[唔信宗教既唔好入]究竟佛教係高一級，定係基督教既上帝高一級？

唔求辨論教義，因為魔都可以扮自己好善良去呃人，魔都可以好聰明講一大堆理論支持自己觀點。

我但求想召集一下有靈力或有感應既人士，feel下佢地兩個宗教究竟邊個先係正派，邊個先係真話？

首先佢地兩個教派一定係對立，無得講，佛唔認呢個世界有創物主，無人可創造，基督教認有創物主，基督教眼中佛可能係撒旦擾亂人信神，佛既理論講到好複雜，但有好多人質疑，教義緣起法則點解會存在都解釋唔到。

究竟係靈性上邊個先係真，邊個先係最大，邊個先係正，因為好多人話佛係魔黎，來擾亂人信神，印度果邊係咁傳，如果一個人無事無幹，點會有人咁樣質疑你，好奇怪，但又無乜人話耶穌邪教，頂多話上帝霸道，但佛教都好霸道，一誹謗就要落無間地獄，仲霸道過基督教。

好想知真相，本人信左好耐佛，覺得佢奇怪啊

首先要攪清楚係講上帝定耶蘇先

如果你既因緣係上帝、耶穌
咁就信上帝、耶穌

佛教係高深
你未到果個層次
係理解唔到
將來你因緣成熟
再去修行

心裡空洞，想搵正確信仰，佛教切合左我觀點，覺得世間是苦，但會唔會係因為人唔信神導致苦呢？

由個post沉，我唔應該咁講佛教，佛教幫助好多人，救過好多人條命，網上睇唔少。

在此懺悔講佛教壞話，我個人又生性多疑左。
呢個世界無佛教，窮人就搵唔到出路翻身，病人都尋求唔到方法治病，在此懺悔，佛教比左好多方法人去改過，教左人好多好好道理，我唔應該質疑佛教。

Eg，父母恩德大，孝順父母會有福報，就算父母窮，都唔可以怪佢地，因為自己前世做得唔好，共業出世，父母窮仲養你已經好好。

殺生，殺得多對人類都唔好。
邪淫，自己前世邪淫多，今世就無女鍾意，仇女都無用。係你鍾意叫雞，導致無女。

前世因今世果，講得通點解有些人有錢，有些人窮，但基督教乜都解釋唔到。

我都係覺得佛教高一級，可惜接觸到佛教既人係少，因為無咁上下善良同福報，係接觸唔到佛教，所以信既人都少。

（1）以我理解，佛學講到道理比你知，冇聲稱自己係唯一真理。你可以照住去修練，希望進入佢講既境界，所有野都係靠自己努力，冇任何外力幫助，亦都唔知個結果會係點。如果講錯煩請指正。

（2）至於同神一齊，係永遠相愛既親蜜關係，連苦難死亡都分唔開。信神存在或者高級或者低級都係冇意義（連魔鬼都信，佢地仲驚到震。雅各書2:19），同神一齊先有意義。

有三個原因可以知道神可靠。

第一，神一早係聖經講定神要係耶穌身上成就既事（包括死海古卷已有完整以賽亞書抄本，約125 BC，特別係 以賽亞書53章），之後神照住做晒係耶穌身上，所以神信實可靠，講過會做。

第二，耶穌多次表明佢就係神自己（約翰福音10:30），佢醫治趕鬼等大能力，多到連反對佢既人都記得好清楚（包括Talmud, Celsus），歷史上鐵證如山。

第三，神係活生生既神，今日你隨時隨地搵到佢，只要你肯比神既能力臨到你身上，你都可以成為神蹟。耶穌講明，天地所有權柄都比晒佢，佢與門徒同在直到世代終結（馬太福音28:18-20）。耶穌今時今日繼續顯出大能，將聖經所講既都成為現實，係我身上係咁，係其他向耶穌忠信既人都一樣，係你身上都可以。

