站，其實可以由南針峰個中途站行嚟呢度，大約7KM，大部分都係落山，應該可以避開重覆嘅交通路段，不過今日懶同眼瞓就無咁做喇


冰川呢？原來呢個冰川後退得好多，夏天只睇到好少部分，同Zermatt地區真係差好撚遠


搭吊車落去睇冰洞，橫睇掂睇呢度都只係碎石河喎


吊車站仲要再行一段落山


屌那星原來係一幅白布我係高處遠處望仲以為係冰不過碎石河底部仍然有冰，只不過就咁睇係睇唔到的


好難得有相比大家睇吓呢個冰洞


睇吓人地攀呢個大坡板岩仲好


Hea一陣就落返山


好彩唔係特登比錢上嚟睇呢個冰川（用1-Day Pass），不過旅行就係咁，明知伏伏地，第一次嚟我覺得要親自睇吓有幾伏