文明6簡易入門教學

你係咪開左動蕩時代 game mode

只要達唔到黃金時代就會係黑暗時代

進黑暗時代會隨機令一部分城市叛變

唔該晒

lm

到7dlc出到7788又出8

事實係頭100 turn最緊要霸地盤同賺錢，可能會用咗五六成嘅總產能生產開拓者

首都可能七成時間都生產緊開拓者

開拓者+50%產能嗰張卡基本上要長期 slot in

居然無開tg谷做文明約戰區

開始賺到錢之後通常都係用錢搭救
市中心嘅野 (monument -> granary, 真係冇食物嘅先加埋 water mill) 直接用錢買
產能留返比錢買唔到嘅嘢 i.e. 區域同 campus project
區域上面嘅建築都係直接用錢買

錢=可以自由分配喺唔同城市嘅產能，所以要滾雪球一定滾起咗錢先

另外要留意多樣野，啱啱起嘅城市得1人口，所以即使settle塊地靚都用唔盡啲產能 (淨係計到1格)，不過條件啱嘅話(水源＆食物) 過幾turn 人口多咗之後就會快

lm

新手起步應該點玩
宜家打得贏難度4, 難度5開始卡關
應該出settler/scout定係起弓兵打9鄰居

詳細嘅 build order 好難一概而論，會受地圖影響，同埋我打開無 dlc

不過有幾個concept 係通用嘅
以下係正統 vanilla 開局 tips

step 1: 刷首抽
如果你開局個位完全冇產能，或者完全唔夠食物，建議重刷

benchmark 1: 頭 40 turn 有三座城
sample build order:

1: scout slinger settler trader settler monument/兵/district
2: monument granary/district
3: monument

如果覺得好似完全跟唔到呢個pace 嘅話要研究吓 settling location

科技樹：
Animal husbandry & mining
打animal husbandry 原因係方便俾人打嘅話可以用45蚊 slinger 直上弓兵

咁之後其實大致上係按目的unlock 野
解campus 同commercial hub 係最正路嘅


文化樹：
除非要打仗
如果唔喺正路都係 rush early empire 之後 rush unlock 政府

如果 turn 40 有三座城，40-100 就係霸地盤同揾錢
政府用 classical republic
頭三個城一半時間出開拓者，一半時間起 commercial hub/harbour 解trade route (dlc 要起埋 market/lighthouse 先有 trade route)

其它城市 有水源嘅就起monument; 無水源嘅就糧倉，之後出到 trade route 就trade route，出唔到就 commercial hub

所有移除左會獲得產能嘅嘢請等到文化樹研發封建制度，用到 builder +2 動作之後先至移除，然後用呢一批產能爆一堆 builder 出嚟，再用呢批 builder 移除更加多野獲得更多產能，人稱斬樹神教

有山嘅地方唔洗用腦即刻斬，斬完起礦場
冇山嘅話就要用嚟喺區域先好斬

科技樹 pickup：
apprenticeship (礦場+1產能)
machinery (lumber mill, crossbow)

文化樹：
rush feudalism 封建制度 定咩


Q: 用咩卡好？
開拓者+50% 常駐

以下3揀2
1) 所有城市產能+1 方便新起嘅城起野快啲

所有 trade route +2金

所有 builder +2 動作 神卡，解鎖完之後初初玩嘅話請常駐

Q: 科技同文化呢？點解好似淨係搵錢？
通常第一個區域搵左錢先，第二個區域先擺科技或者文化
搵左錢先容易滾雪球
反觀科技同文化唔會直接令你容易起多啲嘢
只要你城市夠多，人口有一定數量，會有一定嘅科技同文化產出，唔會俾電腦拋離太遠
呢隻遊戲產能換到錢，錢換到城市發展有利提高產能，雪球就係咁樣滾落去

