【科幻故 唔係科幻幻故/幻幻故】《今次一定救到你》(4)

上回講到時世上堂都喺度諗緊柔柔嘅問題～
不過點諗都諗唔通～
諗到又小息～柔柔好快就過咗嚟～
又係第一時間搵咗時世先囉～
時世自然反應想避避柔柔！
好彩有家嘉陪柔柔～時世就同安哥仔落去買嘢食先～
落到去時世覺得好似缺少咗啲乜咁㗎呢？
唔好諗咁多！而家要諗都係柔柔嘅問題！
柔柔都仲係好在乎時世～
大家唔覺有咩問題～係得時世知個問題喺邊！
安哥仔又唔幫拖！
諗極都仲係諗唔掂！又到咗Lunch～
時世諗到都忽略咗柔柔講啲乜添！
安哥仔就冷眼打量住時世：「咪話咗佢哋班要整Board囉...你有冇聽㗎？」
『有！梗係有啦！整Board吖嘛！』屌你咁樣走嚟入時世嘅？
只見柔柔帶住微笑點點頭...
死啦...會唔會覺得係因為時世同咗家嘉拍拖...所以唔留心佢啲嘢...又對家嘉增加恨意㗎？
柔柔呢種微笑真係好難捉摸吖！

如果係咁時世真係要屌死安哥仔！
不過講開又講...點解安哥仔好似句句都窒住晒咁㗎呢？
魚魚都掃掃柔柔手臂：「唔緊要啦～唔緊要啦～套戲都係啱啱上～有排都未落～一定可以一齊睇嘅～」
威姐都點點頭：「再唔係今個禮拜六都得㗎～」
家嘉都搭住柔柔膊頭：「今個禮拜六我哋都得閒吖～一齊去睇～」
「嗯嗯～」柔柔帶微笑點點頭，然後又望住時世～
『係咯～禮拜六啦～』時世都望住安哥仔，『得閒㗎嘛～』
「嗯嗯...」安哥仔又尷尷尬尬咁點點頭...
點解時世好似...諗到啲嘢...又好似...忽略咗啲好重要嘅嘢咁㗎呢？
跟住嘅劇情發展又會係點呢？



準備出文

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～