（4）所以如果要比較，我會指出兩個主要差別：

第一，佛學冇能力，耶穌有明顯既能力，神真係喺度。
第二，跟住佛學修練既目標係要咩都冇（包埋唔當痛苦係一回事），但同神一齊係打風都打唔甩既相愛關係，有既比擁有世上任何野更可貴（當然都唔驚痛唔驚死，因為神既能力大到令死人復活）。

睇完手塚治虫套佛陀，我覺佛教似一套學說多d

d神神鬼鬼都係d後人發展出黎

3一

萬 罰 朝 中

基督教小學
天主教中學
屋企安神位
門口安土地

耶穌個境界仲低過辟支佛

孔子：子不語怪力亂神

佛陀：我不談及阿修羅、非天

基督徒冇實修，理解唔到咩叫不究竟

凡所有相，都是虛幻
包括上帝，佛，耶穌，等等

不過老實講信佛咁耐，個心都好唔堅定，佛教成日話無創造神，但人地信基督教果班人好多都好出色，當然基督教都有唔好既人，但拎諾貝爾獎既科學家係佔左93%，九成人係信天主教，基督教，東正教，好難唔令人相信係創物主既力量令佢地咁聰明，好多基督徒名人拎獎都話榮耀歸於上帝，表示係靠上帝既力量佢地先有咁既成就，令我覺得基督教先係打開文明時代既主要力量，相反佛教就比人滅左好多次，令人覺得點解咁無力

係咁打錯字，造物主先啱

99%基督撚唔願意相信既事實
聖經有十幾年無記載耶哥唔知去左邊度
有考古學家話去左修行學佛

聖經被教會修改左好多
個教本身可能無乜問題，但信徒99%有問題

耶穌消失果段時間，成日比佛教徒拎黎威，首先無人肯定到係去左學佛，當耶穌真係學佛，耶穌學左咁耐佛，走番出去又係傳基督教，佛教既學說，佛陀菩薩名，咒語一粒字都無提，什至被部分人認為原始版死海古卷聖經都無提過，其他有異議流傳到今日既聖經經文都無提。

答案得兩個，一係耶穌根本無學佛，二係耶穌學過佛，但可能認為佛教唔究竟，所以無傳佛教。

的確，魔係驚神，唔驚佛，呢點值得令人思考，魔只係覺得佛阻頭阻勢，一d都唔驚佛，佛仲要人多謝魔既考驗令人可以成佛，變成佛魔唔對立但又要唔贊賞魔既行為，又變成對立。

相反，魔好驚神，神有能力令魔永遠落地獄，魔搏哂命要拉人落地獄陪葬，成件好似上帝更加勁，更有威勢同正義。

大佬，人地claim自己係上帝之子
又話自己同老豆，聖靈三為一體
人地只係拜師學藝，無話要傳教，要傳都傳佢老豆個個先
當然事實係點，無人知
但佢老豆痴撚線，要人拎佢個仔來做測試，成本舊約都充滿血腥，人性的醜陋
佢個仔就講大愛
無拜過師，好難一脈相承

當然你可以有無限理由去反對
因為根本驗證唔到真相

其實好多人都誤解
認為佛教既重心係講亂神怪力

呢個世界的確有亂神怪力
但佛陀講左一句
神通不敵業力

如果你係學北傳佛教
你會見到更多佛經思辨空有、探討心性等等
唔係果d魔法、神打、古靈精怪, 果d野

退教啦你
人地西方社會係基督撚多，教會同國家有錢，咁培育既人才就多啲，咪去justified佢地個truth囉

大把人啓發自東方思想
愛恩斯坦，榮格
呢啲你又唔講

同埋講到尾，佛教有宗教成份，但佛陀既義理完全係哲學觀
你既思維sync唔到，不如退出三寶，去其他層面領教下，你可能會開心啲

太多人被傳統啲古老思維影響左
根本唔知道佛陀最根本既教義係乜

Exactly, 佢嘅佛學理解 HKCE 水平都未到。