呢度多人玩6定7

奇觀誤國，無必要格硬搶

我玩6
呢個POST 6 我先入黎

我
真係算最好玩

真，成日玩吓玩吓就唔覺意軍事勝利左

好詳細

有時搶得過嘅
例如 一開始附近多鹿多大象
萬神殿又有camp+1 food 1 production
我會rush temple of artemis

所以俄羅斯打ai幾勁
搶到雪地萬神
宗教區輕鬆+5或以上
入埋golden age用faith買settler/builder

買嘅係咪都會扣人口？

發覺連移動力呢啲基本野都未講

每個單位移動嘅時候都需要消耗移動力
進入地格所需要消耗嘅移動力係視乎該地格嘅地理環境

移動一格嘅成本係1
丘陵、樹林、沼澤會各增加1點移動成本
過河嘅移動成本係3

因此
平地上有樹林 進入成本係2
無樹林嘅丘陵 進入成本係2
丘陵上有樹林 進入成本係3

當你選擇某個單位嘅時候 介面會按該單位嘅移動力 自動顯示出佢今個回合可以移動嘅距離

如果想單位移得快啲 就要係道路上行動 而鋪設道路嘅方式就係利用商隊


商隊 & 道路

研發左對外貿易呢個文化研究之後 就可以係城市到生產商隊 之後就可以開展貿易路線


貿易路線嘅收益係歸起始城市所有


貿易路線嘅收益係取決於終點城市有乜野區域
不同嘅區域會為貿易路線帶來不同嘅收益
終點城市嘅區域越多 貿易路線嘅收益就越大

於是乎商隊最好嘅用處就係派去新開拓嘅城市 開展一線去首都嘅貿易路線 用黎幫助新城市嘅發展

商隊係開展貿易路線嘅過程中會係地格上鋪設道路


當單位經由道路行進時 即使該地格上有丘陵、樹林、沼澤 亦都只需要1點移動力


由古典時代開始 如果道路係橫跨河流 就會自動係河嘅兩格之搭建橋樑 咁樣過河亦只需1點移動力


之後嘅時代仲會有更先進嘅道路 可以減少移動力消耗 令單位可以移動得更遠

用商隊鋪路嘅唔好處就係 貿易路線係遊戲自動選擇嘅 玩家無辦法自己揀係邊格鋪路

但到中後期就可以自己用軍事工程師鋪鐵路 移動效果更加遠勝普通嘅道路

偉人

遊戲內每一個偉人都係基於真實嘅歷史人物 佢地分別屬於下多個類別：
大將軍、大提督、大工程師、巨商、大科學家、大作家、大藝術家、大音樂家、先知


每一個類別嘅偉人都有不同作用，甚至即使係同一個類別嘅偉人佢地嘅效果都唔一樣

例如孫子係其中一個大將軍 佢會有所有大將軍都有嘅通用效果：
兩格內單位嘅戰鬥能力+5, 如果單位係回合開始時係大將軍嘅兩格內, 會多1行動點數

因為佢係古代嘅人物 佢呢個增益只係對古典同中世紀時代嘅單位有效
到佢無效果嘅時候就可以將佢退役 每個大將軍嘅退役效果都唔一樣

孫子嘅退役效果係寫一本叫《 孫子兵法》嘅巨作出黎



獲得偉人嘅方式係累積偉人點數 偉人點數來自同嗰個偉人類別對應嘅區域同建築 不同類別嘅偉人點數無法通用

例如大將軍嘅對應區域係軍事營地, 咁軍事營地同入面嘅兵營, 馬廄呢啲建築每回合會各提供+1大將軍點數

所以相關嘅區域同建築越多, 獲得該類別偉人嘅速度就越快
到你累積到足夠嘅偉人點數後, 遊戲會提醒你可以招募偉人


但你亦都可以選擇唔招募呢個偉人 原因在於每個偉人都作用都唔一樣 而家呢個可以招募嘅偉人 佢嘅能力未必適合你嘅需要


如果你跳過左一個偉人 偉人點數會保留用落下一個偉人到

偉人出現嘅次序係按時代隨機出現 古典時代嘅偉人會最早出現
當某類別古典時代嘅偉人全部被招募 就會出現中世紀偉人


所以如果跳過左呢個偉人 你可以大概預計到下一個有機會出現嘅偉人 再按需要決定要唔要跳過而家呢個可以招募嘅偉人


每一個偉人只能夠被一個文明招募 強效嘅偉人大家都會想要
除左起多啲區域同建築被動咁累積偉人點數外 仲有以下方法爭奪偉人

城市興建左某個區域之後 可以進行該區域嘅計劃


區域計劃完成之後會提供大量嘅偉人點數 咁即使你每回合嘅偉人點數落後其他文明 都可以靠進行區域計劃黎搶奪偉人

之前講城邦嘅時候 講到香港嘅宗主國加成係進行城市計劃時多20%生產力 區域計劃就係城市計劃嘅一種

除左偉人點數外 只要有足夠嘅錢或信仰都可以直接招募偉人 距離招募門檻越遠 需要耗費嘅錢或信仰越多


其他嘅偉人效果仲例如有：
某啲大工程師可以提供大量嘅生產力黎搶先建造奇觀
大作家、大藝術家、大音樂家分別可以創造唔同類型嘅巨作

因為佢地嘅作用太多不勝枚舉 我只係揀幾種較為獨特嘅黎講

先知係唯一所有偉人作用都一樣嘅類別, 就係創立宗教



宗教

係講宗教之前 首先要講下萬神殿 萬神殿係pantheon嘅翻譯 但其實佢應該係神系嘅意思

當你累積到25點信仰之後 就可以選擇一個萬神殿
萬神殿有好多種選擇 例如火焰女神會令火山灰土 +2信仰


如果你早期附近有好多火山嘅話 咁就可以累積到唔少嘅信仰


所以萬神殿嘅作用其實就係初期嘅少少經濟輔助 你可以按開局附近嘅環境黎揀萬神殿


當你招募到先知之後 就可以正式創立宗教


創立教宗時要由四個類別中選擇信條
宗教信條類別分為：創立者信條、追隨者信條、崇拜信條、強化信條

佢地嘅分別於：
所有文明都可以享受到追隨者信條嘅效果 就算你無創立到宗教都好
但創立者信條、強化信條嘅效果就只有創立宗教嘅嗰個文明先可以享受到

例如跨文化對話呢個創立者信條嘅作用係每4個信徒人口就會 +1科技值

越多人相信呢個宗教 創立宗教嗰個文明嘅科技值就越高

宗教係逐座城市咁樣計算 某座城市係計信邊一個宗教 取決於佢嘅人口有冇超過一半追隨某個宗教 呢樣野可以係宗教濾鏡睇到


同一個文明嘅不同城市可以相信不同宗教 咁不同宗教嘅城市就會享受到不同嘅信條效果


創立教宗時可以選擇兩個信條
其中一個一定要由追隨者類別中選擇 另一個可以係其他三個類任揀

當你係聖地起左寺廟之後 就可以係城市介面中用信仰度招募一個使徒


使徒可以用黎傳教 又或者係犠牲左佢黎再揀多一個信條


四個類別嘅信條 每個宗教係一個類別中只能揀一個信條
最終嘅完整宗教會係四個類別中各有一個信條


已經俾人揀左嘅信條 其他宗教就無得再揀
所以更早創立宗教嘅文明可以揀到更好嘅信條
正因為呢啲好處 所以玩家先會爭取提早創立宗教

一場遊戲先知嘅數目取決於地圖嘅大細 8人嘅標準地圖會有5位先知可供招募

即係話 係唔減少玩家人數嘅情況下 8個文明入邊只有5個文明可以成功創立宗教

除左透過聖地累積偉人點數黎招募先知 仲可以透過興建巨石陣呢個世界奇觀黎獲得先知

Good post LM

扣人口冇咩所謂
唔想扣要用governor magnus強化

strong post LM
我應該玩咗1000個鐘但我都係覺得自己仲係新手